Спорт
Женската А репрезентација на Македонија во фудбал на контролен турнир во Аланија, Турција, каде силите ќе ги одмериме и со Бугарија

Женската А репрезентација на Македонија во периодот од 15 до 21 февруари ќе биде учесник на меѓународниот контролен турнир што ќе се одржи во Аланија, Турција.
На „Turkish cup Alanya 2023″ покрај нашата селекција учество ќе земат и репрезентациите на Замбија, Бугарија и Естонија.
Првиот дуел го играме против Замбија на 15 февруари, три дена подоцна силите ќе ги одмери со Бугарија. Последниот натпревар го играме против Естонија на 21 февруари.
Селекторот на женската репрезентација на Македонија, Кирил Изов се одлучи да ги повика следните фудбалерки:
Голмани: Викторија Панчурова, Лина Самарџиевска, Теа Драганова;
Одбрана: Даниела Велеска, Елена Панеска, Павлинка Николовска, Христина Јошевска, Елена Петровска, Ана Милчевска, Александра Јовановска;
Среден ред: Теа Божиновска, Наташа Андонова, Елма Шемсовиќ, Ленче Андреевска, Мила Талевска, Александра Марковска, Хава Мустафа;
Напад: Гентијана Рочи, Бојана Петкова, Јилза Максути, Радица Чонева, Кристина Петрушевска, Јулија Живиќ;
Што се однесува до резултатите, во денешниот меч на Женската фудбалска репрезентација на Македонија, таа го забележа првиот пораз, минимален од Замбија. Имено противниците до победата дојдоа со гол во 90. минута од средбата, дело на Чанда.
Македонија настапи во состав: Панчурова, Николовска, Недева, Панеска, Талевска, Велеска, Живиќ, Андонова, Максути, Милчевска. Рочи.
Следно за А-репрезентацијата е дуелот на 18. февруари против Бугарија, а потоа на 21. февруари завршува турнирот со меч против Естонија.
Спорт
Димитриевски: Очекувам силна поддршка од трибините, „Целта е јасна, излегуваме на терен по победа“

Македонската фудбалска репрезентација вечерва на Националната арена „Тодор Проески“ во Скопје ќе го пречека составот на Казахстан, во натпревар што може да биде клучен за продолжување на позитивната резултатска серија.
Еден од хероите од ремито против Белгија, голманот Столе Димитриевски, изрази очекување за силна поддршка од публиката и истакна дека тимот е целосно фокусиран на триумф.
– „Нашата цел е јасна – излегуваме на терен по победа. Очекувам навивачите да дојдат во што поголем број и да ни дадат дополнителна енергија. Иако разликата меѓу Белгија и Казахстан е очигледна, тоа не значи дека мечот ќе биде лесен. Со помошта на нашата публика верувам дека ќе стигнеме до посакуваниот резултат, а тоа е победа за Македонија“, изјави Димитриевски на прес-конференцијата пред вечерашниот дуел.
Да ја бодриме нашата репрезентација!
Спорт
Македонија се враќа од Гент со бод вреден „злато“ – Остануваме први во групата „Ј“ – уште една потврда дека националниот тим станува фактор кој не смее да се потцени!

Фудбалската репрезентација на Македонија приреди вистинска сензација во Брисел! Во рамките на квалификациите за Светското првенство, нашите момци успеаја да го запишат едно од највредните ремија во поновата историја, 0:0 против силната селекција на Белгија.
Иако домаќинот важеше за апсолутен фаворит, со имиња како Кевин Де Брујн, Леандро Тросар, Лоис Опенда и Жереми Дуко, фудбалерите на селекторот Милевски покажаа неверојатна дисциплина, борбеност и тимски дух. Белгија доминираше во поседот и статистиката со дури 25 обиди кон голот, но на македонската гол-линија блескаше Столе Димитриевски, кој со пет клучни интервенции ја сочуваше нашата мрежа недопрена.
На спротивната страна, Тибо Куртоа имаше мирна вечер, бидејќи „црвено-жолтите“ не упатија ниту еден удар кон неговиот гол. Сепак, тактичката зрелост и борбениот пристап донесоа резултат — бод кој вреди како победа.
Со ова реми, Македонија останува на врвот на групата Ј со 12 освоени бода, еден повеќе од Белгија и два повеќе од Велс. Првопласираната репрезентација обезбедува директен пласман на Светското првенство, додека второто место води во плејофот, што значи дека секој нареден натпревар ќе има огромна тежина.
Ова е уште една потврда дека македонскиот фудбал расте, а националниот тим станува фактор кој никој повеќе не смее да го потцени.
Спорт
Ова е стартниот состав на Македонија против Белгија вечерва во рамки на квалификациите за Светското првенство

Селекторот Милевски се одлучи за овие стартни 11-мина против Белгија на гостински терен, да им посакаме среќа!
Извор: ФФМ
-
Кичево2 дена
(ВИДЕО) Погледнете како „везат“ нашите момчиња од „ФК Кичево“, на престижниот меѓународен турнир „Eurosport Cup“, против своите врснити од „CSKA“
-
Хороскоп2 дена
Хороскоп за недела (12 октомври)
-
Хороскоп20 часа
Хороскоп за понеделник (13 октомври)
-
Временска прогноза20 часа
Нов влажен бран проследен со ладен воздух веќе од среда се очекува кон наша територија
-
Македонија5 часа
Од вечерва поевтинуваат горивата, ова е новата цена за литар
-
Спорт9 часа
Димитриевски: Очекувам силна поддршка од трибините, „Целта е јасна, излегуваме на терен по победа“
-
Македонија7 часа
МВР: Изминатиот викенд лишени од слобода 13 лица за безобзирно управување на возило согласно член 297-а од Кривичниот законик, 1.502 сообраќајни прекршоци
-
Македонија6 часа
МЗ: Во тек е дистрибуција на вакцините против сезонски грип низ јавните здравствени установи, по што во текот на оваа недела граѓаните што се пријавиле за бесплатна вакцинација ќе бидат известени со СМС порака за терминот за вакцинација