Македонија
„Wizz Air“ со шести авион во својата база во Скопје и 13 нови рути

Wizz Air, најголемиот авиопревозник во Македонија и еколошки најодржливата авиокомпанија во EMEA регионот¹, со задоволство најавува значителна експанзија во земјата, додавајќи шести авион во својата база во Скопје, како и 13 нови рути. Оваа експанзија доаѓа по успешниот исход од учеството на Wizz Air на неодамнешниот јавен тендер, што и овозможи на авиокомпанијата дополнително да инвестира во македонскиот авијациски сектор.
Со билетите кои се достапни веќе од денес, Wizz Air додава пет нови линии во својата мрежа, поврзувајќи го Скопје со Будимпешта и Неапол, а Охрид со Милано, Катовице и Вроцлав, во дополнение на веќе најавените рути годинава. Со стартот на овие 13 долгоочекувани рути од аеродромите во Скопје и Охрид управувани од ТАВ Македонија, Wizz Air ќе ја поврзува Македонија со 41 дестинација во 17 земји низ Европа. Директните линии се веќе достапни за резервација на wizzair.com wizzair.com и мобилната апликација на авиокомпанијата mobile app.
Како дел од оваа стратешка експанзија, Wizz Air додава шести авион во базата во Скопје и ја модернизира целата своја флота со најсовремени Airbus A321neo до крајот на оваа година. Со оваа надградба капацитетот на седишта ќе се зголеми за 55%, со што Wizz Air ја потврдува својата позиција како несомнен лидер на македонскиот авио-пазар.
Денеска е значаен момент што ја потврдува посветеноста на Wizz Air за поврзување на Македонија со клучните европски градови и отворање нови можности за патници и економски развој.
„Нашата упорност, стратешките инвестиции и неодамнешното славење на 15-милионитиот патник ја потврдуваат нашата долгорочна посветеност кон Македонија. Веруваме дека силниот авијациски сектор е клучен за економскиот развој и туристичкиот раст на земјата. Оваа експанзија ја проширува регионалната поврзаност, отворајќи ги вратите на Македонија пред европските патници. Нашата континуирана соработка со ТАВ Македонија беше клучна за постигнување на овие успеси, одразувајќи ја нашата заедничка посветеност за подобрување на авијациската инфраструктура и искуството на патниците. Let’s WIZZ!“, истакна извршниот директор на Wizz Air, Јожеф Варади
ТАВ Македонија, подружница на ТАВ Аеродроми – членка на француската Groupe ADP (Aéroports de Paris), ја започна својата соработка со нискобуџетната унгарска авиокомпанија во јуни 2011 година, со првиот лет од Меѓународниот аеродром Скопје до Лондон – Лутон. Оттогаш, Wizz Air стана составен дел од македонската авијациска сцена, а во јули 2025 година заедно со ТАВ Македонија го прослави 15-милионитиот патник во годината кога аеродромот слави 15 години.
Во моментов Wizz Air вработува повеќе од 200 луѓе во Македонија и останува посветена на поддршката на локалната економија преку инвестиции и вработување. Компанијата ја цени поддршката на Владата, која го препознава значењето на авијацискиот сектор за економски раст, поврзаност и развој на туризмот.
– „Со проширување на мрежата на рути, двата македонски аеродроми ја зајакнуваат својата улога како клучни кон Европа и пошироко. Овие нови авиолинии се резултат на нашата стратешка соработка со Владата и авиокомпанијата Wizz Air, со цел зголемување на можностите за патување и мобилност на граѓаните. Убеден сум дека новите дестинации како Неапол од Меѓународниот аеродром Скопје, Милано и Вроцлав од аеродромот Св. Апостол Павле во Охрид, како и враќањето на Будимпешта од скопскиот аеродром и Катовице од охридскиот аеродром, ќе бидат привлечни за граѓаните и ќе придонесат за конкурентноста на двата аеродроми во регионот.“ изјави Неџат Курт, генерален директор на ТАВ Македонија
Во моментов Wizz Air вработува повеќе од 200 луѓе во Македонија и останува посветена на поддршката на локалната економија преку инвестиции и вработување. Компанијата ја цени поддршката на Владата, која го препознава значењето на авијацискиот сектор за економски раст, поврзаност и развој на туризмот.
НОВИ WIZZ AIR РУТИ ОД МАКЕДОНИЈА
New Route | Frequency | ||
Скопје – Бари | 3x weekly | ||
Скопје – Неапол | 3x weekly | ||
Скопје – Будимпешта | 3x weekly | ||
Скопје – Келн | 4x weekly | ||
Скопје – Штутгарт | 3x weekly | ||
Скопје – Ларнака | 2x неделно | ||
Скопје – Мадрид | 3x неделно | ||
Скопје – Прага | 3x неделно | ||
Скопје – Стокхолм | 3x неделно | ||
Охрид – Базел | 2x неделно | ||
Охрид – Милано | 2x неделно | ||
Охрид – Катовице | 2x неделно | ||
Охрид – Вроцлав | 2x неделно |
/ПР (Wizz Air Macedonia)
Македонија
Дизелот со мало поскапување, додека бензините остануваат со иста цена за литар

Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство на (ЕЛ-1), не се менуваат, односно остануваат на исто ниво како што биле утврдени со одлуката за утврдување на највисоки малопродажни цени на нафтените деривати и горива за транспорт од 15.09.2025 година и со тоа малопродажната цена на ЕУРОСУПЕР БС-95 изнесува 75,50 ден/лит, малопродажната цена на ЕУРОСУПЕР БС-98 изнесува 77,50 ден/лит, додека малопродажната цена на Екстра лесното масло за домаќинство на (ЕЛ-1) изнесува 69,00 ден/лит.
Малопродажната цена на ЕУРОДИЗЕЛ (Д-Е V), се зголемува за 0,50 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 15.09.2025 година и со тоа малопродажната цена на ЕУРОДИЗЕЛ (Д-Е V) изнесува 69,50 ден/лит, известуваат од РКЕ.
Македонија
(ФОТО) Македонската полиција се ребрендира – МВР ги повикува сите заинтересирани компании да учествуваат на тендерот

Министерството за внатрешни работи објави тендер за нови униформи за замена на старите, непрактични и нефункционални униформи со нови, модерни, квалитетни и функционални по терк на европските полиции.
Министерството во процесот кој е целосно транспарентен и одговорен, оствари технички дијалог со дури 13 заинтересирани компании при што беа земени во предвид сите сугестии и предлози. Министерството апелира на тендерот да се јават сите заинтересирани компании и во утврдените рокови да може да се промовира новата, модерна, квалитетна и функционална униформа за оние кои се грижат за безбедноста на македонските граѓани. Македонската полиција заслужува да биде модерна и функционална европска полиција.
Новата униформа во себе ќе содржи елементи како виндјакна, теренска јакна, теренски панталони летни и зимски, кошули со кратки и долги ракави, капи, маички, чевли со потенок и подебел ѓон и високи зимски и летни тактички чизми.
Тендерот е објавен на електронскиот систем за јавни набавки на следниот линк и на него можат да учествуваат сите заинтересирани компании – ТУКА
Македонија
Вчера лишени од слобода деветмина возачи поради возење под дејство на алкохол и санкционирани 540 возачи за брзо возење

Во текот на вчерашниот ден (21.09.2025) како резултат на редовните сообраќајни контроли што ги реализириаат полициските службеници од сите сектори за внатрешни работи на патиштата низ земјава, од вкупно 772 издадени платни налози поголемиот дел од нив, односно 540 прекршоци се однесуваат на возачи кои што не ја почитувале пропишаната брзина на движење.
Според статистичкиот преглед од полициските активности, вчера беа евидентирани 41 прекршок за неправилно паркирање, 50 прекршоци се изречени за возачи што управувале возила без возачки доволи, како и 28 прекршоци за возачи кај кои е регистрирано присуство на алкохол над законски дозволеното ниво.
Од друга страна пак, исто така согласно одредбите од Законот за безбедност на сообраќајот на патиштата во текот на вчерашниот ден санкционирани биле и 14 возачи на мотоцикли заради неносење заштитен шлем, потоа девет лица заради користење на мобилен телефон при возење, еден пешак и четворица возачи што минале на црвено светло, како и 16 учесници во сообраќајот кои што не користеле сигурносен појас. Согласно Законот за возила, 13 возила биле отстранети од сообраќај заради тоа што биле нерегистрирани, а две заради техничка неисправност.
Исто така вчера, а врз основа на членот 297-а од КЗ на РСМ (“безобѕирно управување со возило“) лишени од слобода се деветмина возачи од кои што двајца заради прекумерно присуство на алкохол во крвта (над 1,5 промили) и седуммина заради управување со брзина поголема од дозволената, истакна МВР.
-
Кичево1 ден
Кичево: За среќа само материјална штета од сообраќајката на кружен тек кај „Автобуска станица“
-
Кичево1 ден
(ВИДЕО+ФОТО) Се гаси огромна површина на пожар зад градски стадион во Кичево
-
Хороскоп1 ден
Хороскоп за вторник (23 септември)
-
Култура1 ден
(ФОТО) Нашиот заштитник Манастир „Св.Богородица – Пречиста“ по повод празникот „Рождество на Мајката Божја“ беше посетен од голем број верници
-
Скопје15 часа
АМСМ: Од утре започнуваат градежни активности – санација на потпорни ѕидови кај подпатник на Државен пат А2 – обиколница Скопје, ќе трае четири месеци
-
Македонија1 ден
Вчера лишени од слобода деветмина возачи поради возење под дејство на алкохол и санкционирани 540 возачи за брзо возење
-
Временска прогноза2 дена
Ведро и сончево, од четврток следи промена на времето, каде ќе биде застапено поголемо наоблачување
-
Спорт11 часа
Македонија до 15 години во фудбал води против репрезентацијата на Косово во гости, во финишот на првото полувреме