Планинарското друштво „Ендорфин“ од Кичево во сеќавање на својот прерано изгубен член, планинар и другар, Сашо Костадиноски, го организира Осмиот меморијален планинарски марш на планината Голјак закажан за 20 јули 2025 г. (недела)

Голјак е средновисока планина која се наоѓа во Кичевскиот Регион и ги раздвојува селата на Копачијата и селата на Бржданска (Беличка) Река, дел од масивот на Илинска и Плакенска Планина. Веливрв e највисокиот врв на оваа планина, којшто со своите 1535 метри надморска височина пружа одличен поглед на Кичевската Котлина и масивот Челоица-Песјак на исток, Баба Сач, Бушева

Планина и Лубен на југоисток, Илинска на југ, Стогово на запад, Бистра на север.

Акцијата започнува од с. Брждани, движењето се одвива по маркирана планинарска патека, која поминува низ дабова и букова шума.
Должина на патеката: 7 км (враќањето се одвива по истата патека, вкупна должината на патеката во двата правца изнесува 14 км)
Висинска разлика: 680 метри.

– Потребна опрема: планинарски обувки со тврд ѓон, облека според најавата за временска прогноза, очила за сонце, капа/шешир, кабаница, крема за заштита од сонце, планинарски стапчиња.
– Доручекот е од ранец, вода 2 л. (минимум).
*На патеката на едно место има извор на вода, меѓутоа во летниот период можно е да биде пресушен.
ПРОГРАМА

06:30 ч. – собирање на учесниците во Горно Брждани (кај црквата)
06:45 ч. – старт на акцијата
09:00 ч. – пристигнување на групата кај шумската куќарка на Преслоп (1270 м.н.в.), пауза 20 мин.
09:30 ч. – поаѓање кон врвот (со попатни одмори)
11:00 ч. – пристигнување на Веливрв (1535 м.н.в.)
12:00 ч. – поаѓање за назад
15:00 ч. – пристигнување во Горно Брждани и заеднички ручек

ВАЖНО:
ЗАДОЛЖИТЕЛНА ПРИЈАВА ЗА УЧЕСТВО до 16 јули 2025 (среда) со име и презиме и ЕМБГ или број на лична карта за навремено добивање дозвола за движење во шума до подрачната единица на Национални шуми.
Поради забраната за движење во шума секој непријавен, а затекнат на планина сам ја сноси одговорноста.
Лицата од планинарските клубови да достават список на учесници:

Планинарско друштво/клуб: ______________________________________________
Име и презиме / ЕМБГ /
1.
2.
3.
Датум М.П. Планинарско друштво
Доставување на пријавите на е-пошта: [email protected] или во порака на фејсбук-страницата на Планинарско еколошко друштво „Ендорфин”.
Лица за контакт:
Давор 075 668 501
Мирослав 071 511 702
Зоки 077 495 232

НАПОМЕНА
– Секој учесник мора да има соодветна психофизичка подготвеност за искачувањето и учествува на сопствена одговорност
– Учесниците да ги слушаат упатствата на водичите и да ја чуваат животната средина
– Организаторот и водичите имаат право да исклучат учесник пред стартот на планинарската акција доколку не ги исполнува наведените услови и не ја поседува соодветната планинарска опрема за предвидената планинарска акција
– Организаторот и водичите го задржуваат правото на измени на термините и редоследот на акцијата во зависност од временските услови и останатите технички препреки.

Проследете го нивниот фејсбук настан ТУКА

/ПР – Ендорфин

Во рамки на денешниот ден во Кичево се реализира и 11-тата по ред „Мото Парада“ низ кичевските улици, во чест на нашиот празник „Петровден“, именденот на нашата кичевска православна црква Св.Петар и Павле.

Благодарност до БПС-ОВР Кичево за нивниот професионализам и целосната поддршка околу безбедност во сообраќајот, како никогаш до сега беспрекорно ја завршија својата работа, како и до сите учесници, до сите кои со своето присуство оддадоа почит кон празникот, дај боже од година за година да се збираме во уште поголем број!

Благодарност и до „City Caffe“ кој отстапија паркинг место за сите моторџии.

Дидо! 🙌

Вечна традиција!

На 11.07.2025 во 15.45 часот, на магистралниот пат Кичево-Гостивар, кај месноста „Горица“, полициски службеници од Полициската станица за безбедност во патниот сообраќај Кичево, го лишија од слобода албанскиот државјанин С.М.(51), кој на полициските службеници им понудил пари како поткуп со цел, да не преземаат службени мерки против него.

ОВР Кичево, до ОЈО Кичево поднесена кривична пријава, по што С.М. ќе биде изведен пред судија на претходна постапка, за Порта.мк истакна портпаролот на СВР Охрид, Стефан Димоски.