Здравје и убавина
Знаете колку е битна положбата на спиење за здравјето?

Сигурни сме дека често не размислувате за позата во која спиете, бидејќи после напорниот ден единствено е важно да легнете во кревет и да заспиете. Сепак, научниците дошле до заклучок дека положбата во која спиете може да има големо влијание врз вашето здравје.
Имајќи предвид дека приближно една третина од животот поминуваме спиејќи, позицијата која дава најдобра поддршка треба да биде еден од нашите приоритети.
„Спиењето на грб е најдобрата положба во која ‘рбетот може природно да се усогласи и да биде во неутрална положба без никакви свиоци или кривини, така што оваа положба е најздрава за’ рбетот. Телото на секого е различно и некои положби може да бидат подобри за одредена личност врз основа на неговата висина, тежина или какви било претходни повреди, а ако имате некаква болка во грбот, дефинитивно препорачувам да спиете на грб“, објаснува експертот за спиење Кјара Причард.
Само 10 проценти од луѓето спијат на грб
Покрај споменатите придобивки, докажано е дека оваа положба на спиење помага во спречување на металоиди, рефлукс на киселина во желудникот, но и ги ублажува симптомите на настинка или алергија. Во случај спиењето на грб да не ви доаѓа природно, експертите советуваат дека е доволно само да го практикувате.
Меѓутоа, истражувањата покажуваат дека само 10 отсто од луѓето имаат навика да спијат на грб, додека 16 отсто од нив спијат на стомак, а најголемиот број, дури 74 отсто, спијат на страна.
Важно е да се спомене дека спиењето на стомак е единствената поза која се смета за нездрава бидејќи создава притисок на ‘рбетот, градите и белите дробови. Со оваа поза повеќе е функцијата на вратот кој мора да го свртите на левата или десната страна и затоа, предупредуваат лекарите, го загрозувате протокот на крв.
Здравје и убавина
Доколку сакате да ослабете, тоа незначи дека треба да се гладува

Редовната физичка активност во комбинација со балансирана и умерена исхрана претставува најсигурен начин за намалување на килограмите и обликување на телото. Кога еднаш ќе создадете рутина што ја спојува оваа здрава навика, можете да додадете и неколку дополнителни чекори кои ќе го олеснат процесот на слабеење и ќе ве доведат поблиску до вашата цел – посакуваната тежина и фигура.
1) Јадете свесно и на маса
Избегнувајте да јадете додека работите, сурфате на телефонот, гледате телевизија или читате. Истражувања во Велика Британија покажале дека луѓето кои јадат на ваков „расеан“ начин внесуваат повеќе калории, а подоцна во текот на денот повторно имаат потреба од храна.
Затоа, обидете се појадокот, ручекот и вечерата секогаш да ги консумирате на трпезариската маса, со целосно внимание на оброкот. На тој начин, телото подобро ќе ја препознае количината на внесена храна и ќе ви даде чувство на ситост навреме.
2) Изберете помали чинии
Користењето на помали садови е едноставен трик кој може да резултира со намален внес на храна и до 30%. Со ваков пристап, ќе го контролирате количеството без да се чувствувате лишени.
3) Осигурете си доволен сон
Недостатокот на сон е тесно поврзан со лош избор на храна. Кога сме ненаспани, имаме тенденција да бараме засладени намирници за „брзо будење“, што негативно влијае на метаболизмот и на контролата на тежината. Затоа, квалитетниот и доволен сон е еднакво важен дел од процесот на слабеење.
4) Спијте во целосна темнина
Светлината во просторијата може да го наруши квалитетот на сонот и да ја отежне регулацијата на телесната тежина. Голема студија спроведена во САД утврдила дека жените кои спиеле во темни простории имале помала веројатност да се соочат со прекумерна тежина.
За да ја подобрите ситуацијата, можете да инвестирате во завеси што не пропуштаат светлина или да користите маска за очи додека спиете.
Здравје и убавина
Витаминот „Д“ има клучна улога и во работа која сигурно не сте ја знаеле

Според сексологот д-р Али Дилкс, витамин „Д“ има клучна улога во сексуалното здравје, бидејќи го стимулира производството на тестостерон – хормонот кој директно влијае на либидото. Најприродниот начин за негово добивање е преку сончевата светлина.
Д-р Дилкс посочува дека мажите кои чувствуваат намалена сексуална желба можат да ја подобрат својата состојба доколку поминуваат по половина час дневно на сонце, во период од две недели. Таквата навика значително го зголемува нивото на витамин Д, а со тоа и сексуалната желба.
Недостатокот на овој витамин, додава таа, негативно влијае и врз жените. Кога нивото на витамин Д е ниско, се намалува лачењето на естроген – хормон кој е одговорен за цврстината и здравјето на вагиналните мускули.
Здравје и убавина
Сигурно сте се запрашале на што се алергични најмногу децата до три годишна возраст

Често кога се зборува за алергии, веднаш помислуваме на кикирики, риба или школки. Но, најчестата алергија кај децата до тригодишна возраст всушност е – алергијата на млеко. Според истражувањата, секое 40-то дете има ваква реакција, што е двапати почесто од алергијата на јајца и дури трипати почесто од алергијата на кикирики.
Добрата страна е што оваа алергија во повеќето случаи не претставува сериозна опасност и најчесто исчезнува со тек на времето. Наместо тешки симптоми со дишењето, кај најголем број деца се појавуваат кожни реакции – дерматитис или осип.
Но, тука се јавува една честа заблуда – многу родители веднаш претпоставуваат дека секое повраќање или осип се должи на алергија, па им воведуваат на децата рестрикции во исхраната. Таквите мерки често се неоправдани и можат да му наштетат на целокупното здравје на детето.
Затоа е важно:
👉 Не поставувајте сами дијагноза.
👉 Доколку се сомневате, консултирајте педијатар или алерголог.
👉 Не воведувајте посебни режими на исхрана доколку нема јасна медицинска причина.
Интересно е и гледиштето познато како „хипотеза на хигиена“. Таа укажува дека претерано стерилното окружување може да го зголеми ризикот од алергии. Истражувањата покажуваат дека во земји како Израел и Кина, каде што децата уште во најрана возраст се запознаваат со екстракти од кикирики, процентот на алергии е значително понизок.
Порака до родителите:
Рамнотежата е најважна. Наместо непотребни ограничувања или претерана стерилност, доверете се на стручна проценка и овозможете му на вашето дете разновидна и балансирана исхрана.
Извор: mayoclinic.org / делумни факти
-
Хроника1 ден
Вчера утро на магистралниот пат Кичево-Охрид се случила трагична сообраќајка каде животот го загуби младо момче од кичевско
-
Кичево1 ден
Денес се одбележува 82 години од најкрвавата битка кај с.Кленоец кичевско, додека на денешен ден загинал и Јосиф Јосифовски-Свештарот
-
Хороскоп2 дена
Хороскоп за понеделник (6 октомври)
-
Хороскоп22 часа
Хороскоп за вторник (7 октомври)
-
Македонија1 ден
Од вечерва горивата со намалена цена за литар
-
Македонија12 часа
Целосно затворен патен правец Велес-Тетово помеѓу Волково и Кондово, истиот ќе се одвива двонасочно поради градежни работи
-
Хроника7 часа
По долга и тешка болест почина познатиот пејач – Халид Бешлиќ
-
Технологија10 часа
„Snapdragon X2 Elite Extreme“ новото „чудовиште“ од процесор на „Qualcomm“ за најмоќните лаптопи и премиум мобилни телефони