Под влијание на нов голем влажен воздушен бран од запад и од северозапад, утре (петок) од претпладневните часови од запад ќе се прошируваат врнежи од дожд кои во попладневните и во вечерните часови ќе ја зафатат целата територија на Македонија. Локално и особено во западните предели врнежите ќе бидат обилни, и проследени со ретки грмежи. Локално ќе наврне значително количество на воден талог (над 30/40 литри дожд на метар квадратен), особено во западните предели.

Утре (Петок) во текот на денот и вечерта ќе дува засилен до повремено силен ветер од јужен и од југозападен, а потоа  и од западен правец (повремено и локално со брзина од над 80/90 км/час). Повторно апелирам да се избегнува граѓаните да ги ставаат своите автомобили во близина на дрвјата.

Поради продор на значително поладен воздух од север, ноќта петок кон сабота и во сабота (23.11.2024) претпладне најпрвин на повисоките места и на планините, а потоа  и во пониските места (градовите), и тоа особено во северните  и во западните предели од Македонија врнежите од дожд ќе преминат во врнежи од снег и се очекува формирање на снежна покривка, особено на планините  и на повисоките места, а мала снежна покривка е можно да се формира  и во градовите во северните и во западните предели од Македонија.

Во Скопскиот регион исто така утре (петок) ќе дува засилен до силен ветер од јужен и од југоисточен правец. Во текот на денот и вечерта ќе започнат врнежи од дожд кои поради продор на значително поладен воздух од север, особено на околните планини и во повисоките предели од котлината ќе преминат во врнежи од снег. Не се исклучува можноста по некоја снегулка да провее и во пониските предели од котлината во сабота рано наутро и претпладнето (23.11.2024).

Од ноќта петок кон сабота, како и во сабота на 23 Ноември ќе дува силен ветер од северен правец (повремено и локално со брзина од над 70/80 км/час).

Што се однесува до температурите, тие утре (петок) ќе се искачуваат во интервалот од 7 до 14 степени, додека ноќта кон сабота значително ќе опаднат и во сабота наутро тие ќе се спуштаат во интервалот од -5 до 4 степени, додека максималната температура во сабота ќе се искачува во интервалот од 1 до 11 степени во најтоплите југоисточни предели.

Во сабота во текот на денот ќе имаме разведрување  и стабилизација на времето, па токму поради разведрувањето, во недела наутро ќе биде многу студено со умерени до јаки мразеви   и температури кои ќе се спуштаат во интервалот од -10 до -1 степен, информира Славчо Попоски.

Моќниот циклон кој е со центар северозападно од нас, оваа ноќ и утре (четврток) претпладне ќе условува врнежи од дожд, кои особено во западната половина ќе бидат обилни (локално над 30 литри дожд на метар квадратен), а има услови и за локална појава на грмежи.

Сето ова ќе биде проследено со засилен до силен ветер од западен и одс северозападен правец (повремено и локално со брзина од над 80/90 км/час), додека на планинските места со брзина до околу 100 км/час). Токму поради ова, апелирам, граѓаните да бидат крајно внимателни каде ги ставаат своите автомобили, односно истите да не ги ставаат во близина на дрвјата.

Поради продор на значително поладен воздух од север, во текот на оваа ноќ, и утре претпладне на повисоките места  и на планините, особено во северните и во северозападните предели од државава врнежите од дожд ќе преминат во врнежи од снег и ќе се формира снежна покривка. Не се исклучува можноста снежната граница да се спушти и под 1000 метри надморска височина, со што услови за повремен снег ќе има и во повисоките населени места (градови).

Што се однесува до температурите, тие утре ќе бидат значително пониски преку ден и ќе се искачуваат во интервалот само од 4 до 12 степени, а на повисоките и планинските места ќе биде многу постудено.

И во Скопскиот регион исто така ќе има врнежи од дожд, кои во текот на оваа ноќ и утре претпладне на околните планини тие ќе преминат во снег, а не се исклучува можноста провејување на снег до утре претпладне да има  и во повисоките населени места во Скопско. И во Скопскиот регион ќе дува засилен до силен ветер од северозападен правец, повремено со брзина од над 75 км/час, пишува Славчо Попоски

Според најновиот излез на најажурниот прогностички модел (ECMWF) Европски Центар за Среднорочна Прогноза, истиот ги зголемува условите за врнежи од снег, како на повисоките места и на планините, така и на повеќето пониски места, и тоа во сабота (23.11.2024).

Покрај речиси целиот Балкан што ќе биде покриен со снег, и тоа поради силниот продор на студен воздух од север кон Балканот и во Македонија до сабота очекуваме на повеќето места врнежи од снег и големо опаѓање на температурите на воздухот, а температурите допрва ќе ги анализирам и јавноста околу ова навремено ќе биде информирана какви температури не очекуваат.

Значи, во сабота (23.11.2024) на повеќе места во Македонија ќе има повремени врнежи од снег, проследено со засилен северен ветер. Што се однесува до снежната покривка, на планинските и на повисоките места таа ќе биде со висина од 10 до 20 cм, на високите планини можно е таа да биде и поголема. Што се однесува до повеќето пониски места (градови) ќе има снежна идила, со очекувана снежна покривка од 4 до 10 цм. Особено повремени врнежи од снег во сабота се очекуваат во северните и во западните предели од Македонија.

Секако со овој бран во сабота, големи се условите да забелат и околните планини во Скопје. Слабо провејување на снег можно е  и во повисоките предели од Скопската котлина.

Во следните метео објави следува нова, и по потреба обновена метео анализа токму околу очекуваниот снег во сабота (23.11.2024).

Да напоменам дека во четврток ќе имаме продор на ладен воздух, но тој ќе биде со помал интензитет за разлика од овој во сабота на 23 ноември, па така снег во четврток очекуваме само на планините, истакна Славчо Попоски

• Во овие веќе вечерни и ноќни часови времето речиси насекаде е ведро и студено. Температурите на многу места се околу, а понекаде и под нула степени. Најстудено вечерва како што можете да видите на картата е во Берово и во Битола со -2 степени. До изутринава температурите ќе се спуштаат во интервалот од -4 до 3 степени, додека во Беровскиот регион температурата треба да биде  и нешто поска, околу, или малкку под -5 степени.Сепак денес кон крајот на денот и вечерта од запад постепено облачноста ќе се зголемува, и во вечерните и ноќните часови кон среда ќе има појава на повремен локален дожд во западните предели од Македонија.