Спорт
Судиска анализа на 18-то коло во првата македонска фудбалска лига, на мечот Работнички – Шкупи не признаен регуларен гол

Судиска комисија ги разгледа спорните моменти од 18 коло на ПРВА МФЛ, и ги донесе следните заклучоци:
На натпреварот Фк.Силекс– Фк.Македонија Ѓ.П одигран на 11.12.2022 година, анализирани се ситуациите од 13 и 82 минута.
“Главен судија: Александар Грујоски. Помошни судии: Куштрим Лика и Зоран Јанкулоски.
13 минута: ДОБРА ПРОЦЕНКА НА ГЛАВНИОТ СУДИЈА (Досуден удар од 11 метри)
Играч од екипата на гостите ја имаше топката во свој посед во 16 –сетникот на домакините, во моментот кога го помина одбранбениот играч на домакините, беше соборен ( сопнат) на недозволен начин.
Исправна одлука на главниот судија, досудено удар од 11 метри за екипата на гостите, поради недозволен старт ( сопнување).
82 минута: ДОБРА ПРОЦЕНКА НА ГЛАВНИОТ СУДИЈА (Досуден удар од 11 метри)
Играч од екипата на гостите додаде топка до соиграч кој беше странично од голот , во 16-сетникот на домакините и над него од позади грб со лизгачки старт предоследниот играч од одбраната на домакините сакајки да ја избие топката направи прекршок (старт на нога) над напаѓачот.
Исправна одлука на главниот судија, досуден удар од 11 метри поради недозволен старт (од позади грб), во оваа ситуација главниот судија треба да додели дисциплинска мерка жолт картон.
На натпреварот Фк.Скопје-Фк.Струга Трим Лум одигран на 11.12.2022 година, анализирани се ситуацииите од 42 и 66 минута.
“Главен судија: Александар Ставрев. Помошни судии: Дејан Костадинов и Гоце Петрески.
42 минута: ДОБРА ПРОЦЕНКА НА ГЛАВНИОТ СУДИЈА (Недосуден удар од 11 метри)
Додадена топка во 16-сетникот на домакините, во истиот момент на неа тргнаа два противнички играчи (исто растојание и без ничив посед) и пред да биде допрена од еден од играчите, играчот од екипата на гостите скока пред да дојде до контакт со играчот од одбраната на домакините и паѓа без било кој од двајцата да ја допре топката.
Исправна одлука на главниот судија, дозволи играта да продолжи, бидејки немаше елементи за удар од 11 метри, главниот судија во оваа ситуација беше одлично поставен и имаше добра прегледност.
66 минута: ДОБРА ПРОЦЕНКА НА ГЛАВНИОТ СУДИЈА (Досуден удар од 11 метри)
Центрирана топка во 16-сетникот на гостите, играч од одбраната на гостите кој беше 6-7 метри оддалечен од центаршутот направи движење со раката (зголемува волумен) и ја сопре топката.
Исправна одлука на главниот судија, досудено удар од 11 метри за игра со рака, играчот од обраната на гостите го зголеми волуменот на раката со неговото движење, а исто така имаше и големо растојание при центаршутот, така што можеше да ја повлече раката.
На натпреварот Фк.Брегалница –Фк.Победа одигран на 11.12.2022 година, анализирани се ситуациите од 10 и 38минута.
“Главен судија: Јован Качевски. Помошни судии: Слаѓан Марковски и Давор Цветановски.
10 минута: ДОБРА ПРОЦЕНКА НА ГЛАВНИОТ СУДИЈА ( Доделен втор жолт – ЦРВЕН картон)
Играч од екипата на гостите беше во напад на средината на теренот, над него со недозволен старт и јак интезитет стартуваше играч од екипата на домакините спречувајки го играчот во нападот.
Исправна одлука на главниот судија, досуден слободен удар и доделен жолт картон за недозволен старт, бидејки тоа беше втор жолт картон за играчот, автоматски му беше доделен Црвен картон.
