ЦУК истакна информација за проодноста на патните правци по врнежите од снег во последните 24 часа до 11:00 часот:

ПОРКОА РЦУК – Скопје, известува дека сите патни правци на Скопскиот регион се проодни освен (планинскиот дел) Општините: Чучер Сандево, Бутел, Сопиште, Студеничани и Зелениково има заврнато мало количество на снег кој е кашест и се топи, исто така во скопскиот регион, до сега нема зголемен водостој на реките кои би предизвикале излевање од речните корита.

ПОРКОА РЦУК Велес известува дека сите патните правци на територија на Вардарскиот регон(Велес, Свети Николе, Чашка, Градско, Росоман, Неготино, Кавадараци, Демир Капија) се проодни, инаку врне дожд со слаб интензитет.

ПОРКОА РЦУК – Штип, известува дека патните правци на територија на источниот регион(Штип, Берово, Пехчево, Виница, М. Каменица, Делчево, Кочани и Пробиштип,Лозово, Карбинци,Чешениво-Облелешево, Зрновци) се проодни. Собраќајот на патиштата се одвива тековно во зимски услови, по влажни коловози и нема појава на поплави и други нарушувања.

ПОРКОА РЦУК – Битола, известува сите патни правци на Битолскиот регион(Опш. Битола, Новаци, Могила, Прилеп, Долнени,Кривогаштани.Демир Хисар, Крушево) се проодни.

ПОРКОА РЦУК – Струмица, известува сите патни правци на Струмичкиот регион(Струмица, Босилово, Василево, Ново Село, Радовиш, Конче, Валандово,Гевгелија, Богданци, Дојран) се проодни. Дождот што има наврнато, засега не претставува опасност од поплави сообраќајот се одвива нормално.

ПОРКОА РЦУК – Охрид, (Опш.Охрид, Струга, Дебар, Кичево,М.Брод) дека сообраќајот на сите магистрални, регионални и локални патни правци се одвива редовно по влажни коловози. Сосема мала количина на снег се забележува на повисоките населени места кој не претставува проблем за редовно одвивање на сообраќајот.

ПОРКОА РЦУК – Куманово, известува дека Северисточниот регион (Опш.Куманово, Старо Наоричане, Кр.Паланка, Кратово) сите магистрални регионални и локални патни правци се проодни, собраќајот се одвива тековно во зимски услови. Врнежи од дожд 5,1 м2 измерени во 08,00 часот, додека врнежите од снег има во повисоките места од 5 до 10 cm.

ПОРКОА РЦУК – Тетово, сите патни правци на Полошкиот регион(Тетово, Гостивар, Теарце, Јагуновце, Желино, Брвеница, Боговиње, Врапчиште, Маврово-Ростуше) се проодни. Патниот правец Попава Шапка – Тетово, и Гостивар – Стража и Маврово има снег со слаб интензитет. Екипите на ЈП за одржување и заштита на магистралните и регионалните патишта се на терен и интервенираат доколку е потребно.

Извор: ЦУК

Полициски службеници од СВР Куманово лишија од слобода 17-годишен малолетник од Куманово, постапувајќи по добиена пријава на 29.11.2024 во 09.05 часот дека е откорната табла од канцеларијата на Конзулатот на Република Србија во Република Македонија, лоциран во Куманово. Веднаш по добиената пријава, во координација со ОЈО Куманово, полициски службеници од СВР Куманово презедоа мерки и активности и го расчистија кривичното дело.

Малолетникот е приведен во полициска станица и по документирање на случајот СВР Куманово ќе поднесе кривична пријава по член 319 од КЗ до ОЈО Куманово.

За време на претстојниот викенд и периодот кој следи, Државниот пазараен инспекторат ќе врши редовни и вонредни надзори низ цела територија на Македонија кај трговци и угостители врз основа на повеќе закони во рамки на своите надлежности.

При надзорите ќе се даде посебно внимание на „Black Friday“ – продажните акции, се со цел спречување на доведување во заблуда на потрошувачите и примена на измамнички трговски дејства, во согласност со Законот за заштита на потрошувачите.

Дополнително, имајќи го предвид зимскиот период, но и поплаките од граѓаните кои пристигнуваат во континуитет во пазарниот инспекторат за пушење во угостителските објекти, ќе се вршат надзори и по Законот за заштита од пушењето.

Како што се наведува во соопштението, Пазарниот инспекторат при надзорите ќе опфати поширок обем на закони за постапување, како што се:

• Законот за заштита на потрошувачите
• Законот за трговија
• Законот за заштита од пушењето
• Законот за угостителска дејност
• Законот за забрана и спречување на вршење на нерегистрирана дејност
• Закон за инспекциски надзор
• Закон за државен пазарен инспекторат

Преку медиумите, ДПИ апелира до сите трговци и угостители, да ги почитуваат законите, а своите дејности и услуги да ги вршат во согласност со законските прописи.

– Исто така, ги охрабруваат граѓаните, секоја неправилност која ќе ја забележат да ја пријават во Државниот пазарен инспекторат на 191 или на www.dpi.gov.mk