Мобилни уреди
Xiaomi ја претстави серијата 12S телефони со „Leica“ камери

На вчерашната конференција, Xiaomi претстави три телефони од новата серија 12S: Xiaomi 12S, Xiaomi 12S Pro и Xiaomi 12S Ultra.
Ова е првата серија на Xiaomi телефони кои доаѓаат со камери дизајнирани во соработка со германската Leica. Компанијата тврди дека двете компании ги здружиле силите за да создадат „нов стандард за фотографирање на телефони“.
Xiaomi 12S и Xiaomi 12S Pro
Двата модели имаат AMOLED екран, резолуција 2400×1080, со брзина на освежување до 120 Hz. Разликата е само во дијагоналата. 12S има екран со дијагонала од 6,28 инчи, додека 12S Pro пристигнува со малку поголем екран со дијагонала од 6,73 инчи. Двата дисплеа поддржуваат Dolby Atmos, HDR 10+ и осветленост до 1100 nits.
#Xiaomi12SUltra is #Android's first device to support @Dolby Vision HDR recording, meaning it captures awesomely vivid color with better contrast. #Xiaomi12SSeriesLaunch pic.twitter.com/TFNYX0PRqH
— Xiaomi (@Xiaomi) July 4, 2022
Камерата Xiaomi 12S се состои од главен сензор од 50 MP, ултра широк сензор од 12 MP или телефото сензор од 5 MP.
Xiaomi 12S Pro има малку поинаква конфигурација. Сите три сензори на про варијантата се од 50 MP, а телефонот нуди и 2X оптички зум. Двата модели имаат предна камера од 32 MP, а корисниците можат да избираат помеѓу два режима: Leica Authentic Look и Leica Vibrant Look.
Двата телефони се напојуваат со чип Snapdragon 8+ Gen1, комбиниран со 8GB/12GB RAM и простор помеѓу 128GB и 512GB.
Xiaomi 21S има батерија со капацитет од 4500 mAh со поддршка за брзо полнење до 67W. Промоделот поддржува уште побрзо полнење до 120W.
Xiaomi 12S Ultra
Xiaomi 12S Ultra треба да биде најдобриот телефон што компанијата може да го понуди.
What you've been waiting for. #Xiaomi12SUltra is here. @leica_camera pic.twitter.com/Nd2NGegmKy
— Xiaomi (@Xiaomi) July 4, 2022
Xiaomi 12 Ultra доаѓа со главен сензор од 50,3 MP, ултра широк сензор од 48 MP и телефото сензор од 48 MP со оптичка стабилизација на сликата.
Телефонот има 6,73-инчен AMOLED екран со резолуција од 3200×1440 со прилагодена стапка на освежување до 120Hz. Дисплејот поддржува HDR 10+ и Dolby Vision, а осветленоста е 1500 nits.
This is #Xiaomi12SUltra, our top imaging flagship smartphone. #Xiaomi12SSeriesLaunch pic.twitter.com/QUDC2mmSFc
— Xiaomi (@Xiaomi) July 4, 2022
Телефонот се напојува со чип Snapdragon 8 Gen1 во комбинација со 8GB/12GB RAM.
Има стерео звучници со поддршка за Dolby Atmos и IP68 сертификат за отпорност на прашина и вода.
Целосна конференција:
Магазин
Дали е штетно батеријата да се полни неколку пати на ден?

Не, честото полнење на телефонот не е штетно – напротив, полнењето во пократки интервали може да помогне батеријата да трае подолго. Денешните паметни телефони користат литиум-јонски батерии, кои се дизајнирани да издржат ваков начин на полнење, за разлика од постарите технологии кои бараа целосно празнење и полнење.
Исидор Бухман, основач на „Cadex Electronics“, објаснува дека треба да се избегнува редовно полнење од 0% до 100%, освен ако батеријата не покажува проблеми како ненадејно исклучување иако е прикажано дека е наполнета. Во такви случаи, целосен циклус може да помогне во калибрација на сензорот за батерија.
Литиум-јонските батерии обично траат 2 до 3 години или околу 300 до 500 циклуси на полнење, по што нивниот капацитет се намалува за околу 20%. За разлика од претходните верувања, денес не е потребно батеријата целосно да се празни за да се зачува нејзиниот век. Всушност, повеќето производители, вклучувајќи го и Samsung, препорачуваат батеријата да се одржува над 50% секогаш кога е можно.
Препораки за оптимално полнење:
-
Полнете го телефонот кога ви одговара, без страв дека ќе ја оштетите батеријата.
-
Избегнувајте батеријата да паѓа под 20% колку што е можно поретко.
-
Не оставајте го телефонот долго време на полнач откако ќе се наполни до 100%.
-
Целосно празнење (до 0%) правете само повремено, доколку е потребно за калибрација.
Малите, повеќекратни полнења во текот на денот се безбедни и дури препорачливи. Она што треба да се избегнува се екстремите – редовно празнење до нула или долготрајно држење на полнач кога батеријата е целосно наполнета.
На овој начин, батеријата на вашиот телефон ќе трае подолго и ќе функционира поефикасно.
Извор: Benchmark
Мобилни уреди
Овие 5 андроид мобилни уреди се помеѓу најпродаваните 10 во светот