38 минута: ПОГРЕШНА ПРОЦЕНКА НА ГЛАВНИОТ СУДИЈА, МЕЃУТОА ВЕДНАШ КОРЕГИРАНА ВО ДОБРА СОРАБОТКА И ДОБРА ПРОЦЕНКА СО ВТОРИОТ ПОМОШЕН СУДИЈА (Досуден удар од 11 метри, меѓутоа веднаш во соработка со вториот помошен судија корегираново слободен удар за одбраната)
Играч од екипата на гостите прими топка во 16-сетникот на домакините, топката му избега од посед и на неа тргна играч од одбраната на домакините, играчот од одбраната прв стигна до топката и потоа беше нагазнат на нога од напаѓачот на гостите, по што двајцата играчи паднаа.
Главниот судија досуди удар од 11 метри за екипата на гостите, меѓутоа веднаш во соработка со вториот помошен судија е досудено слободен удар (газење на нога) за играчот од одбраната на домакините.
Во оваа ситуација да се напомене одличната тимска работа на судиите, за носење правилни одлуки.
На натпреварот Фк.Работнички-Фк.Шкупи одигран на 11.12.2022 година, анализирана е ситуацијата од 17 минута.
“Главен судија: Стојанче Трпчевски. Помошни судии: Драган Трпчевски и Душко Панов.
17 минута: ПОГРЕШНА ПРОЦЕНКА НА ПРВИОТПОМОШЕН СУДИЈА ( Досудено офсајд позиција– не е признаен регуларен гол )
Од удар од агол е центрирана топка во 16-сетникот на гостите, играч од нападот на домакините додава топка до свој соиграч кој во моментот на додавањето е поназад од предпоследниот играч од одбраната на гостите и и постигнува гол.
Погрешна одлука на првиот помошен судија што го поништи голот поради офсајд позиција, бидејки при момент на додавање на топката од соиграчот, играчот на домакините се наоѓаше во дозволена позиција.
Првиот помошен судија во оваа ситуација беше лошо поставен, односно остана на корнер знамецето, а не беше во линија со предпоследниот играч од одбраната на гостите и затоа немаше добра прегледност.
На натпреварот Фк. Академија Пандев-Фк.Тиквеш немаше спорни ситуации за судиска анализа.
Судиска анализа за 15 коло од ВТОРА МФЛ за сезона 22/23
Судиска комисија ги разгледа спорните моменти од 15 коло на ВТОРА МФЛ, и ги донесе следните заклучоци:
На натпреварот Фк.Гостивар – Фк.Караорман одигран на 10.12.2022 година, анализирани се ситуациите од 25, 41 и 78 минута.
“Главен судија: Миле Лазов. Помошни судии: Тоше Ицев и Зоран Ангелов.
25 минута: ДОБРА ПРОЦЕНКА НА ГЛАВНИОТ СУДИЈА И ДОБРА СОРАБОТКА СО ПРВИОТ ПОМОШЕН СУДИЈА ( Досуден удар од 11 метри)
Централно додадена топка во 16- сетникот на домакините,играч од екипата на гостите ја прима топката и на него стартува (на нога) играч од екипата на домакините и прави прекршок.
Исправна одлука на главниот судија, досуден удар од 11 метри за стартот и одлична соработка помеѓу главен и помошен судија, кој му го потврди и поддржа досудениот удар од 11 метри.
41 минута: ДОБРА ПРОЦЕНКА НА ГЛАВНИОТ СУДИЈА (Досуден удар од 11 метри)
Играч од нападот на домакините ја имаше топката во свој посед, над него од позади грб ( на задниот дел од ногата) стартуваше играч од одбраната на гостите, играчот од нападот сакаше да продолжи да игра меѓутоа од контактот изгуби чекор и падна.
Исправна одлука на главниот судија што досуди удар од 11 метри, стартот беше недозволен (на задниот дел од ногата).
78 минута: ДОБРА ПРОЦЕНКА НА ГЛАВНИОТ СУДИЈА ( Досуден удар од 11 метри)
Играч од екипата на домакините додаде топка централно во 16-сетникот на гостите, до неа прв стигнува играч од нападот на домакините и играчот од одбраната на гостите со старт во нозе прави прекршок над напаѓачот.
Исправна одлука на главниот судија, досуден удар од 11 метри поради недозволен старт (на нога) над противникот.
На натпреварот Фк.Беса– Фк.Пехчево одигран на 10.12.2022 година, анализирана е ситуацијата од 85минута.
“Главен судија: Дени Лековски. Помошни судии: Петар Степановски и Никоче Дрнкоски.
