Свет
Земјотреси во Јапонија, најсилниот беше 7,6 степени според Рихтеровата скала – издадено предупредување за цунами.

Неколку силни земјотреси ја потресоа Јапонија. Издадени се предупредувања за цунами за префектурите Ишикава, Ниигата и Тојама. Надлежните апелираат граѓаните да се евакуираат на безбедни локации. Издадено е ново предупредување за земјотрес. Без струја останаа 36.000 домаќинства. Нема опасност за нуклеарнa катастрофа.
Шест лица се затрупани под урнати куќи во градот Ваџима по земјотресот со јачина од 7,6 степени според Рихтеровата скала што ја погоди јапонската префектура Ишикава на брегот на Јапонското Море, соопшти владата.
Пожар од големи размери избувна и во Ваџима по земјотресот, изјави владиниот секретар Јошимаса Хајаши на вонредна прес-конференција, пренесува новинската агенција Кјодо.
Новинарите од јавниот сервис NHK ги повикаа жителите да се засолнат на повисоките места и покрај студот, додека во позадина се слушаше пораката „ЕВАКУИРАЈ“.
„Разбираме дека вашиот дом, дека сите работи ви се скапоцени, но вашите животи се над тоа“, им порача водителот на гледачите.
Луѓето објавија видеа од куќите, возовите и метрото како се тресат за време на земјотресот.
Повеќе од 20 земјотреси со јачина од 4 степени и повеќе ја погодија централна Јапонија за нешто повеќе од 90 минути, соопшти Јапонската метеоролошка агенција (ЈМА).
Најсилниот земјотрес е регистриран во 16:10 часот по локално време, со јачина од 7,6 степени.
Неколку локални медиуми објавија дека ова е првпат властите да „предупредат на големо цунами“ од 2011 година, кога силен земјотрес го погоди североисточниот дел на Јапонија.
Затворени се сите главни автопати во близина на епицентарот на земјотресот.
Над 36.000 домаќинства останаа без струја во оваа област, објави главниот снабдувач на струја Хокурику електрик павр.
Јапонските нуклеарни власти соопштија дека „нема ризик од истекување на радиоактивен материјал од нуклеарните централи“ во областите погодени од земјотресите и цунамито.
Јошимаса Хајаши, портпарол на владата, ги предупреди жителите да се подготват за нови земјотреси.
Метеоролошката агенција на Јужна Кореја предупреди дека цунами бранови до 0,3 метри би можеле да го погодат источниот брег на земјата во периодот од 18:29 до 19:17 часот по локално време.
Агенцијата ги повикува жителите на планинската провинција Гангвон да се евакуираат на повисоките места.
Русија издаде предупредување за цунами во пристанишните градови на Далечниот исток Владивосток и Находка, објави нејзината државна новинска агенција ТАСС.
Во 2011 година, Јапонија беше погодена од земјотрес со јачина од 9 степени, а цунамито што следеше ги уништи нејзините североисточни крајбрежни заедници, убивајќи речиси 18.000 луѓе.
Десетици илјади жители мораа да ги напуштат своите домови.
Цунамито предизвика нуклеарно топење во централата Фукушима, предизвикувајќи ја најтешката нуклеарна несреќа од Чернобил во Украина.
Свет
Маск: „SpaceX“ нема да го повлече својот вселенски брод „Dragon“

Илон Маск објави дека неговата ракетна компанија SpaceX нема да го повлече својот вселенски брод „Драгон“. Иако само неколку часа претходно тој изјави спротивното, дека авионот ќе биде повлечен од оперативна употреба.
Оваа ненадејна промена на ставот доаѓа во време на ескалација на јавниот конфликт меѓу Маск и претседателот на САД, Доналд Трамп. Конфликтот се засили во последните денови со размена на остри коментари на социјалните мрежи и изјави во медиумите.
Маск не ги објасни детално причините поради кои одлучил да ја промени претходната одлука. Сепак, постојат шпекулации од кругови блиски до компанијата дека моменталната политичка ситуација и потенцијалното влијание врз договорите со американската влада би можеле да играат клучна улога.
Вселенскиот брод „Драгон“, кој се користи за транспорт на товар и астронаути до Меѓународната вселенска станица, останува дел од вселенската програма на „Спејс Екс“.
Извор: phys.org
Свет
Ноќеска во Грција регистриран земјотрес со јачина од 5 степени според Рихтеровата скала

Во раните утрински часови, во 3:06 по локално време, во областа на Коринтскиот Залив во Грција бил забележан земјотрес со јачина од 5 степени според Рихтеровата скала, информира Атинскиот геодинамички институт.
Според информациите од институтот, епицентарот се наоѓал на 13 километри југоисточно од градот Галаксиди, а потресот бил на длабочина од 13,5 километри.
Коринтскиот Залив е познат како подрачје со висока сеизмичка активност, каде често се случуваат земјотреси, пишува „Катимерини“.
On 2025-05-27, at 00:06:31 (UTC), there was an earthquake around 13 km S of Antikyra, Greece. The depth of the hypocenter is about 10.0km, and the magnitude of the earthquake is estimated to be about 5.0.https://t.co/hFZ2S358qV pic.twitter.com/9qHxtoNxGu
— World EQ Locator (@WorldEQLocator) May 27, 2025
Свет
(Вознемирувачко Видео) Хаотични сцени на прославата за титулата на Ливерпул, влета со автомобил во толпа навивачи!

Фудбалерите на Ливерпул сè уште ја прославуваат титулата која ја обезбедија уште пред крајот на сезоната. Во неделата, тие официјално го подигнаа трофејот пред своите навивачи.
Илјадници луѓе излегоа на улиците за да ја одбележат победата, како што и се очекуваше.
Меѓутоа, прославата беше засенета од еден немил настан.
Невообичаена и вознемирувачка ситуација настана кога непознат возач со автомобил влета меѓу навивачите кои славеа.
🚨𝗕𝗥𝗘𝗔𝗞𝗜𝗡𝗚: A car has crashed into celebrating Liverpool fans at the trophy parade I have no words! pic.twitter.com/iW4EpOsWat
— Football Hub (@FootbalIhub) May 26, 2025
– Предмалку полицијата во Велика Британија соопшти дека еден маж е приведен во Ливерпул, северна Англија, по пријавите дека автомобил се судрил со пешаци.
– „Моментално се справуваме со пријави за сообраќајна несреќа во центарот на Ливерпул“, соопшти полицијата од Мерсисајд на X во понеделник. „Бевме контактирани веднаш по 18 часот денес, понеделник, 26 мај, по пријавите дека автомобил се судрил со голем број пешаци на улицата Вотер. Автомобилот застанал на местото на настанот и еден маж е приведен“, се додава во соопштението.
-
Македонија2 дена
Ново поскапување на сите горива од ноќеска, ова е новата цена за литар
-
Хороскоп1 ден
Хороскоп за вторник (24 јуни)
-
Хороскоп10 часа
Хороскоп за среда (24 јуни)
-
Магазин21 час
Најбрз домашен сладолед со само една состојка
-
Магазин21 час
Летен десерт со само две состојки – готов за 5 минути!
-
Автомобили21 час
Toyota го претстави првиот електрифициран Land Cruiser во Европа
-
Спорт9 часа
Бенфика приреди вистинска сензација, Баерн беше поразен, но со втората позиција продолжува понатаму
-
На денешен ден9 часа
Времеплов: На денешен ден – 25 јуни