Според најновите податоци од „Counterpoint Research“, листата на најпродавани паметни телефони во светот за првиот квартал од 2025 година покажува дека Apple повеќе не е единствениот лидер на пазарот. Иако ги зазема првите четири позиции, Android уредите успеаја да се изборат за половина од топ 10 листата, при што Samsung доминира со четири модели, а Redmi се појавува со еден.
Од Samsung, меѓу најпродаваните се најдоа моделите: Galaxy A16 5G, Galaxy A06, Galaxy S25 Ultra и Galaxy A55 5G. Особено се истакнува Galaxy A16 5G, кој е на петтото место, но е најпродаваниот Android телефон во овој период.
Galaxy S25 Ultra, како единствен премиум Android модел на листата, е на седмото место – нешто пониско во споредба со неговиот претходник, S24 Ultra, кој лани беше петти. Причина за ова е неговото подоцнежно лансирање, што резултираше со пократок период на продажба. Сепак, серијата S25 во целина се продава стабилно, претставувајќи околу 25% од вкупната испорака на Samsung во месеците кога беше достапна.
Redmi 14C 4G е моделот кој ѝ обезбеди на оваа марка место меѓу најпродаваните Android телефони.
Apple, пак, доминира на врвот со моделите iPhone 16, 16 Pro Max, 16 Pro и iPhone 15, кои се на првите четири позиции. iPhone 16 Plus го зазеде десеттото место. Забележително е што iPhone 15, и покрај тоа што е на пазарот речиси две години, сè уште се продава одлично, благодарение на привлечната цена. Иако iPhone 16e не е меѓу првите десет, се очекува да има подобри резултати од претходните SE модели во текот на првата година.
Извор: counterpointresearch.com
Мобилни уреди
Според анализа на „Counterpoint“ еве кој мобилен уред е најпродаван во светот

Според анализата на Counterpoint Research, Apple ги освои првите четири позиции на глобалната листа на најпродавани телефони. Најмногу се продавал iPhone 16, по него следат iPhone 16 Pro Max, iPhone 16 Pro, како и моделот од минатата година – iPhone 15. Овој успех уште еднаш ја потврдува доминацијата на Apple на светскиот пазар на паметни телефони.
Според MacRumors, успехот на iPhone 16 не е случаен. За разлика од претходните години кога најскапите модели како Pro Max беа најбарани, сега обичниот iPhone 16 е многу популарен. Причината за тоа е што го користи новиот A18 чип, кој е речиси ист како A18 Pro чипот во iPhone 16 Pro Max.
Освен тоа, моделот доби нови функции како копче за акција и копче за контрола на камерата – нешто што досега беше достапно само кај Pro моделите. Овие додатоци го направија iPhone 16 попривлечен и го приближија до Pro серијата, давајќи им на корисниците подобра вредност за своите пари. Ова доведе до значителен пораст на популарноста на основниот модел во повеќе делови од светот.
Во првите три месеци од годинава, пет од десетте најпродавани смартфони биле модели на Apple. iPhone 16 Plus се пласираше на десеттото место, додека новиот iPhone 16e го зазеде шестото место во март 2025 година.
Со својата прифатлива цена и одлични карактеристики, iPhone 16e нуди многу повеќе од тоа што претходно го нудеше iPhone SE. Се очекува дека ќе го надмине својот претходник по бројот на продадени уреди, благодарение на подобрениот хардвер.
Извор: Counterpoint Research / MacRumors
-
Кичево2 дена
Во сабота традиционална „Мото парада 2025“ по повод „Петровден“, именден на нашиот градски храм „Св.Петар и Павле“
-
Кичево6 часа
Вчера во Кичево при засилена акциска контрола на МВР изречени 86 санкции во еден ден
-
Хороскоп2 дена
Хороскоп за среда (9 јули)
-
Хороскоп17 часа
Хороскоп за четврток (10 јули)
-
Временска прогноза18 часа
Од ноќеска брз продор на засилен ладен ветер, кој создава дополнителен проблем со пожарите
-
Временска прогноза1 ден
Пред нас ладен бран на Балканот, на Алпите веќе е опснежено!
-
Скопје1 ден
Повторно целосно прекинат сообраќајот кон Граничниот премин Блаце поради пожар
-
Македонија2 часа
(ФОТО) МВР: Фатени тројца малолетници, со бензин, петарди и запалка