85 минута: ДОБРА ПРОЦЕНКА НА ГЛАВНИОТ СУДИЈА (Доделен втор жолт- ЦРВЕН картон)
Играч од екипата на домакините беше во посед на топката странично од голот на гостите, играч од одбраната на гостите прави недозволен старт над играчот од нападот и спречи ветувачка акција.
Исправна одлука на главниот судија, досуден слободен удар и доделен жолт картон за играчот од одбраната на гостите, поради недозволен старт (спречување ветувачка акција),бидејќи
Спорт
(ВИДЕО) Екипата на „Рибник-Добреноец“ го освои првото место на традиционалниот турнир во мал фудбал по повод „Иванден“ с.Староец

Денес беше завршниот ден на големиот турнир во с.Староец Кичево по повод Иванден.
По одиграните натпревари кои завшрија со следните резултати, финале играа Рибник-Добреноец и Роденденски пињати-Кичево, кој заврши со регуларни 1:1, по што следуваше пенал рулетот, каде подобра беше екипата на Рибник-Добреноец.
1.ИВАНДЕН СТАРОЕЦ – РИБНИК ДОБРЕНОЕЦ РЕЗУЛТАТ 1:5.
2.КЛАС МК БРОД – РОДЕНДЕНСКИ ПИЊАТИ РЕЗУЛТАТ 0:1
3.РИБНИК ДОБРЕНОЕЦ – КАЈ КУМОТ РЕЗУЛТАТ 4:1
4.КЛАС-МК Брод – КАЈ КУМОТ РЕЗУЛТАТ 5:1
Симјановски: Со Вашето присуство, и спортски дух и поддршка се доказ дека традицијата и почитта кон верата и празниците се уште живеат во нашите срца и дела.
Посебна благодарност упатуваме и до МЛАДИНСКАТА ОРГАНИЗАЦИЈА И СПОНЗОРИТЕ
1. ЦРКВА СВ.ЈОВАН КРСТИТЕЛ
2. МЕАНА КОЛЦЕ
3. РЕСТОРАНТ,, КАЈ КУМОТ”
4. ,,АГРО ДРВО”
5. ПЕКАРА,, РАДЕ”
6. ГОРСАЈ
7. ЛУКОИЛ
8. ИДЕАЛ ТРАНС
9. КАФЕ БАР ,,ПАП”
10.РЕСТОРАН,, ФУРНА”
11.ИГОР ФИЛИПОСКИ
12.СКАРАЏИИ
13.МИРЕ РИСТЕВСКИ
14.ХРИСТИЈАН ТАНЕВСКИ
15.ВЛАДО АНДРЕСКИ
16.ЦВЕТАН НЕСТОРОСКИ
17.ТИМ ИНЖИНЕРИНГ
18.ХЕМИСКО ЧИСТЕЊЕ,, КТ”
19.АЛЕКСАНДАР ТАНЕВСКИ
20.PORTA.MK, кои помогнаа во организацијата и со љубов придонесоа овој настан да се реализира успешно, достоинствено и со радост – токму како што прилега за ваков свет ден.
Нека Иванден ни донесе здравје, радост и благослов на сите!
Вака изгледаше завршниот дел, пенал рулетот и доделување на пехарите и вредносните парични награди.
🏆 Рибник-Добреноец
🥈 Роденденски Пињати-Кичево
🥉 Клас МК Брод
Награди за најдобар голман зеде Сариевски, најдобар играч-ветеран Спасеноски и најдобар играч на турнирот Котевски.
Спорт
Класата е вечна! Ѓоковиќ го победи Де Минаур и обезбеди четвртфинале со италијанскиот „ас“ Коболи!

Српскиот тенисер Новак Ѓоковиќ избори пласман во четвртфиналето на Вимблдон, откако во осминафиналето го победи Австралиецот Алекс де Минаур со 3-1 во сетови (1-6, 6-4, 6-4, 6-4).
Мечот започна лошо за Ѓоковиќ – го загуби првиот гем и не успеа да се врати веднаш, што му дозволи на Де Минаур целосно да го контролира сетот. Австралијанецот направи уште два брејка и го освои првиот сет убедливо со 6:1 за само половина час.
Но, Ѓоковиќ одговори во вториот сет. Веднаш направи брејк, иако Де Минаур успеа да се врати и да израмни. Сетот беше исполнет со пресврти, но на крајот Новак го доби и го изедначи резултатот на 1:1.
