Временска прогноза
Топлотниот „тропски“ бран кој ја зафати нашата држава следната седмица би можел да донесе рекордни температури, ова се деталите..

Опасниот топлотен Африкански бран кој ја зафати нашата држава, но и повеќе делови од европа, следната седмица кај нас би можел да донесе рекодни температури на воздухот но и голема суша. Во следните дестина денови нема никаква најава за врнежи и освежување на времето, и ќе има многу сонце, а Ув индексот ќе има екстремно висока вредност (10).
Температурите ќе бидат далеку над просекот и во најголем дел од Македонија ќе надминуваат 35 степени, а локално и над 40 степени. Да напоменеме дека кон крајот на следната седмица, барем според сегашните изгледи, температурите особено во централните и во југоисточните предели би можеле да се искачат до рекордни 46, 47 степени. Оваа состојба будно ќе ја следиме и за секоја ново – настаната временска состојба граѓаните навремено ќе бидат информирани.
Преку ноќ пак температурите особено во Скопје, како и во централните и во југоисточните предели нема да се спуштаат под 20 степени, тоа значи дека пред нас се “Тропски ноќи”.
Апелираме поради екстремно топлото време, но и поради екстремно високата вредност на Ув индексот, граѓаните без потреба да не излегуваат во најтоплиот дел од денот (од 11 до 17 часот).
Во Скопје максималните температури во текот на следните денови ќе се искачуваат во интервалот помеѓу 36 и 39 степени.
НАПОМЕНА: Горе наведените максимнални температури на воздухот ќе се мерат под сенка, додека на сонце тие ќе бидат многу повисоки, и локално ќе се искачуваат над 50 степени, а понекаде можно е дури и до околу 60 степени, за порта.мк пишува Славчо Попоски
Временска прогноза
Месечна метео анализа за октомври, потопло и со помалку врнежи од дожд

Оваа година месец октомври ќе го поминеме во знакот на потопло време, но и со помалку врнежи, што значи дека температурите ќе бидат натпросечно високи, а врнежите ќе бидат под просекот.
Сепак повремено може да се очекува прилив на поголем влажен воздушен бран кој би условил и поинтензивни врнежи од дожд.
Се на се, така нареченото “Мини лето” ќе продолжи и во текот на овој месец, а вие ваквото прекрасно време максимално искористете го за правење на зимница.
Температурите во следните денови наутро ќе бидат пониски и на повеќе места ќе се спуштаат до околу, па и под 10 степени. Максималните дневни температури на воздухот ќе се искачуваат во интервалот од 22 до 28 степени.
Во Скопје наутро температурата ќе се спушта во интервалот помеѓу 9 и 13 степени, а максималната дневна температура ќе се искачува во интервалот помеѓу 24 и 27 степени.
Првичните анализи пак за зимата 2023/2024 укажуваат на тоа дека ќе имаме повеќе врнежи од снег, но ќе биде и постудена за разлика од изминатите години.
Напомена: Долгорочните анализи и не се баш прецизни, и ние ваквите анализи ги користиме како за резерва, за најпрецизни анализи, најдобро е граѓаните да ги следат нашите пократкорочни анализи на времето, кои се многу попрецизни, за Порта вели Славчо Попоски
Временска прогноза
Месец октомври без дожд, но со посвежи утра, вообичаени за есенскиот дел од годината

Пред нас е еден долг период на сушно и стабилно време, иако повремено и локално можна е појава на многу слаб дожд (ништо посебно). Наутро температурите остануваа пониски и ќе биде свежо, кога на повеќе места ќе се спуштаат до околу, па и под 10 степени, а во најтоплите централни и југоисточни предели тие ќе се спуштаат до околу 15, 16 степени.
Во Скопје очекуваме случно време, пријатно топло преку ден и релативно свежо наутро.
Максималните дневни температури на воздухот ќе се искачуваат во интервалот од 22 до 29 степени, а пад на истите за неколку степени се очекува од 6 октомври. Тогаш утрата барем одсега гледано ќе бидат уште посвежи, но и понатаму ќе продолжи сувиот период без врнежи.
Октомври месец оваа година би можел да биде многу сушен во нашиот дел од Европа. Секако ние ќе ги следиме континуирано работите и развојот на времето, и навремено ќе информираме за секоја ново – настаната временска состојба кај нас и пошироко во регионот, пишува Славчо Попоски
Временска прогноза
Пред нас период на топли есенски денови, ова се сите информации..

Во деновите кои се пред нас ќе имаме претежно стабилно, суво и сончево време со умерена облачност. Повремено и локално ќе има повеќе облачност, а ќе има услови и за сосема слаб и локален дожд.
Ќе биде пријатно топло преку ден, што значи дека температурите на воздухот ќе бидат околу просекот за овој период од годината.
Наутро ќе биде релативно свежо со минимални температури на воздухот кој ќе се спуштаат во интервалот од 8 до 16 степени, а особено во Малешевијата тие ќе се спуштаат до околу 5 степени. Максималните дневни температури на воздухот пак ќе се искачуваат во интервалот од 22 до 29 степени.
Во Скопје и околината наутро температурата ќе се спушта во интервалот помеѓу 10 и 12 степени, а максималната дневна температура ќе се искачува во интервалот помеѓу 26 и 27 степени.
Да напоменеме дека и во следниот период ќе дува ветер од северен и од североисточен правец, и истиот повремено ќе засилува на интензитет.
И во првите денови од месец Октомври ќе имаме „Мини лето“ со пријатни температури на воздухот преку ден, а вие овие денови максимално искористете ги за уживање, или пак за правење на зимница, пишува Славчо Попоски за Порта.мк
-
Хороскоп2 дена
Хороскоп за сабота (30 септември)
-
Хороскоп16 часа
Месечен Хороскоп (октомври 2023)
-
Временска прогноза2 дена
Месец октомври без дожд, но со посвежи утра, вообичаени за есенскиот дел од годината
-
Скопје1 ден
Посебен режим на сообраќај во недела во град Скопје поради одржување на „Скопски маратон 2023“
-
Македонија1 ден
(ФОТО) Превентивни активности на МВР за безбедна ловна сезона, заштита од пожари и безбедност во сообраќајот
-
Спорт2 дена
Извлечени паровите за воведното коло на новата натпреварувачка сезона во футсал
-
Спорт2 дена
(ВИДЕО) Барселона ја совлада Севиља благодарение на автоголот на Рамоз и се врати на првото место во Примера
-
На денешен ден2 дена
На денешен ден – 30 септември