Следете не

Магазин

Apple презеде половина од пазарот за продажба на обновени телефони

Објавено пред

на

Продажбата на обновени користени електронски уреди е практика која одамна е вообичаена во светот, но во некои земји како Македонија сè уште не е толку позната

Многу компании, како Apple и Samsung, нудат таканаречени програми за тргување, каде што корисниците добиваат компензација за работните, користени уреди, кои можат да ги користат како попуст при купување на нов уред.

Според аналитичката компанија Counterpoint, Apple ја има најдобро организираната trade-in и “refurbrished” и зазема дури 49 отсто од пазарот во оваа област. Samsung е на второ место со удел од 26%, додека другите компании имаат 17%.

Може да се види дека поголемите кинески компании како Oppo, Viva и Huawei се уште заостануваат во оваа категорија со помалку од 5% удел.

Оваа практика на продажба на користени електронски уреди има позитивен ефект врз животната средина бидејќи ја намалува количината на електронски отпад и потребата за производство на нови уреди.

Исто така, им дава можност на корисниците да заштедат пари при купување на нов уред.

Lifestyle

Кајгана како од хотел: кремаста, богата и совршена со еден едноставен трик

Објавено пред

на

Фотo: Bakd&Raw by Karolin Baitinger @ unsplash

Не мора да одите во скап ресторан за да уживате во совршено кремаста кајгана која се топи во устата. Со малку трпение, добра тава и неколку едноставни состојки, вашиот омилен појадок ќе биде вистинска гозба за непцето.

Состојки (за 2 лица):

  • 5 домашни јајца (по можност свежи од пазар или сосед)

  • 1 лажица путер

  • Малку сол и бибер

  • 1 лажица павлака (или малку млеко, доколку немате павлака)

  • Опционално: ситно сечкан млад кромид, сирење, сланина или дополнителен крем како прилог

Подготовка:
Скршете ги јајцата директно во тавата и додајте го путерот — нема потреба претходно да ги матите. Вклучете го шпоретот на тивко (пример 2 или 3 од 6) и почнете полека да мешате со шпатула или жица за матење. Нежно мешајте без брзање, дозволувајќи јајцата постепено да се згуснат.

Ако смесата почне пребрзо да се готви, тргнете ја тавата на кратко од оган, па вратете ја. Оваа техника, слична како при готвење фил за палачинки, ќе ви обезбеди мек и кремаст резултат.

Кога јајцата се речиси готови, но сè уште малку течни, додадете ја павлаката. Таа не само што го збогатува вкусот, туку и го запира готвењето за да не се пресуши кајганата. На крај, зачинете со сол и бибер по вкус и послужете веднаш.

Совет за сервирање:
Кајганата е одлична со парче свежо печен леб, домат, млад кромид или малку сланина. Лажица крем од страна и чаша кафе или чај ќе го заокружат уживањето.

Мал совет:
Ако подготвувате за повеќе лица, направете го во неколку помали серии за да ја избегнете препекувањето. Кајганата бара внимание и нежност, а најдобра е кога веднаш се сервира на чинија — не ја оставајте во тавата!

Извор: SD

Прочитај повеќе...

Магазин

Крај на една ера: Microsoft се збогува со „Blue Screen of Death“

Објавено пред

на

Фото: Joshua Hoehne @ unsplash

Microsoft објави дека ја укинува легендарната порака за грешка позната како „Blue Screen of Death“ (BSOD), симбол на фрустрација и неизбежен дел од компјутерското секојдневие за генерации корисници. Новиот изглед ќе биде со црна позадина, со цел да се модернизира корисничкиот интерфејс и да се намали стресот при технички прекини.

Зошто промена?
Целта на Microsoft е да го намали времето на застој и да овозможи поедноставно и понеутрално визуелно искуство во моменти на проблеми. Новиот „Black Screen of Death“ ќе биде воведен со ажурирањето Windows 11 24H2 во текот на летото 2025 година. Компанијата најави дека со оваа промена застојот кај повеќето корисници ќе биде скратен на само две секунди.

Историја на BSOD
Синиот екран на смртта постои од почетокот на 1990-тите и стана препознатлив дел од Windows системите. Освен што беше симбол на фрустрација и честа тема на мимови и шеги во ИТ заедницата, BSOD имаше и важна улога — прикажуваше кодови за грешки што им помагаа на техничарите да ги дијагностицираат проблемите.

Довербата во BSOD дополнително се наруши во јули 2024 година, кога неуспешно ажурирање од компанијата CrowdStrike предизвика глобален бран на падови на системи, со сини екрани што ги преплавија деловните и јавните инфраструктури ширум светот.

Промена на тонот
Microsoft сега се обидува да го смени тонот и изгледот на критичните грешки. Новиот црн екран треба да изгледа технички понеутрално и да биде во согласност со дизајнерските насоки на Windows 11. Ова е дел од поширока стратегија за модернизација на системот и намалување на непотребниот стрес кај корисниците при појава на грешка, пренесува CNBC.

