Кичево
Арсоска и дечињата преку „Little Eco Footprints“ со низа работилници и работна акција во дворот на „О.У. Кузман Јосифоски-Питу“

Месецов на ден 04.06 и 05.06.2021 година се реализираа низа работилници и работна акција во дворот на кичевското „О.У. Кузман Јосифоски-Питу“, како дел од проектот „Little Eco Footprints“ имплементиран од страна на LEAD стипендистката Елена Арсоска од Кичево, додека истиот финансиски поддржан од проектот на „УСАИД“ за граѓанско учество. Едукативната програма беше со тема „Заштита на животната средина, намалување на глобалното затоплување и климатските промени“.
Во текот на работната акција во училишниот двор беа засадени црвени буки, борчиња и повеќегодишни цвеќиња како донација од страна на компаниите „Пакомак“ и „Вардар Доломит“.
Прекрасно е чувството да се сподели една ваква племенита иницијатива инспирирана и имплементирана од млади лидери-кичевчанчиња во нашето општество – на кратко додаде Елена и ветува дека во иднина ќе ги има многу често ваквите акции во најразлични теми.
Во прилог галерија од одржаниот настан:
[Best_Wordpress_Gallery id=”48″ gal_title=”Засади-Дрво”]
Кичево
Кичевското архиерејско намесништво истакна соопштение по повод „Духовденска задушница“

Кичевското архиерејско намесништво ги известува своите верни чеда дека на ден 06.06.2025 година (петок) во 14⁰⁰ часот, во градскиот храм „Свети апостоли Петар и Павле“ – Кичево, ќе се изврши општ Парастос (опевање) за упокоените наши браќа и сестри во Христа Господа. Секој што сака да направи спомен за упокоените треба да донесе варена блага пченица, црвено вино и лепче од пченично бело брашно за да се отслужи оваа служба.
Другиот ден, на самиот ден Задушница, 07.06.2025 година (сабота), започнувајќи од 08⁰⁰ часот наутро, свештениците ќе ги посетат старите и новите градски гробишта, па кој не дошол во петокот во храмот, тоа може да го направи во саботата на гробовите на своите упокоени. Исто така, и на гробовите да се има варена блага пченица, црвено вино и лепче од пченично бело брашно и да се покаже трпение додека не помине свештеникот секаде каде што треба, бидејќи трпението е една христијанска добродетел која е покажување на љубов, но и којашто ќе се прифати и како милост за упокоените. ПАРЦЕЛИТЕ, пак, 6 и 7 кај новите градски гробишта ќе бидат посетени за отпевање после 09³⁰ часот наутро (тоа се новите парцели), а најновата парцела 8 ќе биде посетена после 10⁰⁰ часот. Така што убаво би било да се запази времето, а ако поради некоја причина свештеникот се задржи некоја минута плус, да не се негодува, туку да се има разбирање.
Сакаме да напоменеме уште и тоа: Задушница е општиот ден посветен на упокоените, кога се спомнуваат сите наши роднини и пријатели кои починале во благочестива вера и со надеж во сеопштото воскресение, па оттаму произлегува и благословот даден од страна на Црквата за вечно спомнување – „Вечнаја памјат“ (Вечен спомен). Овој ден е даден за да се сетиме на сите луѓе кои биле на земјата, а останале живи во Бога по својата смрт, затоа што „Бог не е Бог на мртвите, туку на живите, зашто во Него се сите живи“ (Лука 20,38).
Оние кои не се починати со достоинство, по благослов на свештеник, секој може да си ги спомне дома во своите секојдневни молитви за упокоени, а во таа група спаѓаат: некрстени, отпадници од Православната Христова вера и Црква, јавни Божји хулители и хулители на Црквата и самоубијци. Тоа е така, затоа што тие самите, по својата сопствена волја се оддалечиле од „Патот, Вистината и Животот“ (Јован 14,6), па не се спомнуваат на сите црковните служби, па дури и на Божествената Литургија.
Во однос на храната, пак, којашто се остава на гробовите, подобро е да се однесе на некој кој нема да јаде, отколку да си правиме меѓусебно раздавање. Таа храна не е „за да им се најде на тие кои се упокоиле“, туку е милост за прошка на гревовите за починатиот, но и за растење на нас во добродетелите. Објаснувајќи им го тоа на првите христијански заедници, свети апостол Павле вели: „царството Божјо не е јадење или пиење, туку правда и мир и радост во Светиот Дух“ (Рим. 14,17).
Нека Човекољубивиот, Седобриот и Милостивиот Бог ги спомне нашите упокоени ближни, кои се упокоиле со надеж во воскресение и живот вечен, во Своето царство на Отецот, Синот и Светиот Дух, постојано, сега, секогаш и во вечни векови, стои во соопштението на Кичевската парохија кое ви го пренесуваме во целост.
Амин!
Вечен им спомен!
Кичево
(ФОТО) ТППЕ Кичево: Се гаси дива депонија зад „Стара централа“

Дива депонија уште беснее во Кичево, во близина на местото викано „Стара централа“, односно непосредно до кичевското село Србјани.
Четворица пожарникари и возила на ТППЕ Кичево сеуште ја гасат огнената стихија.
Како што добивме инфо, пријавата за пожарот е добиена околу 18ч денес, по што веднаш се интервенирало.
Кичево
ТППЕ Кичево вечерва спречи поголем пожар на дива депонија помеѓу кичевските села Мидинци и Зајас

Пожар избувнал во 19:08 часот на дива депонија помеѓу селата Мидинци и Зајас (општина Кичево), што предизвикал ширење на оганот кон ниска вегетација и деградирана шума.
Благодарение на брзата координација со Територијалната противпожарна единица Кичево истиот бил изгаснат за кратко време, предмалку информираше за јавноста – ЦУК.
-
Хороскоп2 дена
Хороскоп за четврток (5 јуни)
-
Хороскоп18 часа
Хороскоп за петок (6 јуни)
-
Кичево21 час
(ФОТО) ТППЕ Кичево: Се гаси дива депонија зад „Стара централа“
-
Кичево4 часа
Кичевското архиерејско намесништво истакна соопштение по повод „Духовденска задушница“
-
Спорт2 дена
ФФМ на дечињата кои учествуваа во финалниот турнир во „Детската лига“ ќе им овозможи бесплатно да го следат мечот Македонија-Белгија од трибините на „Тодор Проески“
-
Македонија7 часа
СВР Охрид: Армијата на Република Македонија ќе реализира тактичко-технички активности
-
Македонија24 часа
На граница кај бугарин во возило пронајдени биле електрошок и солзавец, бил веднаш лишен од слобода
-
Скопје1 ден
За еден ден во Скопје изречени 180 мерки во областа на сообраќајот