Денеска е убав ден, потребните финансиски средства се комплетирани за младиот Никола Китаноски од Кичево и операцијата е закажана за 8-ми март идниот месец. Нашите хуманитарци Ивица и Бибе кои во свои раце ја зедоа поголемиот дел од оваа акција (истите заслужуваат секакви почести) денеска во соработка со позната Аптека од градот ја добавија првата инекција, каде за 2 до 3 дена ќе пристигне и потребната втора по цена за двете од 53.000 денари, истите Никола мора да ги прими пред операциониот зафат.

Да потсетиме, во месец декември минатата година, Китаноски бил примен во кичевската болница со тешки стомачни болки, каде при скрининг веднаш му е дијагностициран хемангиом, така што после консултација со Абд. хирург индицирана била емболизација на хемангиом и заклучуваат дека истата ќе може да се изведи во клиниките во Скопје.

Уште еден доказ дека хуманоста и човечноста уште постојат, има добри луѓе, додека ние таквите ги викаме ГОЛЕМИ луѓе, хуманитарци, борци!

Да му посакаме успешна операција, добро здравје и среќни моменти на Никола!