Кичево
(ГАЛЕРИЈА) Со многу забава и бура емоции вчера заврши Хуманитарниот Божиќен Базар во Кичево

Вчера и официјално Хуманитарниот Божиќен Базар кој се одржуваше од 2 јануари го прогласивме за затворен. Бура од емоции и позитивни вибрации е премалку да се каже какво чувство пробуди не само кај организаторите, туку кај сите.
Кичевчани дефинитивно дадоа зелено светло и мотив плус за градскиот Базар, кој се организира четири години по ред по повод Божиќ – Христовото раѓање, а мотивот Хуманитарен е само душа за сплотеност, заедништво и мотив повеќе за подадена рака.
Да се надеваме дека в година традицијата ќе ја продолжиме, паралелно со нашата хумана мисија, а за тоа сте потребни сите вие, да дојдете, да уживате, исто така и артистите, музичарите, културно уметничките друштва, dj-ите, и сите кои можат да придонесат да дојде повеќе народ, првично самоволно да се пријават да се дел од програмата.
– Нешто повеќе ќе истакнеме во понатамошниот период.
Во прилог преку нашиот објектив и фотогалерија ќе ви го пренесеме вчерашниот настан одблиску! ❤️
Кичево
СВР Охрид со детали за стравичната сообраќајка во Кичево која одзеде три животи

На 18.04.2025 во 20:40 часот во ОВР Кичево e пријавено дека, на магистралниот пат Кичево-Гостивар, кај место викано „Сеферов бунар“, се случила сообраќајна несреќа помеѓу патничко возило „мерцедес“ со кичевски регистарски ознаки, управувано од З.Д.(64) од Битола, патничко возило „форд“ со кичевски регистарски ознаки, управувано од А.Р.(63) од село Горно Страгомиште, кичевско и патничко возило „опел“ со кичевски регистарски ознаки, управувано од Х.Е.(38) од Гостивар.
На местото на настанот починале возачите З.Д. и Х.Е, а сопатничката од патничкото возило „опел“ Б.Е.(38) од Гостивар, била пренесена во Медицинскиот центар Кичево, каде починала.
Од страна на лекар констатирана била смрт, а по наредба на јавен обвинител телата на починатите се предадени за обдукција.
Во несреќата со телесни повреди се здобиле возачот А.Р. и неговата сопатничка А.А.(67) од село Колари, кичевско, сопатникот од возилото „мерцедес“ Д.С.(37) од Кичево и сопатниците од патничкото возило „опел“- тројца малолетници од Гостивар и Р.Е.(60) од селото Шутово, кичевско, констатирани во медицински установи во Кичево и Скопје.
На местото на несреќата увид извршија јавен обвинител, судски сообраќаен вештак и полициски екипи, за јавноста предмалку извести портпаролот на СВР Охрид, Стефан Димоски.
Кичево
Трагична сообраќајка со жртви кај кичевската месност „Сеферов бунар“

Во стравичната сообраќајна несреќа која го крена на нозе Кичево за жал е со трагични последици.
Несреќата се случила на сама кривина кај месноста викана „Сеферов бунар“ на магистрален пат А2, Кичево-Гостивар, учесници биле три возила, едно со странски регистарски додека другите со македонски национални ознаки.
Три жртви се трагично загинати, додека осум лица се тешко повредени меѓу кои и деца кои се префрлени на клиники Мајка Тереза во Скопје.
– Неофицијално од извори на терен, загинатите се жители на странска држава, додека едната жртва е државјанин со место на живеење во Македонија.
Портпаролот на СВР Охрид за Порта.мк предмалку ја потврди нашата информација, за случената сообраќајка, која гласи:
– Вечерва во 20.55 часот, во ОВР Кичево е пријавено дека се случила сообраќајна незгода на патот Кичево-Гостивар, помеѓу Кичево и село Трапчин Дол во која учествувале три возила. Според првичните информации три лица починале како последица на добиените повреди, а осум лица се повредени и дел од нив се пренесуваат во болницата во Кичево, дел во Клинички центар Мајка Тереза во Скопје. Сообраќајот е во прекин во двата правци за сите видови возила.
Кичево
Сообраќајна несреќа предмалку се случила на магистрален пат Кичево-Гостивар во близина на с.Зајас

Предмалку се случила тешка сообраќајна несреќа во близина на Трапчин Дол на магистрален пат А2, Кичево-Гостивар.
Првичните информации се дека станува збор за тешка сообраќајка и има зголемен сообраќаен метеж.
Излезени на терен се ОВР Кичево и екипи на Медицинскиот центар Кичево, ТППЕ Кичево исто така се упатени дополнително на терен.
За учесниците и нивното здравје, подетални информации немаме, да се надеваме дека нема фатални последици.
* Неофицијално причинета е голема материјална штета, а учесници биле три возила.
Повеќе детали прочитајте ТУКА
-
Кичево2 дена
Трагична сообраќајка со жртви кај кичевската месност „Сеферов бунар“
-
Кичево2 дена
Сообраќајна несреќа предмалку се случила на магистрален пат Кичево-Гостивар во близина на с.Зајас
-
Кичево1 ден
СВР Охрид со детали за стравичната сообраќајка во Кичево која одзеде три животи
-
Хороскоп2 дена
Хороскоп за сабота (19 април)
-
Хороскоп13 часа
Хороскоп за недела (20 април)
-
Македонија2 дена
Возел мотор без возачка и со сообраќајна од друг мотор со измината важност
-
Временска прогноза16 часа
Од понеделник повторно нашата територија под влијание на циклонска активност која носи обилен дожд и електрични празнења
-
Социјални мрежи20 часа
Инстаграм има нова функција која се нарекува „Blend“ нејзината цел е да го направи гледањето и споделувањето на содржината на „Reels“ уште позабавно.