Со ова, завршува една ера во дигиталната историја на Windows корисниците — ера што беше обележана со сини екрани, но и со брзи технички решенија и дијагностички алатки. Потсетување: на 5 мај 2025 година, Microsoft го исклучи и Skype, уште еден симбол на интернет комуникацијата кој го обележа почетокот на новиот милениум.

Извор: Blic

Прочитај повеќе...

Магазин

iOS 26: Ова се iPhone моделите што добиваат надградба

Објавено пред

на

Фото: Bagus Hernawan @ unsplash

Apple на својот годишен настан WWDC 2025 официјално го претстави iOS 26 — новата верзија на оперативниот систем која носи свеж визуелен стил наречен „Liquid Glass“ (Течно стакло). Со овој модерен и унифициран дизајн, интерфејсот на iPhone ќе добие уште поголема усогласеност со остатокот од Apple екосистемот.

Како и секоја година, iOS 26 прво ќе биде достапен како бета верзија за програмери, а наскоро потоа и како јавна бета за поширок круг корисници. Со оваа верзија Apple завршува софтверска поддршка за дел од постарите модели.

Кои iPhone модели добиваат iOS 26?

Новиот iOS 26 ќе биде достапен за следните уреди:

  • iPhone 16e

  • iPhone 16

  • iPhone 16 Plus

  • iPhone 16 Pro

  • iPhone 16 Pro Max

  • iPhone 15

  • iPhone 15 Plus

  • iPhone 15 Pro

  • iPhone 15 Pro Max

  • iPhone 14

  • iPhone 14 Plus

  • iPhone 14 Pro

  • iPhone 14 Pro Max

  • iPhone 13

  • iPhone 13 mini

  • iPhone 13 Pro

  • iPhone 13 Pro Max

  • iPhone 12

  • iPhone 12 mini

  • iPhone 12 Pro

  • iPhone 12 Pro Max

  • iPhone 11

  • iPhone 11 Pro

  • iPhone 11 Pro Max

  • iPhone SE (втора генерација и понови)

Кои модели остануваат без поддршка?

Со iOS 26, Apple ја завршува поддршката за следните постари модели:

  • iPhone X

  • iPhone XS

  • iPhone XS Max

  • iPhone XR

Овие модели, лансирани меѓу 2017 и 2018 година, веќе нема да добиваат понатамошни ажурирања на софтверот.

Што да очекувате од бета верзијата?

Бета верзиите на iOS 26 се наменети за тестирање и може да содржат грешки, нестабилности и функции што сè уште не се целосно оптимизирани. Apple ги користи повратните информации од корисниците за да ги реши овие проблеми пред финалното издание. Финалната верзија ќе биде постабилна, но како и секогаш, можни се ситни пропусти кои ќе се отстрануваат со следни ажурирања.

Извор: Benchmark

Прочитај повеќе...

Facebook

Последни објави

Lifestyle6 часа

Кајгана како од хотел: кремаста, богата и совршена со еден едноставен трик

Не мора да одите во скап ресторан за да уживате во совршено кремаста кајгана која се топи во устата. Со...

Магазин6 часа

Крај на една ера: Microsoft се збогува со „Blue Screen of Death“

Microsoft објави дека ја укинува легендарната порака за грешка позната како „Blue Screen of Death“ (BSOD), симбол на фрустрација и...

Магазин6 часа

iOS 26: Ова се iPhone моделите што добиваат надградба

Apple на својот годишен настан WWDC 2025 официјално го претстави iOS 26 — новата верзија на оперативниот систем која носи...

Временска прогноза11 часа

Викенд метео вести: Еве какво време ни претстои денес и утре

Под влијание на стабилна и на посвежа воздушна маса од север, викендов (сабота и недела 28 и 29 јуни) во...

Хороскоп18 часа

Хороскоп за сабота (28 јуни)

ОВЕН Пред вас е поволен период доколку имате во план некои нови потези на работно поле. Имате проблеми со саканата...

Временска прогноза1 ден

Доаѓа дожд према нашиот регион, ова се последните метео вести

Поради прилив на поладен воздух од север на висина, денес (петок 27 јуни) во попладневните  и во вечерните часови во...

Кичево1 ден

Предмалку случена сообраќајка во близина на с.Извор кичевско, правец Кичево-Охрид

Предмалку се случила сообраќајна несреќа на патот Кичево-Охрид во близина на с.Извор. Од информации од терен дознаваме дека сообраќајот бил...

Автомобили1 ден

Перу прва во светот со старосна граница за возачки дозволи: по 80-тата година нема обновување

Перу стана првата земја во светот што воведе старосна граница по која возачите повеќе нема да можат да ја обновуваат...

Магазин1 ден

Дали е штетно батеријата да се полни неколку пати на ден?

Не, честото полнење на телефонот не е штетно – напротив, полнењето во пократки интервали може да помогне батеријата да трае...

Lifestyle1 ден

Палачинки со тиквички – брз, евтин и идеален летен оброк

Сезоната на тиквички секоја година нè радува бидејќи нуди безброј решенија за брзи и лесни летни оброци. Палачинките со тиквички...

НАЈЧИТАНИ