Магазин
Apple Intelligence конечно достапен во Европската унија

Apple го објави iOS 18.4 за јавна дистрибуција овој понеделник, малку пред објавениот датум, што официјално им овозможи на корисниците од ЕУ за прв пат да го користат својот систем за вештачка интелигенција.
Ако имате iPhone 15 Pro или еден од моделите од серијата 16 и го користите на еден од главните странски јазици, имаме новости за вас. Apple ги објави iOS 18.4, iPadOS 18.4 и macOS Sequoia 15.4 во јавна дистрибуција овој понеделник навечер, што официјално го направи долгонајавуваниот генеративен систем за вештачка интелигенција Apple Intelligence за првпат достапен за корисниците во Европската унија.
Само на „главни“ јазици
Тој „личен систем за вештачка интелигенција“, кој се изведува најмногу на самите уреди со цел да се заштити приватноста на корисниците, ги исполни сите регулаторни барања и може да биде активен на телефоните и другите уреди на Apple во ЕУ, но не на сите јазици. Apple Intelligence моментално е достапен на италијански, француски, германски и шпански, меѓу јазиците што се користат на нашиот континент, заедно со американскиот и британскиот англиски.
Што вклучува Apple Intelligence?
-
Подобрениот Siri овозможува понапредно разбирање на јазикот и контекстот, како и извршување дејства во повеќе апликации (на пр. додавање податоци во белешки или контакти).
-
Алатките за пишување ви дозволуваат да пишувате, лекторирате и кондензирате текст во апликации како што се Mail, Notes и Pages.
-
Genmoji и Image Playground овозможуваат создавање на сопствени емотикони (Genmoji) и креативни слики (Image Playground) преку текстуални описи или од фотографии.
-
Системот за визуелна интелигенција препознава предмети на снимените фотографии (на пр. тип на куче или работно време на ресторан).
-
Напредното управување со известувања помага да се даде приоритет на важни пораки и создава резимеа на е-пошта и пораки, за да не ги пропуштите најважните во вистинско време.
-
Интеграција со ChatGPT: Иако многу функции за вештачка интелигенција се извршуваат на уредите, некои посложени барања ќе користат и ChatGPT, како што се сумирање на статии или анализа на податоци од фотографии. Корисникот е информиран за ова секој пат.
Новата надградба на iOS донесе и неколку подобрувања за системите за вештачка интелигенција, кои досега никому не му беа достапни, како автоматско истакнување на приоритетните известувања, создавање на нови типови на илустрации во апликацијата Image Playground, додека на Mac овозможува креирање на видео „мемории“ само врз основа на внесен текст промпт.
iOS 18.4 е достапен за моделите на iPhone од верзијата XS па нагоре, а за оние кои не поддржуваат Apple Intelligence, носи голем број безбедносни и квалитетни надградби. Новото ажурирање, исто така, донесе алатки за вештачка интелигенција во слушалките Apple Vision Pro за прв пат. Таму ќе работи само на американски англиски, ќе обезбедува познати генеративни функции но прилагодени за проширена реалност, што веројатно ќе ги задоволи и двајцата активни корисници на тој уред.
Извор: B92
Хороскоп
Хороскоп за вторник (24 јуни)

ОВЕН
Може да очекувате полека, чекор по чекор, успех на деловно поле. Може да се надевате на средба со личноста која ви се допаѓа. Ако сте во врска, задоволни сте. Избегнувајте цигари.
Хороскоп
Хороскоп за понеделник (23 јуни)

