На 23.08.2025 во 23.51 часот во СВР Куманово било пријавено дека на ул.„Народна Револуција“ во Куманово настанал пожар на сува трева, по што бил зафатен и плац, сопственост на Б.Р., каде што биле опожарени патничко возило „Форд мондео“, патничко возило „Сеат кордоба“, автобус „Санос“, мини бус „Ивеко“, товарно возило „Застава“, автобус „ТАМ“, товарно возило „Пежо“ и приколка за возил, сите сопственост на неколку приватни фирми, а кои претходно биле паркирани на плацот.

Од екипа на Територијалната противпожарна едница Куманово пожарот бил изгаснат, а повредени лица нема, известува МВР.

На ден 24.08.2025 година, до 12:00 часот, на територијата на Македонија има вкупно 3 пожари на отворен простор, од кои 1 е активен, 1 е под контрола и 1 е изгаснат, известуваат од ЦУК.

АКТИВНИ: 1
1. Општина Василево: с. Пиперово (сува трева)

ПОД КОНТРОЛА: 1
1. Општина Македонски Брод: Повеќенаменско подрачје Јасен (мешана шума)

ИЗГАСНАТИ: 1
1. Општина Куманово: ул. 60, до железничка станица (сува трева)

Од АМСМ информираат дека на 23 и 24 август 2025 година, во периодот од 09:00 до 12:00 часот, на регионалниот пат Р-1306 Кривогаштани – Прилеп, поради одржување на меѓународниот ФИС ролер-ски натпревар „Тодор Проески“, сообраќајот ќе биде во прекин.

Сообраќајот ќе се пренасочува по алтернативни патишта.