Xiaomi ја лансираше серијата Redmi Note 13 во Кина. Беа претставени три модели – Redmi Note 13, Redmi Note 13 Pro и Redmi Note 13 Pro+. Последниот споменат модел е и најдобриот телефон од оваа серија.

#xiaomi #RedmiNote13ProPlus
Redmi Note 13 Pro+ Launched In China

•6.6 inc 1.5k OLED 120Hz Punch-Hole Display
•MTK Dimensity 7200 Ultra SoC
•Android 13
•200+8+2 Triple Cam
•16MP Selfie Cam
•In-Display FS
•Dual Speakers /WiFi 6
•5,000 mAh battery(120w F.C) pic.twitter.com/GwW0xSO9k4

— Techylogy (@techylogy) September 21, 2023

Redmi Note 13 Pro+

Redmi Note 13 Pro+ е првиот Redmi телефон кој пристигнува со IP68 сертификат. Телефонот има заоблен екран со редизајниран заден дел.

Екранот е OLED со дијагонала од 6,67 инчи, резолуција од 1220 x 2712 пиксели и брзина на освежување од 120 Hz. Заштитен е со Gorilla Glass Victus стакло, а под екранот има оптички скенер за отпечатоци. Предната камера пристигнува со сензор од 16 MP.

На задната страна, телефонот има главен сензор Samsung ISOCELL HP3 од 200 MP. Нему му се придружуваат ултра-широк сензор од 8 MP и макро сензор од 2 MP. Сите сензори на камерата се одвоени еден од друг и нема отсек во кој се наоѓаат. Горниот дел каде што се наоѓаат камерите е само обложен со различни бои во споредба со долниот дел од капакот.

Redmi Note 13 Pro+ е опремен со батерија од 5000 mAh со поддршка за брзо полнење од 120 W.

Телефонот се напојува со MediaTek Dimensity 7200-Ultra чип, заедно со до 16GB LPDDR5 RAM и 512GB UFS 3.1 внатрешна меморија. Xiaomi додаде огромна графитна плоча од 4000 m2 и VC ладилник на телефонот. Redmi Note 13 Pro+ доаѓа со Android 13 и MIUI 14 надвор од кутијата.

Цената на Redmi Note 13 Pro+ започнува од 1.999 CNY (околу 275 долари) за верзијата со 12/256 GB и оди до 2.299 CNY (околу 315 долари) за верзијата со 16/512 GB.

Покрај телефонот Redmi Note 13 Pro+, Xiaomi ги претстави и моделите Redmi Note 13 и Redmi Note 13 Pro во рамките на серијата Note 13.

Redmi Note 13

Redmi Note 13 пристигнува со 6,67-инчен AMOLED екран со резолуција од 1080 x 2400 пиксели и брзина на освежување од 120 Hz. Се напојува со чипот Dimensity 6080 и е достапен во четири мемориски конфигурации – 6/128GB, 8/128GB, 8/256GB и 12/256GB. RAM меморијата е LPDDR4X, а меморијата е UFS 2.2.

На задната страна има две камери, сместени во правоаголен исечок. Главниот сензор е 100 MP, а има и сензор за длабочина од 2 MP. На предната страна има селфи камера со сензор од 16 MP.

Redmi Note 13 има батерија со капацитет од 5000 mAh со поддршка за брзо полнење од 33 W. Димензиите на телефонот се 161,11 x 74,95 x 7,6 mm, а тежината е 173,5 грама.

Телефонот Redmi Note 13 е со цена од 1099 CNY, што е околу 150 долари.

Redmi Note 13 Pro

Овој телефон има 6,67-инчен AMOLED дисплеј со резолуција од 1220 x 2712 пиксели и брзина на освежување од 120 Hz. Под екранот има скенер за отпечатоци. На задната страна има сензор за главната камера од 200 MP (Samsung ISOCELL HP3), ултра широк сензор од 8 MP и помошен сензор од 2 MP. На предната страна се наоѓа селфи камера со сензор од 16 MP.

Redmi Note 13 Pro има батерија од 5100 mAh со поддршка за брзо полнење од 67 W. Се напојува од неодамна претставениот чип Qualcomm Snapdragon 7s Gen 2.

Телефонот Redmi Note 13 Pro има цена од 1.399 CNY, што е околу 190 долари.

#Xiaomi #RedmiNote13Pro
Redmi Note 13 Pro Launched In China

•6.6 inc 1.5k OLED 120Hz Punch-Hole Display
•Snapdragon 7s Gen2 SoC
•Android 13
•200+8+2 Triple Cam
•16MP Selfie Cam
•In-Display FS
•Dual Speakers /NFC
•5,100 mAh battery(67w F.C) pic.twitter.com/lb3y9dgNwn

— Techylogy (@techylogy) September 21, 2023