ОВЕН
Целото ваше внимание е насочено кон некој семеен проблем. Денес ќе се случи конечната кулминација на сето тоа а добрата вест е дека решението е едноставно и поволно за вас. После големите турбуленции ви пристигнува големо олеснување.
БИК
Ве обзема идеа да започнете некоја приватна работа. Затегнатите односи со шефовите и лошата атмосфера во опкружувањето може да издвои екипа на луѓе со кои е возможно остварување на самостоен бизнис. Не заборавајте дека онаму каде што владее интересот, љубовта и сочувството спијат.
БЛИЗНАЦИ
Конечно ги привршувате заостанатите работи со кои сте се мачеле долго време. Конечно се назира епилог на нешто на кое долго сте работетел. После долго чекање ќе ви годи чувството на мала победа па имате право да си дозволите краткотраен одмор.
РАК
Денот ќе го започнете стресно и со големо незадоволство. Доколку не избегнете непотребни трошоци, можете да западнете во голема финансиска криза. Од попладнето можете да рачунате на позитивни вести и интензивна комунилација со странство.
ЛАВ
Свесни сте дека пред вас е напоред период на речиси сите полиња. Полни сте со енергија и волја а вродениот борбен дух и оптимизам ќе ве направи уште посилни. Иако ќе вложите многу труд, на крајот ќе бидете задоволни со постигнатите резултати.
ДЕВИЦА
Брзи сте но и невнимателни. Поради претераното брзање сте приморани да направите селекција што е важно а што не е. Сепак, со оглед на тоа колку сте се залетале, шансите да направите опасна грешка се минимални. Бидете внимателни особено во сообраќајот.
ВАГА
Чувствувате дека сте професионално доста ценети, а денес ви стигнува и мала потврда за тоа. Паралелно со тоа ќе имате позитивен напредок во семејните односи и тоа додатно ќе ве орасположи. Добрата атмосфера создава миг кога ќе сакате да изнесете се што ви лежи на срце.
ШКОРПИЈА
Внимателно испланирајте го денот и ќе имате прилика да изградите нова деловна стратегија која долгорочно ќе ви донесе резултати на кои ќе бидете доста горди. Насочете се кон работата и семејните односи оставете ги настрана.
СТРЕЛЕЦ
Не се обидувајте да ги спроведете своите замисли во дело, сте избрале погрешен ден. Наместо тоа, прочитајте ја омилената книга и посетете кино или театар. Чувајте се од инфекции и овој ден поминете го во изолација од другите луѓе.
ЈАРЕЦ
Полни сте со енергија толку што не знаете што да правите со неа. Кога немате каде да ја трошите почнете да ја пренесувате тензијата на околината. На удар е саканата личност а знаете дека немате причина за тоа. Со своето однесување можете непотребно да ја нарушите стабилноста на врската.
ВОДОЛИЈА
Пронајдете баланс помеѓу деловниот и семејниот живот. Премногу зборувате за она кое треба да биде ваша интима а тоа може да биде сигнал дека ве мачи некаква грижа на совест. Размислете за тоа пред околината да почне да ве избегнува.
РИБИ
Математички сте го израчунале својот љубовен живот па по ваше мислење не постои шанса нештата да бидат онакви какви што сте ги замислиле. Сфаќате дека не е лесно да го предвидите развојот на случувањата особено ако во односите се вклучени и емоции.
Lifestyle
Што навистина се случува кога кожата ќе изгори од сонце?

Изгорениците од сонце не се само моментално црвенило – тие се знак за длабоко оштетување на кожата. Под површината се случуваат сериозни процеси: воспаление, оштетување на ДНК и зголемен ризик од долгорочни здравствени последици, вклучувајќи и рак на кожа.
Што предизвикува изгореница?
Кога кожата е изложена на силно ултравиолетово (UV) зрачење, особено UVB-зраците, клетките во најгорниот слој (епидермис) доживуваат оштетување. Како реакција, телото започнува воспалителен процес: крвните садови се шират, протекува течност, се јавува црвенило и болка. Ова е природен начин на организмот да сигнализира штета и да започне процес на обновување.
Визуелни и физички симптоми
Лицата со посветла кожа најчесто добиваат јасно црвени изгореници, додека кај оние со потемна кожа, реакцијата може да биде посуптилна – нијанси на кафеава, сива или црна боја. Во потешки случаи се јавуваат плускавци, кои укажуваат на сериозно оштетување на кожните клетки.
Процесот на закрепнување започнува кога имунолошкиот систем испраќа сигнали за обновување: создавање нови клетки и отфрлање на мртвите. Овој процес може да трае неколку дена, зависно од интензитетот на оштетувањето.
Долгорочни последици
Дури и кога симптомите ќе исчезнат, оштетувањето на ДНК може да остане. Ако клетката не ја поправи грешката правилно, може да настанат мутации кои со текот на времето го зголемуваат ризикот од рак на кожа, особено меланом.
Некои истражувања укажуваат дека неколку сериозни изгореници од сонце во текот на животот можат значително да го зголемат овој ризик.
Превенција и заштита
-
Користете крема за сончање со висок заштитен фактор (најмалку SPF 30 или SPF 50), особено кога UV индексот е над 3.
-
Избегнувајте директно сонце во периодот меѓу 10:00 и 17:00 часот.
-
Носете заштитна облека, капа и очила за сонце.
-
Следете го UV индексот преку мобилни апликации за да знаете кога сте во ризик.
-
Нанесувајте доволна количина крема за сончање – повеќето луѓе користат премалку, што значи дека заштитата не е ефективна.
Што помага при изгореници?
Додека многумина користат лосиони за после сончање или алое вера, нивниот ефект е главно во ублажување на непријатноста, не во забрзување на закрепнувањето. Корисни се и ладни облоги, како и аналгетици (ибупрофен, парацетамол) за намалување на болката и воспалението.
Изгореницата од сонце не е нешто минливо – тоа е предупредување од телото. Заштитата започнува со информираност, внимателно однесување и грижа за кожата секој ден кога сте на сонце.
-
Хороскоп1 ден
Хороскоп за понеделник (23 јуни)
-
Македонија11 часа
Ново поскапување на сите горива од ноќеска, ова е новата цена за литар
-
Македонија1 ден
Полицијата за граничен надзор на „Охридско езеро“ со полни раце работа, приведен охриѓанец и албански државјанин поради незаконит риболов и влез во државата
-
Хороскоп51 минута
Хороскоп за вторник (24 јуни)
-
Временска прогноза19 часа
Попоски: Од денес па натаму висок УВ индекс и температури до 40°C
-
Lifestyle2 дена
Што навистина се случува кога кожата ќе изгори од сонце?