Здравје и убавина
Зошто е корисен Ананасот за човековиот организам

Прочитајте кои минерали и витамини ќе му ги обезбедите на организмот благодарение на ова тропско овошје. Ананасот е одличен извор на диетални влакна, тиамин, витамин Б6, бакар, витамин Ц и манган.
Експертите велат дека, ако сакате да уживате во здравствените предности на ананасот, секогаш е потребно да го консумирате свеж, бидејќи конзервираниот ананас има повеќе шеќер отколку нутритивна вредност.
Досегашните истражувања покажаа дека редовното консумирање на ананас може да го поттикнат здравјето на целокупниот организам и да помогне кај превенцијата на низа болести.
Го зајакнува имунолошкиот систем
Ананасот содржи 50 проценти од дневната потреба на витамин Ц кој благодарение на одличните антиоксидативни својства го намалува нивото на слободни радикали во организмот и ги штити клетките од оштетување.
Го штити здравјето на коските
Ананасот содржи речиси 75 проценти од препорачаната дневна количина на манган, минерал кој е клучен за развојот на силни коски и сврзно ткиво. Манганот, заедно со останатите минерали, помага при превенцијата на остеопороза.
Ги намалува хроничните воспаленија
Хроничните воспаленија го зголемуваат ризикот од појава на низа болести, вклучувајќи ги и разните видови на рак, болести на кардиоваскуларниот систем, дијабетес тип 2 и артритис. Ананасот ги намалува хроничните воспаленија во телото и така директно го намалува ризикот од појава на сите болести предизвикани од хроничните воспаленија.
/денар.мк
Здравје и убавина
Доколку сакате да ослабете, тоа незначи дека треба да се гладува

Редовната физичка активност во комбинација со балансирана и умерена исхрана претставува најсигурен начин за намалување на килограмите и обликување на телото. Кога еднаш ќе создадете рутина што ја спојува оваа здрава навика, можете да додадете и неколку дополнителни чекори кои ќе го олеснат процесот на слабеење и ќе ве доведат поблиску до вашата цел – посакуваната тежина и фигура.
1) Јадете свесно и на маса
Избегнувајте да јадете додека работите, сурфате на телефонот, гледате телевизија или читате. Истражувања во Велика Британија покажале дека луѓето кои јадат на ваков „расеан“ начин внесуваат повеќе калории, а подоцна во текот на денот повторно имаат потреба од храна.
Затоа, обидете се појадокот, ручекот и вечерата секогаш да ги консумирате на трпезариската маса, со целосно внимание на оброкот. На тој начин, телото подобро ќе ја препознае количината на внесена храна и ќе ви даде чувство на ситост навреме.
2) Изберете помали чинии
Користењето на помали садови е едноставен трик кој може да резултира со намален внес на храна и до 30%. Со ваков пристап, ќе го контролирате количеството без да се чувствувате лишени.
3) Осигурете си доволен сон
Недостатокот на сон е тесно поврзан со лош избор на храна. Кога сме ненаспани, имаме тенденција да бараме засладени намирници за „брзо будење“, што негативно влијае на метаболизмот и на контролата на тежината. Затоа, квалитетниот и доволен сон е еднакво важен дел од процесот на слабеење.
4) Спијте во целосна темнина
Светлината во просторијата може да го наруши квалитетот на сонот и да ја отежне регулацијата на телесната тежина. Голема студија спроведена во САД утврдила дека жените кои спиеле во темни простории имале помала веројатност да се соочат со прекумерна тежина.
За да ја подобрите ситуацијата, можете да инвестирате во завеси што не пропуштаат светлина или да користите маска за очи додека спиете.
Здравје и убавина
Витаминот „Д“ има клучна улога и во работа која сигурно не сте ја знаеле

Според сексологот д-р Али Дилкс, витамин „Д“ има клучна улога во сексуалното здравје, бидејќи го стимулира производството на тестостерон – хормонот кој директно влијае на либидото. Најприродниот начин за негово добивање е преку сончевата светлина.
Д-р Дилкс посочува дека мажите кои чувствуваат намалена сексуална желба можат да ја подобрат својата состојба доколку поминуваат по половина час дневно на сонце, во период од две недели. Таквата навика значително го зголемува нивото на витамин Д, а со тоа и сексуалната желба.
Недостатокот на овој витамин, додава таа, негативно влијае и врз жените. Кога нивото на витамин Д е ниско, се намалува лачењето на естроген – хормон кој е одговорен за цврстината и здравјето на вагиналните мускули.
Здравје и убавина
Сигурно сте се запрашале на што се алергични најмногу децата до три годишна возраст

Често кога се зборува за алергии, веднаш помислуваме на кикирики, риба или школки. Но, најчестата алергија кај децата до тригодишна возраст всушност е – алергијата на млеко. Според истражувањата, секое 40-то дете има ваква реакција, што е двапати почесто од алергијата на јајца и дури трипати почесто од алергијата на кикирики.
Добрата страна е што оваа алергија во повеќето случаи не претставува сериозна опасност и најчесто исчезнува со тек на времето. Наместо тешки симптоми со дишењето, кај најголем број деца се појавуваат кожни реакции – дерматитис или осип.
Но, тука се јавува една честа заблуда – многу родители веднаш претпоставуваат дека секое повраќање или осип се должи на алергија, па им воведуваат на децата рестрикции во исхраната. Таквите мерки често се неоправдани и можат да му наштетат на целокупното здравје на детето.
Затоа е важно:
👉 Не поставувајте сами дијагноза.
👉 Доколку се сомневате, консултирајте педијатар или алерголог.
👉 Не воведувајте посебни режими на исхрана доколку нема јасна медицинска причина.
Интересно е и гледиштето познато како „хипотеза на хигиена“. Таа укажува дека претерано стерилното окружување може да го зголеми ризикот од алергии. Истражувањата покажуваат дека во земји како Израел и Кина, каде што децата уште во најрана возраст се запознаваат со екстракти од кикирики, процентот на алергии е значително понизок.
Порака до родителите:
Рамнотежата е најважна. Наместо непотребни ограничувања или претерана стерилност, доверете се на стручна проценка и овозможете му на вашето дете разновидна и балансирана исхрана.
Извор: mayoclinic.org / делумни факти
-
Кичево2 дена
Кичевските бербери на состанок одлучија да ги поскапат нивните услуги
-
Кичево1 ден
Ноќеска „ТППЕ Кичево“ со полни раце работа, спречен поголем пожар во населба „Девеана“
-
Македонија1 ден
Прилеп: Традицијата продолжува, на 11-ти октомври на „Авто слалом“, кичевчанецот Кристијан Бојоски во нов поход кон пиедесталот на награди!
-
Хороскоп2 дена
Хороскоп за среда (8 октомври)
-
Хороскоп16 часа
Хороскоп за четврток (9 октомври)
-
Кичево2 часа
В сабота на градскиот плоштад во Кичево – „Хуманитарен Базар“ на здружението на родители на деца со посебни потреби, ќе се продаваат артикли, ракотворби и храна
-
Хроника1 ден
Во Битола на „Партизанска“ удрен пешак со своето куче. На пешакот му се констатирани тешки телесни повреди, додека кучето било усмртено
-
Магазин1 ден
5 телефони со најдобри звучници во 2025 година