Временска прогноза
Баравме лето и сонце, тука е пред нас, топлотниот бран долго ќе се задржи на наше тло..

Според нашата алатка за рана најава на временски непогоди “NOTHAS”, временските непогоди кои вчера и денес го погодија регионот и не се неочекувани, иако ги изненади тамошните метеоролози. Оваа наша алатка уште пред неколку денови ги предвиде овие временски непогоди со екстремно ниво 4, локално и максимално ниво 5. “NOTHAS” беше сосема и до час прецизен за временската непогода која вчера рано наутро го зафати Загреб, во Хрватска.
Во Унгарија пак фронталниот систем услови и Суперќелијски облаци, а постои опасност и од појава на Торнада.
Кај нас во Македонија и понатаму продолжува екстремно топлиот Африкански бран. Продолжува периодот на стабилно, суво и сончево време со екстремно висок Ув индекс (коефициент 10). Токму поради ова апелираме граѓаните без потреба да не излегуваат во најтоплиот дел од денот (од 11 до 17 часот).
Максималните температури во следните најмалку шест до седум денови во поголемиот дел од државава ќе надминуваат 35 степени, а во најтоплите централни и југоисточни предели тие ќе надминуваат и 40 степени, односно максимумот на температурата таму локално ќе се искачи дури до 43 степени. Преку ноќите и во раните утрински часови температурата особено во централните, југоисточните предели, како и во Скопската котлина нема да се спуштат под 20 степени, што значи очекуваме “Тропски ноќи”.
НАПОМЕНА: Горе наведените очекувани максимални температури на воздухот ќе се мерат под сенка, додека на сонце тие ќе бидат многу повисоки и локално ќе се искачуваат дури над 50 степени, вели Славчо Попоски
Временска прогноза
Од понеделник повторно нашата територија под влијание на циклонска активност која носи обилен дожд и електрични празнења

Под влијание на циклонска активнот со центар над Медитеранот, од понеделник (21 април) па се до самиот крај на следната седмица (недела 27 април) во Македонија ќе има честа појава на врнежи од дожд, кои на повеќе места ќе бидат поројни и проследени со појава на грмежи. Локално пак, процесите ќе бидат во форма на невреме проследено со обилен пороен дожд, засилен ветер, електрични празнења и со услови за појава на град.
И во Скопје и околината во текот на следната седмица ќе има честа појава на повремен дожд, кој во делови од котлината повремено ќе биде пороен и проследен со грмежи, како и со засилен ветер во зоната на нестабилност. Температурите и покрај ова нема многу да се менуваат во однос на оние кои ги имаме сега, што значи ќе бидат пролетни, до рано – летни.
Да напоменам дека за време на овој влажен период, локално ќе наврне значително количество на воден талог (над 50 литри на метар квадратен дожд). Поради ова, можно е ново зголемување на нивоата на реките и на езерата во Македонија, а можни се и локални поплавувања.
Исто така, апелирам, во случај на појава на невреме и на електрични празнења, да се избегнува претстој на отворено како и под осамени дрвја. Во случај на појава пак на силен ветер, граѓаните да внимаваат каде ги ставаат своите автомобили, односно истите да не бидат во близина на дрвјата, предмалку истакна Славчо Попоски
Временска прогноза
Времето за најголемиот христијански празник „Велигден“ ќе биде стабилно и сончево

За време на најголемиот Христијански празник (Воскресение Христово, Велигден) ќе имаме стабилно, суво и сончево време со мала до умерена локална облачност. Ќе дува слаб до умерен ветер од јужен правец.
И во Скопје за Велигден времето ќе биде стабилно, суво и сончево со мала до умерена облачност. Ќе дува слаб до умерен ветер од јужен правец.
Што се однесува до температурите, тие ќе бидат рано летни, и тоа поради влијанието на топлата воздушна маса од југ. Максималните дневни температури за време на овој најголем Христијански празник ќе се искачуваат во интервалот од 20 до 29 степени.
Во Скопје и околината максималната дневна температура на воздухот ќе се искачи до околу 27 степени.
Убавото време за Велигден искористете го максимално, и уживајте во празничниот сончев и топол викенд кој ни доаѓа, истакна Славчо Попоски
Временска прогноза
Според најновото метео ажурирање следува доста нестабилно време, ова се информациите

Во текот на оваа работна седмица во Македонија следува период на променливо време со повремени локални врнежи од дожд, повремено и локално поројни и проследени со грмежи. Ќе дува умерен, повремено засилен ветер од јужен и од југоисточен правец.
И во Скопје и околината следува период на променливо бреме со услови за појава на повремен локален дожд, повремено пороен и со услови за појава на грмежи. Ќе дува умерен, повремено засилен ветер од јужен и од југоисточен правец.
Сето ова е поради влијанието на циклонската активност (поле со низок возушен притисок) со потекло од западна Европа, а потоа и над Џеновскиот Залив.
Сепак, и покрај ова останува топло времето, односно со пролетни температури на воздухот кои преку ден на многу места ќе се искачуваат до близу, или околу 20 степени.
На повеќе места тие ќе надминуваат и 20 степени, а во Повардарието и во југоисточните предели тие повремено ќе се искачуваат и до околу 25 степени, а повремено истите би можеле да надминуваат и 25 степени.
Во Скопје и околината во текот на оваа работна седмица останува пролетно топло со температура која ќе надминува 20 степени.
Да напоменам дека поради изразеното јужно воздушено струење, оваа работна седмица од Сахара кон нашата Република Македонија ќе се врши транспорт на прашина и песок, па така и Атмосферата ќе биде позаматена, а времето ќе биде помачно и поспарно, вели Славчо Попоски
-
Кичево2 дена
Трагична сообраќајка со жртви кај кичевската месност „Сеферов бунар“
-
Кичево2 дена
Сообраќајна несреќа предмалку се случила на магистрален пат Кичево-Гостивар во близина на с.Зајас
-
Кичево1 ден
СВР Охрид со детали за стравичната сообраќајка во Кичево која одзеде три животи
-
Хороскоп2 дена
Хороскоп за сабота (19 април)
-
Хороскоп13 часа
Хороскоп за недела (20 април)
-
Македонија2 дена
Возел мотор без возачка и со сообраќајна од друг мотор со измината важност
-
Временска прогноза16 часа
Од понеделник повторно нашата територија под влијание на циклонска активност која носи обилен дожд и електрични празнења
-
Социјални мрежи20 часа
Инстаграм има нова функција која се нарекува „Blend“ нејзината цел е да го направи гледањето и споделувањето на содржината на „Reels“ уште позабавно.