На 25.09.2025 во 18.00 часот, полициски службеници од Полициската станица за безбедност на патниот сообраќај Штип го лишија од слобода Н.Т.(27) од Пробиштип. При сообраќајна контрола со радар на експресен пат Кочани – Штип, констатиртано е дека тој управувал патничко возило „ауди“ со пробиштипски регистарски ознаки со брзина од 185 километри на час на место каде што дозволената брзина е 110 километри на час.

Лицето е задржано во полициска станица и по целосно документирање на случајот против него ќе биде поднесена соодветна пријава по член 297-а од Кривичниот законик – „безобѕирно управување со моторно возило“, истакна МВР.

Министерот за внатрешни работи Панче Тошковски денеска оствари работна посета на ОВР Дебар при што го посети и Граничниот премин „Блато“ кој се наоѓа во близината на Дебар.

Министерот Тошковски со раководството на ОВР Дебар беше информиран дека безбедносната состојба во целиот регион е стабилна со значително подобрени резултати во справувањето со насилниот криминал, имотните деликти и унапредување на сообраќајната безбедност.

На средбата раководството го информираше министерот дека веќе активно се преземаат оперативни активности во насока на обезбедување мирен, безбеден и демократски изборен процес.

„Што се однесува до Граничниот премин „Блато“ евидентиран е значително поголем број на патници од минатата и претходните години.

Преминот станува вистинска мост на поврзување за граѓаните кои одат на одмор во соседна Албанија и туристите кои доаѓаат на одмор, бањско лекување, викенд престој, роднинските посети, домашни веселби, како и шопинг.

Со тоа, нашата соработка со албанските колеги е насочена кон имплементација на системот „One Stop“, кој преку дополнителни инфраструктурни решенија ќе обезбеди трајно намалување на гужвите и поефикасен проток на патници и возила како во текот на целата година а посебно за периодите на зголемен туристички сообраќај“, истакна министерот Тошковски.

ЦУК предмалку истакна најнови податоци за состојбата со пожарите ширум Македонија. Имено до 12:00 часот, на територијата на Македонија има вкупно 9 пожари на отворен простор, од кои 4 се активни, 4 се под контрола и изгасен 1 пожар

АКТИВНИ: 4
1. Општина Македонски Брод: над с.Бенче на планината Добра Вода (дабова шума и папрат);
2. Општина Чучер Сандево: с.Малино и с.Танушевци (мешана шума).
3. Општина Липково: с.Гошинце (шума);
4. Општина Долнени: с.Ропотово (ниска вегетација).

ПОД КОНТРОЛА: 4
1. Општина Гевгелија: Кожуф планина (букова шума);
2. Општина Гази Баба: с.Виниче, м.в.Муратица (нискостеблеста шума);
3. Општина Студеничани: с.Батинци (ниска вегетација и мешана шума);
4. Општина Делчево: Градска депонија Острец (ѓубре).

ИЗГАСНАТИ: 1
1. Општина Гостивар: нас.Циглана (Ѓубре)

Извор: ЦУК