Во третиот сет, двајцата тенисери успешно го чуваа својот сервис до 4:4, кога Ѓоковиќ направи клучен брејк и веднаш потоа го освои сетот.
Австралиецот повторно поведе во четвртиот сет со 4:1, но Ѓоковиќ не се предаде. Со голема борбеност успеа да се врати, направи брејк во седмиот гем и поведе со 5:4. Со уште еден добар гем го затвори мечот и обезбеди пласман во четвртфиналето, каде ќе се сретне со Италијанецот Флавио Коболи.
Инаку својот триумф Ноле го прослави во карактеристичен стил – со „пумпај“, а камерите го фатија и насмеаниот Роџер Федерер како го гледа натпреварот од трибината.
Како што претходно објасни Ѓоковиќ, тој и неговите деца слушаат неколку песни што ја испраќаат таа порака, и поради таа причина, тој ја слави својата победа на Вимблдон на тој начин.
Честито Ноле!
Спорт
За „Иванден“ дефинитивно мора да бидете во с.Староец, на одлична традиција, фудбал и уживање

Во рамки на денешниот ден на традиционалниот фудбалски турнир во с.Староец кичевско се одиграа натпревари согласно транспарентното ждреб извлекување.
Турнирот пред присутните свечено го отвори претседателот на ЗРР “Иванден-Староец”, г-дин Владо Симјановски кој посака топло добредојде на сите жители, гости, спортисти и пријатели.
– Со особена чест и голема радост ве поздравувам и ви посакувам топло добредојде на денешниот настан – традиционалниот турнир во мал фудбал, организиран по повод големиот празник – раѓањето на Св. Јован Крстител – Иванден.
Овој ден има особено значење за нашето село и нашата заедница. Иванден не е само религиозен празник, туку симбол на духовна обнова, заедништво, традиција. Токму затоа, овој турнир не е само спортски настан, туку и начин да се собереме, да се поврземе и да го одбележиме празникот со младешка енергија, фер игра и дружење.
Голема благодарност до сите учесници, организатори, поддржувачи и спонзори кои го направија овој турнир можен. Ви посакувам фер и борбена игра, исполнета со спортски дух, пријателство и почит. А на гледачите – да уживаат во добар фудбал и празничната атмосфера.
Нека Иванден ни донесе здравје, мир, благосостојба и уште многу вакви заеднички собири во иднина.
Нека ни е честит празникот и нека биде успешен турнирот, заврши Симјановски, така што пред турнирот да биде официјално отворен, беше оддадено едноминутно молчење, во знак на почит за прерано починатото момче, во трагична сообраќајка – Димитар Трајчевски кој влече корени од селото.
Ова се денешните резултати:
- Пунџа Слобода – Клас Македоски Брод резултат 1:2
- Мајстори 1 – Рибник Добреноец резултат 1:3
- Кај Кумот-Кафе Фрст Македонски Брод резултат 6:2
- Напредок-Роденденски Пињати резултат 0:3
Утре (понеделник) фудбалскиот турнир влегува во својата финална завршница, каде со старт од 16:00ч присутните ќе можат да уживаат во прекрасната природа, вкусна храна и ладен пијалок.
Распоред на натпревари:
1.Староец-Рибник Добреноец (прв меч)
За полуфинална борба:
1.Клас Македонски Брод
2.Рибник Добреноец
3.Кај Кумот
4.Роденденски Пињати
5.Староец
Спортски поздрав, се гледаме таму!
-
Кичево20 часа
Вчера во Кичево при засилена акциска контрола на МВР изречени 86 санкции во еден ден
-
Хороскоп1 ден
Хороскоп за четврток (10 јули)
-
Временска прогноза1 ден
Од ноќеска брз продор на засилен ладен ветер, кој создава дополнителен проблем со пожарите
-
Хороскоп8 часа
Хороскоп за петок (11 јули)
-
Македонија16 часа
(ФОТО) МВР: Фатени тројца малолетници, со бензин, петарди и запалка
-
Скопје2 дена
Повторно целосно прекинат сообраќајот кон Граничниот премин Блаце поради пожар
-
Скопје13 часа
Лишени уште две лица во Скопје, фатени како предизвикуваат пожар
-
Македонија21 час
ЦУК: Вчера најмногу повици до сега во еден ден