Гејминг

Nintendo Switch Pro може да пристигне до крајот на 2023 година

Објавено пред

3 години

на

август 9, 2022

Од

Порта.мк

Пред да се појави верзијата на конзолата Nintendo Switch со OLED екран, фановите мислеа дека конечно е време за „Pro“ верзија на овој пренослив систем. После тоа се надеваа дека професионалната верзија ќе се појави до крајот на оваа година, но како што пренесува Gizchina, Nintendo Switch Pro се уште не е подготвен и би можел да се појави пред јавноста подоцна отколку што мислеше некој.

Незапирлива популарност

Nintendo Switch е една од најпопуларните конзоли на сите времиња. Пред само неколку дена беа објавени финансиските извештаи на оваа компанија, кои потврдија дека од самиот почеток се продадени повеќе од 111 милиони примероци од овој гејмерски систем, што го става Switch на третото место на најпродаваните конзоли на оваа компанија, веднаш зад GameBoy со 118 милиони продадени примероци и DS со неспорни 154 милиони продадени примероци.

Да го ставиме ова во малку поинаква перспектива и да вклучиме други производители во рангирањето. На прво место секако е легендарниот PlayStation 2, додека конзолата од претходната генерација на Sony, PlayStation 4, е продадена во 117 милиони примероци. Switch е на петтото место на најпродаваните конзоли на сите времиња, Sony е единствениот конкурент, додека најпопуларната конзола на Microsoft, Xbox 360, има продадено „само“ 85 милиони примероци.

Зошто се „гушиме“ со информации за популарните конзоли? Бидејќи Switch не е најпопуларен на нашите простори, приматот секогаш одел на страната на PlayStation и до одреден степен на XBox конзолите. Но, Switch е сè освен непопуларен и не е ни чудо што веќе некое време се шпекулира дали и кога ќе се појави варијанта „Pro“.

Уште една година

Оригиналниот Nintendo Switch беше објавен заедно со Legend of Zelda: Breath of the Wild, една од најпопуларните видео игри за системот. Првично се мислеше дека истото ќе се случи и со „Pro“ верзијата која ќе биде објавена заедно со продолжението на легендарната Zelda. Очигледно, ништо од тоа, па ќе треба да почекаме до самиот крај на 2023 година за Nintendo Switch Pro, а можеби ќе зачекориме и во следната година. О, само за да бидеме добри.

Следно

Услугите на Google не функционираа, се извини гигантот

Не пропуштај

Подгответе се, заразните болести ќе се влошат поради климатските промени

Гејминг

Battlefield 6 продаде над 7 милиони примероци за само три дена

Објавено пред

2 дена

на

октомври 20, 2025

Од

Порта.мк

Најновото издание од популарната франшиза Battlefield постигна неверојатен успех — над 7 милиони продадени примероци во првите три дена од лансирањето. Веста пристигнува само неколку дена откако EA објави дека компанијата станува приватна, во зделка вредна 55 милијарди долари.

Импресивни бројки на почетокот

Според податоците, играчите во првите денови одиграле повеќе од 172 милиони онлајн натпревари, а стриминг платформите забележале над 15 милиони прегледи поврзани со играта.
Овие бројки ја прават најуспешната премиера во историјата на франшизата Battlefield. За споредба, претходното издание, Battlefield 2042 (2021), продаде околу 4,2 милиони примероци во првата недела.

Реакции од EA

„Прво и најважно, сакаме да им се заблагодариме на нашите играчи,“ изјави генералниот менаџер на франшизата, Бајрон Бид.
„Никогаш не ги земаме ваквите моменти здраво за готово, па затоа сакам да ја изразам нашата искрена благодарност до нашите глобални Battlefield Studios и страствената заедница што ни помогна да стигнеме до оваа точка,“ додаде Винс Зампела, извршен потпретседател на EA.

EA станува приватна компанија

Лансирањето на играта се совпадна со веста дека EA ќе премине во приватна сопственост. Новите сопственици се Фондот за јавни инвестиции на Саудиска Арабија (PIF), како и компаниите Silver Lake и Affinity Partners.
Сепак, дел од синдикално организираните вработени во EA изразија загриженост за зделката, предупредувајќи дека „со приватизација, работниците губат транспарентност, видливост и моќ“.

Достапност

Battlefield 6 официјално беше објавена на 10 октомври, и е достапна за PC, PlayStation 5 и Xbox Series X/S.
Првата сезона на дополнителна содржина ќе пристигне на 28 октомври.

Извор: Engadget

Прочитај повеќе...

Гејминг

Fortnite повторно достапен на iOS во Австралија

Објавено пред

2 месеци

на

август 23, 2025

Од

Порта.мк

Фото: appshunter.io @ unsplash

По пет години судски битки, Epic Games успеа да го врати Fortnite и Epic Games Store на iOS уредите во Австралија. Одлуката на судот утврди дека Apple ја ограничувал конкуренцијата со своите строги правила, особено со забраната за алтернативни методи на плаќање, пренесува Australian Financial Review.

Epic Games изјави:
„Австралискиот суд пресуди дека Apple и Google ја злоупотребуваат својата контрола врз дистрибуцијата на апликации и плаќањата во нив за да ја ограничат конкуренцијата. Постојат над 2.000 страници со наоди што ќе треба да ги испитаме. Сепак, ова е победа за програмерите и потрошувачите во Австралија!“

Како започна конфликтот?

Epic го заобиколи системот за плаќање на Apple.
Наместо тоа, воведе сопствен метод за купувања.
Apple остана без вообичаената провизија од 30%.
Како реакција, Fortnite и другите апликации беа отстранети од App Store, што доведе до долг судски процес.

Во април оваа година, американскиот суд пресуди дека Apple повеќе нема право да наплаќа провизија за купувања направени надвор од App Store. По таа одлука, Fortnite повторно се врати во американската App Store во мај.

Иако одлуката во Австралија е историска за гејмерите и девелоперите, сè уште не е познато кога Fortnite и Epic Games Store повторно ќе бидат достапни за сите iOS корисници таму.

Извор: Engadget

Прочитај повеќе...

Гејминг

Sony ја зголеми цената на сите модели од „PlayStation 5“ конзолата на американскиот пазар

Објавено пред

2 месеци

на

август 22, 2025

Од

Порта.мк

ФОТО: Unsplash.com @ Kerde Severin

Моделот со диск драјв ќе се продава по цена од 549,99 долари, што е зголемување од 50 долари во однос на претходните 499,99 долари. Digital Edition ќе поскапи од 449,99 на 499,99 долари, додека најмоќната верзија – PS5 Pro – ќе чини 749,99 долари наместо досегашните 699,99.

Од компанијата објаснуваат дека ваквата одлука е резултат на „тешките економски услови“ и дополнителните тарифи кои значително ги зголемиле трошоците за производство и дистрибуција.

– „Иако настојувавме што подолго да ги задржиме старите цени, актуелните пазарни околности нè принудија да направиме корекција“, наведуваат од Sony.

Позитивна вест за играчите е тоа што цените на игрите и додатоците нема да се менуваат.

Со овој потег, Sony се усогласува со конкурентите, бидејќи и Microsoft и Nintendo претходно ги зголемија цените на своите гејминг конзоли поради слични економски предизвици.

Прочитај повеќе...