Кичево
Среќен роденден вулканизер и самопослужна автоперална „Виктор“, успешни 24 години постоење како сервис салон и 5 години ваше омилено место самопослужна автоперална
Авто-сервис & вулканизер „Виктор“ слави 24 години работа и традиција во град Кичево и 5 години самопослужна автоперална за вашите потреби и практично се дел од вашето секојдневние. Да потсетиме дека „Виктор“ прерасна во мултифункционален објект кој се занимава со авто-лимарија за сите ретки возила од светските производители, масла од највисок квалитет, хемиско чистење, како и професионално полирање во посебен дел од објектот.
Што се однесува до самопослужната автоперална перењето на вашиот автомобил во ниски температури не било никогаш полесно бидејќи „Виктор“ поседуваат режим на перење со топла вода кој беше на барање од ценети клиенти и дојде како новитет во нашиот град, кој дефинитивно се покажа како успешен во најладните месеци од годината.
Покрај вукланизерските сервиси, неможе а да не се каже дека „Виктор“ извршува успешно поправка и машинско исправување на бандажи, за таа дејност сме сведоци и ние, а и многу бројни клиенти кои не го кријат задоволството од Кичево но и надвор од градот.
– Во својот салон ги имаат врвно докажаните „CARBON“ акумулаторите под капата на „Monbat“ со 2 години гаранција по екстра цени.
– Изработка на патосници и навлаки за секаков вид на возило
– Тука не сме завршиле, „Виктор“ ви ги нуди и најдобрите цени на квалитетни гуми од богатиот избор на брендови брендовите „Continental, Michelin, Pirelli,Barum, Matador,Nexen,Toyo,Riken,Ling Long,Arrivo“ и останатите брендови кои можат да се порачаат и да бидат достапни за само еден ден.
За среќен роденден, денес преку ден редовните клиенти домаќините ги почестија со скромен поклон како и со бесплатно перење! За крај, погледнете го краткиот тизер ТУКА кој беше официјализиран на нивните социјални медиуми пред неколку денови!
Среќни и успешни години да се множат!
Кичево
Во кичевската населба „Иванидол“ пронајдена граната, ДЗС безбедно ја подигна и предаде
На 25.09.2024 во 23.00 часот во ОВР Кичево е пријавено дека во кичевската населба „Иванидол“ била пронајдена граната.
Од овластено лице од Дирекцијата за заштита и спасување, гранатата денеска (26.09.2024) била безбедно подигната и предадена за натамошна постапка, известуваат од МВР.
Кичево
Од денес во ЈЗУ „Општа Болница“ – Кичево за прв пат започнува со работа долгоочекуваната „Стручна комисија за давање наод, за нега од друго лице“, нема веќе чекање и поаѓање во друг град
Од денес благодарение на новото раководство на чело со директорката Д-р Маја Цветановска-Трајкоска, со заложби на Министерството за здравство но и Министерството за труд и социјана политика, во Кичево стартува со работа „Стручна комисија за давање наод, оцена и мислење за потребата од помош и нега од друго лице“
– Комисијата ја сочинуваат тројца доктори специјалисти од нашата болница, соодветни спрема бараните и потребни специјалности. Комисијата ќе работи два пати неделно во просториите на болницата, во попладневните часови, по претходно закажани темини преку „Мој термин“. Нашите сограѓани досега за оваа услуга чекаа со месеци со поаѓање во други градови, а сега ќе имаат можност да ја искористат приликата во сопствениот град, за Порта.мк истакна директорката Цветановска Трајкоска.
- Од 1-ви октомври во нашата болница ќе започнат да доаѓаат доктори од „ЈЗУ УГАК“ и „ЈЗУ Општа Болница Охрид“, специјалисти гинеколози-акушери, при што ќе се отвори можноста за опслужување на сите родилки од нашиот град и пошироко, како и можноста за извршување на сложени гинеколошки операции. Со овие достапни услуги, пациентите нема веќе да мора да патуваат и ваквите услуги да ги бараат во останатите болници, додека во тек е и отварањето на нова специјалистичка гранка во нашиот град, Трудова медицина, која во соработка со повеќе специјалности од Општа Болница, ќе ги опслужува потребите на сите граѓани на Кичево, од типот на издавање на лекарски уверенија за професионални шофери, оружје итн, заврши Цветановска Трајкоска.
– „ЈЗУ Општа Болница Кичево“, водена од директорката и менаџерскиот тим, исто така ќе работат во следниот период за воведување на нови процедури и дијагностики, со една битна цел а тоа е најважното – навремено дијагностицирање и третман на пациентите на нашиот град!
– Упатуваме честитки, Кичево и кичевчани заслужуваат подобро здравство, модернизација, внимание на пациентите и нега, се надеваме дека ова е само почеток и дека народот штотуку почна да ги гледа промените на подобро!
Кичево
Со планинарски марш се одбележа 81 година од првото училиште на македонски јазик
Вчера, на 22 септември 2024 г., Планинарското еколошко друштво “Ендорфин” од Кичево го организираше Вториот планинарски марш по повод 81 година од започнувањето со работа на првото училиште на македонски јазик на слободна територија во с. Подвис.
Учество на маршот зедоа четириесетина планинари од Кичево, Прилеп, Битола и Скопје, кои по искачувањето на врвот Планиница (1391 м.) се упатија кон старата училишна зграда, сместена на падините на планината Голјак.
– Оттука апелираа училиштето што поскоро да го добие заслуженото внимание од страна на државните институции за урнатините да не останат последниот сведок за камен-темелникот на образованието на македонски јазик уште пред формирањето на современата македонска држава.
Пред присутните кратко излагање имаше д-р Давор Јанкулоски, претседател на ПЕД Ендорфин и научен соработник во Центарот за лингвистика при МАНУ, кој се осврна на важноста на првите училишта во НОБ, како и на историските околности кои го овозможиле нивно отворање.
Пред присутните се обрати и г. Добре Лазаревски, син на учителот Василко Ристески, кој покрај тоа што изнесе интересни историски факти, сподели и лични спомени за работата и дејноста на својот татко, Василко Ристески, првиот учител во НОБ во с. Подвис.
Благодарение на општествено одговорни поединци и компании од Кичево и од с. Подвис, беше послужен и скромен коктел за присутните планинари и посетители.
ПЕД Ендорфин на планинарските друштва и на поддржувачите на маршот им додели благодарници за учеството и за поддршката.
-
Кичево2 дена
Од денес во ЈЗУ „Општа Болница“ – Кичево за прв пат започнува со работа долгоочекуваната „Стручна комисија за давање наод, за нега од друго лице“, нема веќе чекање и поаѓање во друг град
-
Кичево1 ден
Во кичевската населба „Иванидол“ пронајдена граната, ДЗС безбедно ја подигна и предаде
-
Хороскоп1 ден
Хороскоп за петок (27 септември)
-
Хороскоп1 час
Хороскоп за сабота (28 септември)
-
Магазин1 ден
Ако вашиот PIN е на оваа листа, веднаш променете го
-
Магазин2 дена
Децата во Европа месечно трошат 39 евра за игри
-
Магазин8 часа
Snapdragon 8 Gen 4 носи до 56% побрз графички процесор благодарение на јадрото Adreno 830 на 1,15 GHz
-
Спорт1 ден
ФФМ: Активирана суспензија за фудбалскиот терен на Неготино