Огнената стихија во неповрат го однесе и животот на 18-годишниот голман Дамјан Танески од Штип. Уште еден фудбалер им подлегна на повредите здобиени како последица на пожарот во дискотеката.

– Како што пишуваат колегите од МНет, низ својата млада кариера која доправа требаше да се развива и да го чува голот, настапуваше за Мал Ајакс од Штип, беше во младинските категории на скопски Вардар, потоа беше дел од Брегалница и Кит Го од Пехчево“, информира штипската телвизија МНет.

Почивај во мир детенце! 🕊🖤

И Македонскиот фудбал тагува, Андреј Лазаров не издржа. По веста дека се бара, и бил пронајден, па итно хоспитализиран во Болницата во Штип, поради влошување на состојбата на повредите од изгореници и вдишувањето на чад почина младиот Лазаров (25), истакнат член на прволигашот ФК Шкупи. Трагичната вест за јавноста ја потврди неговиот матичен клуб, кој истакна дека и Лазаров учествувал во спасување на останатите, здобивајќи сè со сериозни повреди и задушување.

Ова младо момче вчера го имаше последниот меч против екипата на Пелистер, каде од резервниот состав влезе со дрес бр. 77 во 60-тата минута, да, се прекрсти и влезе во игра, последна игра во својот живот, последни 30 минути во неговиот фудбалски свет.

Почивај во мир, патувај во легендите момче! 🖤

Ах бре убаво дете, сите списоци сите болници баравме за да те најдеме, само да ни кажат дека си тука…

Со неизмерна тага ја примив веста за трагичната загуба на нашиот сограѓанин, Горги Горгиев, кој го загуби својот живот во страшниот пожар во Кочани. Струмица загуби талентиран музичар, пријател и човек со големо срце, кој преку својата музика ширеше радост и емоции.

Во овие тешки моменти, моите мисли и молитви се со неговото семејство, најблиските и сите кои го познаваа и сакаа. Нека почива во мир, а неговата музика и споменот за него вечно да живеат во нашите срца, истакна на својата социјална мрежа градоначалникот на Струмица, Костадин Костадинов.

ФОТО/Извор: Костадин Костадинов (facebook)