Вештачката интелигенција се пробива и во светот на виртуелните асистенти.

OpenAI им зададе сериозен предизвик на технолошките компании што веќе се фалат со своите виртуелни асистенти. Како што беше најавено, OpenAI воведе бета верзија на функцијата Tasks во ChatGPT.

Според OpenAI, Tasks ќе им овозможи на корисниците на ChatGPT да извршуваат разни задачи – од поставување потсетници за купување билети за фудбалски натпревар до проверка на временската прогноза или состојбата на патиштата.

Дополнително, ChatGPT ќе ги следи разговорите со корисникот и, врз основа на нив, ќе предлага соодветни задачи кои корисникот ќе може да ги прифати или одбие.

Заканата од OpenAI ја почувствуваа и другите водечки компании на пазарот за виртуелни асистенти. Amazon планира во „следните месеци“ да ја подобри својата Alexa и да ја трансформира во целосен агент со вештачка интелигенција. Новата верзија ќе биде дизајнирана да реагира на корисничките навики, како што е автоматско вклучување или исклучување на светлата во согласност со нивниот распоред за спиење.

Од друга страна, Apple ја интегрира својата „Apple Intelligence“ во Siri со помош на ChatGPT, додека Google го надгради својот виртуелен асистент со Gemini, својот модел за вештачка интелигенција.

Извор: Zimo

ОВЕН

Ве очекува поволен период во кој ќе имате можност да извршите многу важни деловни обврски кои се пред вас. Може да очекувате ново познанство од кое ќе бидете задоволни. Пред вас е добар период. Избегнувајте алкохол.

БИК

Може да очекувате почеток на нови работни проекти или склопување нови контакти. Ви се допаѓа некој со кој имате засега пријателски однос, но се гледа дека би можеле да остварите повеќе од тоа. Пад на имунитетот.

БЛИЗНАЦИ

Потребно ви е некое време за да донесете конечна одлука поврзана за вашата работа. Не сте задоволни од врската или бракот и сметате дека ви се потребни промени. Можни се проблеми со несоница.

РАК

Нови случувања на деловно поле кои ќе ве инспирираат. Задоволни сте од околностите. Една нова личност ќе покаже интересирање кон вас. Може да очекувате можност за напредување. Полни сте со енергија!

ЛАВ

Важно е да бидете отворени во комуникацијата со претпоставените. Покажете им дека сте подготвени да остварите остварите нешто повеќе за моменталната позиција. Ве очекува период во кој ќе имате емотивни дилеми. Чувајте се од настинки.

ДЕВИЦА

Може да се надевате на позитивни пресврти поврзани со работа и пари. Пред вас се позитивни околности. Ве очекува интересна комуникација со личност која сте ја запознале сосема спонтано. Проблеми со циркулација.

ВАГА

Не сте доволно сконцентрирани и лесно правите грешки. Потрудете се да не претерате. Ако ве изневерил партнерот на некој начин, големи се шансите дека нема да му простите. Повредена ви е гордоста. Можна е вртоглавица.

ШКОРПИЈА

Можеби размислувате за иднината на работно поле и не се гледате себеси засекогаш во истата професија. Емоциите ви се прилично нагласени, па можни се бурни реакции. Проблеми со тироидната жлезда.

СТРЕЛЕЦ

Пред вас е поволен ден за работа. Може да очекувате дека ќе ги остварите сите свои планови и замисли. Поранешната љубов ќе се обиде да ви се врати во животот, а на вас е дали ќе и дозволите. Добро би ви дошла масажа.

ЈАРЕЦ

Имате многу амбиции во себе и подготвени сте максимално да се посветите на работата за да ги спроведете на дело. Ви се допаѓа личност која покажува дека сака нешто повеќе со вас од минлива врска или аванура. Прилично сте уморни.

ВОДОЛИЈА

Можно е да не успеете да ги остварите сите планови кои ги посакувате. Пред вас е неповолен период. Не сте задоволни од осаменоста и потребни ви се љубовни промени. Ова не е поволен период за емоции. Намалете ја количината на храната која ја внесувате.

РИБИ

Можни се помали недоразбирања со личност со која соработувате. Обидете се сепак да најдете некој компромис. Ви се допаѓа некоја личност која ви делува недостижна и на која нема лесно да и пријдете. Посетете стоматолог.

Иранските власти ја укинаа забраната за платформата за пораки WhatsApp и Google Play, што го означи првиот чекор кон олеснување на ограничувањата за интернет, објавија во вторникот иранските државни медиуми.

Иран е познат по тоа што има една од најстрогите контроли за пристап до интернет во светот. Платформите за социјални медиуми со седиште во САД, како што се Фејсбук, Твитер и Јутјуб, одамна се блокирани, но технолошките Иранци често ги заобиколуваат користејќи виртуелни приватни мрежи (ВПН).

Според извештајот на официјалната новинска агенција ИРНА, на состанокот со кој претседаваше претседателот Масуд Пезешкијан беше постигнато „позитивно мнозинство гласови“ за укинување на ограничувањата за пристап до популарните странски платформи, вклучително WhatsApp и Google Play.

– „Денес е направен првиот чекор во отстранувањето на ограничувањата на интернетот“, изјави иранскиот министер за информатичка и комуникациска технологија, Сатар Хашеми, пренесе ИРНА.

Во септември, Соединетите Држави ги повикаа големите технолошки компании да помогнат да се заобиколи онлајн цензурата во земјите кои строго го контролираат пристапот до интернет, вклучително и Иран. Ова укинување на забраните можеби е поврзано со овие меѓународни притисоци.

Овој потег на иранските власти може да сигнализира почеток на пошироко олеснување на ограничувањата, но останува да се види како ќе се развива ситуацијата и како властите ќе ја балансираат домашната контрола и глобалните притисоци.

Извор: CNN