Денес во кичевското село Извор во присуство на стотици граѓани започна изградбата и осветувањето на темелите на црквата „Успение на Пресвета Богородица“ каде беа и изложени дел од моштите на Св.Ѓорѓија. Црквата ќе биде прв верски објект во селото, во непосредна близина на изворите од река „Треска“.

Со Света Божествена литургија беше спуштена светата вода, како и трите плочки со златниот крст во темелот, селаните свечено ги поставија темелите.

На манифестацијата свое учество зедоа групата „Бели Мугри“, КУД „Рацин“, естрадните уметници, Михајло Данилоски, Дарко Стојаноски и Дамјан Стојаноски, имаше и забавна програма Дарио „СПН“ и останати гости, додека за сите присутни имаше обезбедено посебен пулт за коктел и пијалок.

На овој настан како медиумски покровители беа колегите од Канал 5 телевизија, ние (Порта.мк) и локалната радио станица „Акорд“. „Порта“ обезбеди мега-галерија, како и снимка од воздух во заедничка соработка со водечките лидери во ТВ етерот.

Во прилог настанот Ви го прикажуваме преку официјална галерија преку нашиот објектив: