Следете не

Спорт

Барди и Костадинов: Подготвени сме за најголемиот предизвик, се чувствуваме одлично!

Објавено пред

на

Македонската репрезентација се наоѓа во Букурешт, каде што ги одработува последните подготовки пред настапот на Европското првенство.
Нашата репрезентација се наоѓа во групата Ц заедно со селекциите на Холандија, Австрија и Украина. Првиот натпревар избраниците на селекторот Игор Ангеловски го играат на 13. јуни против Австрија со почеток од 18:00 часот.

Енис Барди, фудбалерот на шпански Леванте се чувстува одлично по десет дневната изолација и вели дека тој и неговите соиграчи извлекле голема поука од натпреварот со Австрија во Скопје и поразот од 4:1. Уверен е дека нема да ги повторат истите грешки.

  • „Пред се би сакал да се заблагодарам многу на селекторот, моите соиграчи и федерацијата за поддршката што ја добив додека бев во изолација. Беше тешко, но се помина во најдобар ред. Не чувствувам никакви проблеми, се е во најдобар ред, подготвен сум и физички и психички за Европското првенство. Со нетрпение го очекувам стартот на ова првенство, сите сме максимално фокусирани на првиот натпревар против Австрија, селекција која ни е многу добро позната. Тоа што го постигнавме со селекцијата до 21 година во Полска е нешто незаборавно, но овој настап и овој турнир е нешто сосема различно. Не се чувствуваме како аутсајдери, тоа го докажавме и покажавме на претходните натпревари. На ова Европско првенство ќе потврдиме колку навистина вредиме како тим. Ми претставува огромна чест што сум дел од оваа генерација која успеа да оствари историски успех, пласман на едно Европско првенство. Ќе дадам се од себе на секој натпревар, а на селекторот е да одлучи дали ќе играм од почеток. Треба да бидеме максимално концентрирани на секој натпревар и во текот на сите 90 минути”, вели Енис Барди.

Тихомир Костадинов, фудбалерот од средниот ред на Македонија вели дека нашата селекција има квалитет и ќе се обиде да го покаже тоа на секој натпревар.

  • „Последните два контролни натпревари на националната арена, посебно мечот со Казахстан се одлична увертира за претстојното првенство. Овие две недели ги искористивме на најдобар можен начин што подобро да се подготвиме за натпреварот против Австрија. Секој меч на ова првенство ќе биде тежок, ова за нас претставува огромен предизвик, бидејќи ни е прво Европско. Ги знаеме нашите квалитети, подготвени сме, ќе атакуваме на победа на секој натпревар. Најмногу жалам што нема да бидат исполнети целосно стадионите, но имајки ја предвид целата ситуација последните година и пол, добро е и ова што ќе имаме одреден процент на публика. Се надеваме на голема поддршка од нашите навивачи и знаеме дека ќе не бодрат на целото првенство. Оваа репрезентација има голем напредок во однос на последната пресметка со Австрија. Расте самодовербата кај нас играчите, селекторот и целиот стручен тим. Ни одговара тоа што не сметаат за аутсајдери на ова првенство, тоа нас ни оди во прилог, опуштени сме, не чувстуваме никаков притисок. Оваа репрезентација поседува квалитет, на секоја репрезентација ќе и биде тешко да игра против нас”, вели Тихомир Костадинов.

Спорт

(ФОТО) Како реакцијата на капитенот Симон Кјер играч на Милан го спаси од трагедија младиот Ериксен

Објавено пред

на

Со години ќе се зборува за ужасните сцени од стадионот Паркен. Кога играчот од средниот ред на данската репрезентација, Кристијан Ериксен, падна на тревата и ја изгуби свеста, малкумина на натпреварот очекуваа дека тоа ќе се случи, повеќето репрезентативци во шок ја следеа борбата за живот на играчот од средниот ред на Интер, но капитенот на Данска, Симон Кјер прерасна во вистински херој.

Токму дефанзивецот на Милан, со навремена реакција, го спречи Ериксен да го гризне јазикот во несвесна состојба. Го стави во вистинската позиција, а потоа го организираше и остатокот од тимот. Данската репрезентација изгради жив ѕид околу Ериксен, така што медицинската служба ќе има простор за реанимација.

Кјер имаше доволно храброст да и пријде на подобрата половина на Кристијан Ериксен.

– Во меѓувреме, големиот Лукаку својот гол за Белгија го посвети токму на Ериксен, извикувајќи „Крис Те Сакам!“

ФОТО: EPA

Прочитај повеќе...

Спорт

(ВИДЕО) Издржи Ериксен, целиот светски фудбал е со тебе!

Објавено пред

на

Натпреварот помеѓу Данска и Финска е прекинат во 43. минута поради драматична сцена на теренот, откако фудбалерот на Интер, Кристијан Ериксен изгуби свест и падна на тревникот.

