Спорт
74 конгрес на ФИФА во Бангкок: Светското првенство за жени во 2027 да се одржи во Бразил, како најважна точна на дневниот ред
На 74. Конгрес на Светската фудбалска организација, ФИФА беше донесена одлука Светското првенство за жени во 2027 година да се одржи во Бразил. Изборот на домаќин на Светското првенство за жени беше најважната точка на дневниот ред на Конгресот на ФИФА што се одржа во Бангкок.
Земјите членки на ФИФА одлучија домаќинот да му го доделат на Бразил, кој со 119 гласа победи пред кандидатурата на Белгија, Германија и Холандија кои добија поддршка од 78 земји. Десеттото издание на женското светско првенство за првпат ќе се одржи во Јужна Америка, а титулата светски првак ќе ја брани репрезентацијата на Шпанија.
Конгресот го усвои и годишниот извештај за 2023 година, предлог-буџетот за 2025 година и измените на Статутот на ФИФА.
– „ФИФА го финансира фудбалот ширум светот. Приходите што ги генерираме не одат за одреден број клубови, туку одат во сите 211 земји членки. Нашата мисија е да го развиваме фудбалот ширум светот, бидејќи 70 отсто од земјите членки не би имале доволен приход без придонес на ФИФА“, истакна претседателот на ФИФА, Џани Инфантино.
Делегацијата на Фудалската федерација на Македонија ја предводеше претседателот Муамед Сејдини, потпретседателот Лазар Ракиџиев и генералниот секретар Наталиа Божиновска Илиевска.
Спорт
Истакнат официјалниот календар за новата сезона во прва футсал лига, додека викендов започнува и новата сезона за „Детската лига“ во фудбал
Во „Ќука на фудбалот” вчера со извлекување беа одредедени двојките за новата натпреварувачка сезона во Прва футсал лига. Комплетниот распоред на натпреварите во Прва футсал лига за натпреварувачката 2024/2025 и тоа:
Започнува и новата сезона во ФФМ Детска лига
Грасрут одделот во рамки на Фудбалската федерација на Македонија праќа информација за почетокот на новата сезона во Детска лига. Повеќе од 10.000 илјади деца во рамки на 6 региони во државата викендов ќе ги започнат натпреварите во најмасовното натпреварување во Македонија. Апелираме до родителите и сите гледачи во иднина да размислуваат за влијанието што нивните постапки го имаат врз децата и секогаш да се однесуваат на начин кој поддржува и поттикнува позитивен развој.
Детската лига на ФФМ претставува основа за сите учесници – деца од 7 до 12 години да ги развијат своите фудбалски вештини, тимската работа и љубов кон играта. Целта за сите нас е да обезбедиме забавна и хармонична средина, фокусирана на учење на основите на фудбалот и спортски дух.
Како организација посветена на промовирање на позитивна и фер-плеј средина за нашите најмлади фудбалери, Фудблската федерација на Македонија најостро го осуди однесувањето на дел од родителите кои ланската сезона предизвикаа и учестуваа во инцидент на финалниот турнир од Детска лига.
Таквото однесување е спротивно на вредностите што ги поддржуваме и примерот што се стремиме да им го дадеме на нашите деца. Од таа причина, ФФМ донесе одлука (до отповикување) за забрана за присуство на публика на натпреварите од северниот регион во Детска лига.
Гледаме позитивно и се надеваме дека како и во останатите пет региони, публиката, родителите и гледачите ќе имаат можност да ги следат натпреварите во многу блиска иднина. Тренерите и организаторите, исто така, треба посветено да му помогнат на секое дете да расте на теренот и надвор од него, градејќи доверба и другарство.
Без разлика дали вашето дете започнува да игра фудбал, или веќе со голема страст гледа на играта, Детската лига нуди одлична можност да ужива во и да создаде трајни спомени, се вели во официјалното соопштение за јавноста, Фудбалската федерација на Македонија.
Спорт
Раководството на ФФМ беше дел од состанокот на првите луѓе од УЕФА, нашиот спорт треба да остане неутрален без политички влијанија врз фудбалот
Раководството на УЕФА предводено од Александар Чеферин (претседател на УЕФА), Теодор Теодоридис (генерален секретар на УЕФА) и Зоран Лаковиќ (директор за Национални асоцијации во УЕФА), во француски Кан, организираше состаноксо Претседателите и Генералните секретари на 55. членки на Европската фудбалска Асоцијација.
Фудбалската федерација на Македонија беше претставуванаод претседателот Муамед Сејдинии и генералниот секретар Наталиа Божиновска Илиевска. Состанокот се одвиваше во рамки на ТЕП која од 2005 година ги обединува претседателите и генералните секретари на членките на УЕФА со Раководството на УЕФА.
На заедничката работилница се дискутираше за новостите во фудбалот на националнитетимови, вклучувајќи го и неодамна одржаното Европско првенство, централизацијата на правата за идните национални натпреварувања и користењето на програмата „Хеттрик“. На тема клупски фудбал се разговараше за новиот формат на клупските натпреварувањаираспределбата на средствата. Раководните луѓе на УЕФА со колегите од асоцијациите – членки дискутираа изакандидатите за организација на иднитесветски првенства ,Шпанија, Мароко и Португалија во 2030 година и Саудиска Арабија во 2034 година.
Во рамки на работниот дел од состаноците се одржаа две одделни работилници – на првата се разговараше за односите на УЕФА соклучните чинители, а на втората работилница се дискутираше за влијанието на политиката врз европскиот фудбал.
Главните размислувања на темата за влијанието на политиката врз европскиот фудбал недвосмислено беа насочени во насока дека со дозволувањето политиката да има влијание врз фудбалот се ризикува да се создадат поделби таму каде што не би требало да има, претворајќи го фудбалот во политичка алатка. Нашиот спорт треба да остане неутрален и фокусиран на вредностите на фер-плеј, тимска работа и меѓусебно почитување, промовирајќи единство наместо поттикнување на политички агенди, за јавноста истакна Фудбалската федерација на Македонија.
Спорт
Младата фудбалска репрезентација на Македонија до 15 години запиша уште една победа во одлична игра на предводниците на Исени
Младата фудбалска селекција на Македонија до 15 години одигра уште еден добар натпревар и запиша нова победа на меѓународниот УЕФА развоен турнир кој годинава се одржува во Молдавија. Во втората рунда од меѓународниот турнир, избраниците на селекторот Иљами Исени сосема заслужено остварија победа над соодветната селекција на Андора со убедливи 3:0
Од самиот старт, Македонија наметна иницијатива, го притисна противникот на неговата половина, играше отворено, а тоа вроди со погодок уште во 14. минута. Крстевски по одличниот продор упати ефективен пас до Васовски, кој ја искористи одличната ситуација во која се најде и постигна гол за водство од 1:0. Во 28. минута одлична можност за нашите фудбалери, Бочески испрати одличен удар од далечина, но голманот на Андора имаше одлична интервенција, со што не дозволи зголемување на водството. Во 35. минута и Васоски се најде во одлична можност, но неговиот удар заврши покрај голот на противникот.
Во продолжението, Крстевски и Алими не искористија нови добри прилики за погодок. Во 59. минута, сосема заслужено, нашите млади фудбалери преку Велески дојдоа до предност од 2:0. Во 90. минута Ристиќ по одличниот соло продор постигна нов погодок за Македонија со кој беа поставени конечните 3:0.
Меѓународен УЕФА развоен турнир Молдавија 2024
Репрезентации до 15 години;
Македонија – Андора 3:0 (1:0);
Македонија: Андреј Јанкуловски, Зубер Мурсел, Матеј Фенев, Кристијан Нелоски (к), Амар Акики, Матеј Бочески, Љис Имери, Виган Таири, Марин Крстевски, Павел Стојанов, Петар Васоски;
Резрви: Димитар Петров, Калин Аврамовски, Михајло Павлов, Стефан Ристиќ, Адриан Велески, Аријон Алими, Дардан Адеми, Коста Георгиевски, Огнен Сивевски;
Селектор: Иљами Исени;
Во првото коло, младите фудбалери на Македонија ја совладаа Ерменија со 2:1. Во последното коло ќе се соочиме со домаќинот на турнирот, селекцијата на Молдавија.
-
Хороскоп1 ден
Хороскоп за петок (20 септември)
-
Македонија1 ден
РЕК Осломеј, Битола и ТЕЦ Неготино добија ново раководство
-
Кичево16 часа
Вечерва сите патишта водат кон кичевскиот манастир „Св.Богородица – Пречиста“
-
Кичево1 ден
(ФОТО) Министерот за одбрана Владо Мисајловски денес ја посети кичевската касарна ,,Чеде Филиповски – Даме’’
-
Хороскоп2 часа
Хороскоп за сабота (21 септември)
-
Lifestyle2 дена
Експертите потврдија: Ова е официјално најздравиот зеленчук во светот
-
Автомобили2 дена
Најчестите причини зошто автомобилот троши повеќе гориво
-
Временска прогноза8 часа
Во краткотрајниот периодот од 23-ти, па се до 30 септември очекуваме „Мини-лето“ и повисоки температури – вели Попоски