Временска прогноза
Значително воден талог, тежок и воден снег, ова се деталите..

Под влијание на поголем влажен бран од Медитеранот, денес времето во Македонија ќе биде облачно со врнежи од дожд на пониските и снег на повисоките места и на планините, каде снежната покривка ЗНАЧИТЕЛНО ќе се зголеми. Локално ќе наврне ЗНАЧИТЕЛНО количество на воден талог (над 40 л/м2). Претпладнево особено во источните предели ќе дува умерен до засилен ветер од југоисточен правец, додека попладне ќе дува слаб до умерен ветер од северен правец, кој Долж Повардарието повремено ќе засилува на интензитет. Има услови снежната граница на некои места да се спушти и под 1000 м.н.в, со што услови за врнежи од дожд и снег, или влажен снег има и на некои од пониските места. Максималните температури ќе се спуштаат во интервалот од 2 до 11 степени во најтоплите предели.
Според Попоски, утре времето ќе биде претежно облачно со повремен локален дожд и снег на пониските, и снег на повисоките места и на планините. Ќе дува слаб до умерен ветер од северен правец, кој долж Повардарието повремено ќе засилува на интензитет. Температурите ќе се искачуваат во интервалот од 1 до 10 степени во најтоплите предели.
Во првите денови од следната недела, под влијание на студена воздушна маса од север, времето ќе биде променливо облачно со умерен, повремено засилен ветер од северен правец. Ќе има услови и за сосема слабо и локално провејување на снег.
Температурите наутро ќе се спуштаат во интервалот од -6 до 2 степени, додека на повисоките и планинските места истите локално ќе се спуштат до околу -10 степени. Максималните пак ќе се искачуваат во интервалот од -1 до 9 степени.
Пишува Славчо Попоски за порталот Еспресо.мк
Временска прогноза
Западните предели променливо облачно со засилен ветер и пороен дожд

Под влијание на атмосферски фронт кој се спушта преку алпскиот регион и носи значително посвеж воздух, денес и утре (петок и сабота 22/23 август) времето во Република Македонија ќе биде променливо облачно, локално и тоа особено во западните предели и нестабилно со локална појава на пороен дожд, грмежи, засилен ветер и услови за локална појава на град.
– Особено до крајот на денешниот ден (петок 22 август) ќе дува засилен, повремено силен ветер претежно од западен правец (повремено и локално со брзина од над 65 км/час). Можна е и појава на локално невреме, па токму поради ова, особено поради очекуваниот силен ветер апелирам граѓаните да обратат внимание каде се движат, особено да обратат внимание на своите автомобили, тоа значи поради очекуваниот силен ветер да избегнуваат да ги ставаат своите автомобили во близина на дрвјата, особено оние дрвја кои се стари и осамени.
И во Скопје и околината ќе дува засилен, повремено силен ветер од западен правец (во делови од котлината повремено и локално со брзина од над 60/65 км/час).
Утре (сабота 23 август) температурите ќе бидат пониски за 5 до 7 степени во споредба од оние кои ги имавме до вчера а повремено ќе дува засилен ветер од северен правец, најизразен долж Повардарието.
Максималните дневни температури денес ќе се искачуваат во интервалот од 27 до 34 степени, а утре (сабота 23 август) тие ќе се искачуваат во интервалот од 25 до 32 степени, истакна Славчо Попоски
Временска прогноза
Краткотрајна стабилизација на времето, во петок ќе имаме транспорт на Сахарска прашина, така што атмосферата ќе биде заматена и времето ќе биде спарно

Под влијание на стабилна, сува и топла воздушна маса од југ, односно од Африка, до петок (22 август) времето во Република Македонија ќе биде сончево и значително топло со појава на мала локална облачност а ќе дува и умерен до засилен ветер од јужен и од југозападен, а во петок (22 август) претежно од западен правец.
– Во петок (22 август) ќе има и појава на умерена локална облачност а ќе има услови и за појава на локален краткотраен дожд. Што се однесува до температурите тие ќе се искачуваат во интервалот од 30 до 38 степени, во Скопје максималната температура ќе се искачува во интервалот помеѓу 34 и 37 степени.
Поради јужното и југозападното воздушно струење, во петок (22 август) над Македонија ќе биде присутна Сахарска прашина и песок, со што атмосферата ќе биде заматена, а времето ќе биде мачно и спарно.
За време на викендот (сабота и недела 23/24 август) поради продор на посвежа воздушна маса од север температурите позначително ќе се намалат а ќе дува и повремено засилен ветер од северен правец, најизразен долж Повардарието. Исто така за време на викендот времето ќе биде променливо облачно со повремени локални врнежи од дожд, истакна Славчо Попоски.
Временска прогноза
Се чини полека летните горештини попуштаат, денес повторно нестабилно си повремен пороен дожд во попладневните часови

Денес (понеделник 18 август) ни следува ново невреме во повеќе делови од Република Македонија. Државата ќе биде под влијание на влажна и на нестабилна воздушна маса која е поврзана со атмосферски фронт од север со поладен воздух на висина.
Времето ќе биде променливо облачно и нестабилно со повремен пороен дожд, грмежи и засилен ветер во поголем дел од Македонија. Локално атмосферските процеси ќе бидат поинтензивни и ќе има појава на невреме со обилен пороен дожд, силен ветер, електрични празнења и со локална појава на град.
Во Скопје и околината денес (понеделник 18 август) времето ќе биде нестабилно со повремен пороен дожд, грмежи и засилен ветер. Во делови од котлината ќе има услови за појава на невреме проследено со силен ветер и со појава на град.
Што се однесува до температурите тие денес ќе се искачуваат во интервалот од 25 до 34 степени.
Попоски: Се чини дека летните горештини за ова лето 2025-то завршуваат. Европа се лади, а топлината од Африка полека ќе се повлекува кон Југ. Апелирам поради многу нестабилното време, во случај на појава на невреме и на електрични празнења граѓаните да обратат поголема внимателност. Односно, да не се претстојува на отворен простор и под осамени дрвја додека траат електричните празнења. Исто така, во случај на појава на силен ветер граѓаните да ги заштитат своите автомобили, тоа значи да не ги ставаат во близина на дрвјата, особено оние дрвја кои се стари и осамени, заврши Славчо Попоски.
-
Хроника1 ден
Кичево и кичевско во тага по страшната трагедија која се случи вчера, каде по пад од четирицикл две малолетнички ги изгубија своите животи
-
Кичево4 часа
Кичево: Најавени градежни работи кон месност Крушино, за тоа време ќе има времен прекин на сообраќај
-
Хороскоп2 дена
Хороскоп за петок (22 август)
-
Хороскоп20 часа
Хороскоп за сабота (23 август)
-
Култура2 дена
Бдение и Божествена Литургија по повод „Успение на Мајката Божја“ во кичевскиот Манастир „Св.Богородица Пречиста“, богослужение на човечка посветеност и небесната утеха, земната привременост и вечниот живот
-
Македонија20 часа
Времен прекин на сообраќај утре и задутре поради меѓународниот ФИС ролер-ски натпревар „Тодор Проески“
-
Македонија1 ден
Уште една измама со лажна сообраќајка, тетовчанка измамена за огромна сума на евра и швајцарски франци
-
Спорт1 ден
Утре започнува првото коло во втората македонска фудбалска лига, според новите правила само шампионот обезбедува место во ПМФЛ