Празничниот „Базар“ кој е поставен на градскиот плоштад во Кичево за сите кичевчани, гости, посетители ја надополнува својата агенда. Имено, на 8-ми јануари (понеделник) ден после Божик свој настап ќе има музичкиот состав „Addicted“, проследен со новогодишни пакетчиња и маскоти. Во вторник на 9-ти јануари на паното пред поставената Божикна пештера ќе настапи маестро Лука Лазарески со своето пијано, 10-ти среда на барање на публиката гостува повторно Владимир Баланс заедно со неговото огнено шоу, 11-ти јануари четврток детски песни и забава за најмладите со маскоти, 12-ти јануари петок ќе настапи КУД „Бисер“ и КУД „Нико Пусоски“. На 14-ти јануари недела ќе се реализира Божикен концерт во НЦУК „Кочо Рацин“

Базарот останува да ги разработува веќе уникатните плетени работи, креативни изработки, ќе има храна, атрактивните велосипеди и Воз, и да напоменеме, организаторите информираат дека собраните средства ќе бидат донирани за хуманитарни цели, додека истакнатата агенда ќе остане таква доколку временските услови тоа го дозволуваат.

Бидете дел!