Кичево
(ФОТО) Да се поклониме пред овие кичевчани за несебичните најразлични донации за хуманитарна акција која ја организиравме минатите три дена

Уште еднаш се поклонуваме пред вашата хуманост драги добри луѓе, вашата и нашата подадена рака за некого значи многу! По три дена добротворна акција во дворот на нашиот кичевски храм св.Апостоли Петар и Павле денеска беа предадени сите намирници на дечињата од с.Брест – бродско.
Ви ја пренесуваме целосната интегралната порака од нашите пријатели од декоративното студио Роденденски Пињати кои беа главни иницијатори за ова случување со наша поддршка.
Кичево
(ФОТО) По работната акција, светнаа трибините на градскиот стадион од ФК Напредок

Во текот на денешниот ден се одржа работна акција со цел расчистување на трибините на Градскиот стадион.
Западна трибина е очистена и спремна за новата сезона. Се очисти и влезот и дел од Источната трибина.
Во периодот што доаѓа управата на Ф.К.Напредок ќе организира уште работни акции за комплетно средување на стадионот.
Огромна благодарност на сите што дадоа допринос и несебична работа, истакна управата на клубот.
Кичево
(ФОТО) Во близина на с.Зајас кичевско, тешко товарно возило излетало од коловоз

Предмалку во близина на кичевското с.Зајас на магистралниот пат Кичево-Гостивар се случила сообраќајна несреќа, каде според неофицијални информации, тешко товарно возило изгубило контрола и излетало надвор од коловоз.
Подетални информации за здравјето на возачот или евентуално други учесници во сообраќајката немаме.
Увид на лице место напавила екипа од ОВР Кичево, додека за време на увидот на сообраќајната делница се создал сообраќаен метеж.
Повеќе информации очекуваме во дневниот билтен на СВР Охрид.
Кичево
Сечесниот празник на Успението на Пресвета Богородица се прослави со сеноќно бдение во нејзиниот кичевски величествен храм

Ова празнично славословие беше дотолку порадосно и возвишено, зашто оваа година, по првпат, сечесниот празник на Успението на Пресвета Богородица се прослави со сеноќно бдение токму во Пречистанската Обител – во нејзиниот величествен храм, каде што во изминатите години, со голема љубов и пожртвуваност, се создаваа духовни и практични услови за едно вакво раскошно молитвено торжество. И, навистина, му прилегаше на овој свештен простор да ѝ се принесе сеноќно светогорско бдение, што оваа година траеше цели тринаесет часа.
Огромниот број верни од сите возрасти што го исполнија храмот, со едно срце и една уста, и со синовска љубов кон Мајката на Животот ги пееја Успенските статии. Големиот, пак, број монаси, монахињи и свештенослужители, собрани околу својот старец, епископот Антаниски г. Партениј, од длабочините на своите срца излеваа топли прозби пред раскошниот Богородичен одар, тивко молејќи ја да испрати обилен благослов врз целиот свет. Посебен духовен раскош на бдението му дадоа монасите и членовите на хорот „Митрополит Козма Пречистански“, кои пееја навистина неуморно и велелепно, достојно за Мајката Божја и за наслада на сите присутни.
Посебна духовна радост и умиление причини благодарственото обраќање на старешинката на манастирот Пречиста, монахињата Харитина, која, во име на целото сестринство, со особена почит му подари на нашиот Старец рачно изработен крст за благословување – како знак на благодарност и љубов за неговата несебична грижа и родителска љубов. Повод за овој уникатен и значаен дар беше првото големо торжествено светогорско бдение за празникот на Успението, отслужено токму во нивната Пречистанска Обител – едно духовно собитие кое претставува историски и благословен почеток за нова епоха од животот на овој Богородичен дом.
Повеќе фотографии ќе најдете на офцијалниот натпис од Бигорскиот манастир – ТУКА
-
Кичево1 ден
(ФОТО) Во близина на с.Зајас кичевско, тешко товарно возило излетало од коловоз
-
Хороскоп23 часа
Хороскоп за недела (31 август)
-
Временска прогноза23 часа
Попоски предмалку истакна важни информации околу временската состојба
-
Кичево4 часа
(ФОТО) По работната акција, светнаа трибините на градскиот стадион од ФК Напредок
-
Скопје1 ден
Полициски службеници спречија ширење на пожар на СЦ Борис Трајковски, евакуирана публиката, девет полициски службеници завршија на токсикологија
-
Спорт1 ден
Германија ја запиша третата последователна победа на Европското првенство, совладувајќи ја убедливо Литванија
-
Автомобили10 часа
Американските анализи покажуваат дека автоматските менувачи доминираат на нивниот автомобилски пазар
-
Мобилни уреди10 часа
„WhatsApp“ одстранил сериозен безбедносен пропуст за „iPhone“ уредите