Денес околу 10:30ч забележан и пријавен бил пожар во атарот на село Душогубица кичевско. Село кое се простира во височините на југоисточните падини на планината Бистра, чиј атар се допира со подрачјето на Општина Маврово и Ростуше.

Пожарот на кој интервенираа ТППЕ Кичево и полицискиот хеликоптер допре дури до живеалиштата, а опожарени се околу 40-тина пчелни сандаци, истакна претседателот на МЗ с. Душогубица, г-дин Димче Стојкоски.

Пожаротега е распространет кон горниот срт на планината на непристапен терен над селото.

Порта.мк останува на овој дел од селото и активно ја следи состојбата со пожарот.

ЦУК до 18:00ч:

🔥 На ден 21.08.2025 година, до 18:00 часот, на територијата на Р.С.Македонија има вкупно 20 пожари на отворен простор, од кои активни се 7, 1 под контрола и 12 изгаснати.

АКТИВНИ: 7
1. Општина Македонски Брод: Повеќенаменско подрачје Јасен (мешана шума)
2. Општина Струга: с. Подгорци (нискостеблеста шума)
3. Општина Прилеп: с. Беловодица – место викано Ливада и с. Лењиште (букова шума)
4. Општина Долнени: с. Стровија и с. Долгаец (мешана шума)
5. Општина Росоман: с. Дебреште (ниска вегетација)
6. Општина Кичево: с. Душегубица (ниска вегетација и ниска шума)
7. Општина Студеничани: с. Горно Количани и с. Драчевица – планински врв Китка (мешана шума)

ПОД КОНТРОЛА: 1
1. Општина Старо Нагоричане: с. Канарево (ниска вегетација)

ИЗГАСНАТИ: 12
1. Општина Маврово – Ростуше: с. Церово и с. Симница (нискостеблеста шума и сеча)
2. Општина Боговиње: с. Оловјане (ниска вегетација)
3. Општина Ѓорче Петров: с. Орман (ниска вегетација)
4. Општина Струга: с. Велешта и с. Белица (стрниште)
5. Општина Липково: с. Слупчане и с. Ваксинце (стрниште)
6. Општина Струмица: с. Ангелци (ниска вегетација)
7. Општина Долнени: с. Лажани (ниска вегетација)
8. Општина Кратово: место викано Рашковец (ниска вегетација)
9. Општина Кичево: с. Горица (стрниште)
10. Општина Студеничани: с. Батинци (ниска вегетација и ѓубре)
11. Општина Ѓорче Петров: с. Волково (ниска вегетација)
12. Општина Гази Баба: с. Трубарево (ниска вегетација)

Од „ЕВН Дистрибуција“ информираат дека има непланиран дефект на електрична енергија во кичевските села Вранештица, Цер, Кладник и околината. Веројатно се работи на санација за истиот.

Меѓународниот фестивал на фолклорот на планинските предели кој се одржува во Закопане во срцето на Полските Карпати, на платото во центарот на градот познато како „Гórna Rówień Krupowa“, едно од најпрестижните и најстарите фолклорни фестивали од ваков тип во Европа.

Ова 56-то издание се одржува од 15 до 21 август 2025, со почеток во 10:00 часот секој ден. Исто така секоја година се натпреваруваат десетици – дури стотици – фолклорни ансамбли од целиот свет. Натпреварот е строг, а жири-от доделува Златна, Сребрена и Бронзена Ciupaga.

Оваа година како што веќе обзнанивме нашите учесници од КУД „Бисер“, Матеа Ѓорѓиоска и Александар Донески од Кичево се натпреваруваат за најубава народна носија од Македонија.

Гласањето е едноставно со реакција „Ми се допаѓа“ на фотографиите. Овој натпревар трае до утре 21-ви август (четврток) – 12:00ч – кога практично и завршува финалната вечер. Од тука во име на македонската традиционална народна носија која дефинитивно е нешто најубаво од нашите простори, ја даваме нашата безрезервна поддршка за да победиме!

• За 🇲🇰 носија од Матеа кликни – ТУКА  /  За 🇲🇰 носија од Александар кликни  – ТУКА

Што се однесува до престижниот фестивал, до сега учествувале преку 700 странски групи и над 200 полски ансамбли – укажувајќи на големите димензии и реон на оваа манифестација.

Фестивалот привлекува љубители на култура, туристи, медиуми и етномузиколози од целиот свет. Вистинска традиција, културна мисија, еуфорија на народен идентитет и мост меѓу различни култури од сите страни на светот. Во оваа прилика им честитаме за одличната организација, она што ни го пренесуваат нашите учесници од Кичево таму е за сите почести.