Ериксен според светските спортски вести кои засега не се потврдени како официјални, тој се бори за својот живот.

Прочитај повеќе...

Спорт

Сејдини со фантастичен интегрален текст посака среќа и успех: „Самоуверена, моќна, храбра, оптимистична. Ваква Македонија сакаме момци!“

Објавено пред

на

А, таква беше годината. Некои ќе кажат неправедна, за македонскиот фудбал историска. Некои ќе кажат тажна, за македонскиот фудбал величествена. За некои ужасна и трагична, за македонскиот фудбал неповторлива. За повеќето од нас, година на борба. За македонскиот фудбал година на гордост и слава. На заедништво.

Некои приказни едноставно подобро се раскажуваат ако започнеме од крајот! Победивме бидејќи си рековме себеси дека сме победници. Македонската фудбалска репрезентација се пласираше на Европското првенство.

Бидете горди. Затоа што ова е време кога македонските фудбалски великани одат по земја. Никогаш досега македонскиот фудбал не доживеал таква експлозија. Тие емоции од Грузија со ништо дотогаш не можат да се споредат. Беа искрени и едноставно доаѓаа од целата наша држава како реакција на сѐ она што во годините наназад ни се случуваше во фудбалот.

Таа колективна екстаза и во време на здравствена епидемија доведе до тоа на скопските улици за прв пат да се скандираат имињата на македонските фудбалери. Во ова наше општество на невозможни институции и Македонци и Албанци и Турци и Роми се обединети кога е во прашање фудбалската репрезентација. Тоа треба да ни биде пример за начинот на кои сите треба да се однесувааме.

Во победа или пораз – таква Македонија сакаме. И не само фудбалска. Никогаш не сме биле Европски прваци. Но, никогаш во своите глави не сме биле поблизу до тоа чувство од овие денови пред Европското првенство.

И што и да се случи, ова чувство и оваа наша моќ никој не може да ни ја одземе. Ниту оваа фудбалска Македонија. Самоуверена. Моќна. Храбра. Оптимистична. Ова е победа за сите кои барем еднаш во животот го облекле дресот на Македонија. И сите имаат заслуга за овој историски момент. Од првиот до последниот.

Како Фудбалска федерација на Македонија сме сигурни дека фудбалерите и на натпреварите од Европското првенство ќе дадат се од себе за да го вивнат македонскиот фудбал во нови височини и одново да покажат дека припаѓаме меѓу најдобрите во Европа.

А, ние ќе бидеме заедно со нив и заедно со многубројните фанови и целокупната јавност и од срце ќе ги бодриме. Истовремено веруваме, се надеваме и посакуваме дека нашите фудбалери со својата игра и залагање ќе не исполнат со радост и гордост.

Ние сме мала држава, но имаме големи соништа.

Столе, Ристе, Дамјан, Висар, Егзон, Кире, Стефан, Дарко, Ѓоко, Езџан, Енис, Аријан, Бобан, Стефан, Елиф, Тихо, Даниел, Марјан, Ферхан, Дарко, Горан, Иван, Милан, Аце, Крсте, Влатко…уживајте, давајте се од себе, па што биде.

Напред Македонија!

Прочитај повеќе...

Facebook

Последни објави

СкопјеПред 29 минути

253 сообраќајни прекршоци во Скопје, 56 санкционирани возачи на мотоцикли

Министерството за внатрешни работи во текот на вчерашниот ден (12.06.2021) продолжи со засилените акциски контроли во областа на сообраќајот. На...

На денешен денПред 9 часа

На денешен ден – 13 јуни

323. п.н.е. – Александар III Македонски (Александар Велики), еден од најголемите воени водачи во светската историја, почина во Вавилон. Неговите...

СпортПред 11 часа

(ФОТО) Како реакцијата на капитенот Симон Кјер играч на Милан го спаси од трагедија младиот Ериксен

Со години ќе се зборува за ужасните сцени од стадионот Паркен. Кога играчот од средниот ред на данската репрезентација, Кристијан...

ХороскопПред 11 часа

Хороскоп за денес -( 13 јуни )- недела

ОВЕН Не следете ја интуицијата кога станува збор за стари проблеми или негодувајте се од луѓе кои не го направија...

ХранаПред 12 часа

Намирници за јадење и пиење на кои пишува дека се диетални, но всушност не се, еве повеќе детали..

Само затоа што на храната пишува дека се диетални, не значи секогаш дека се и такви. Таквата храна не гарантира...

МакедонијаПред 15 часа

Денес 21 нов случај на Ковид-19, од Кичево повеќе дури од Скопје – 6 новозаболени

Во последните 24 часа се направени 4.370 тестирања, а регистриран е 21 нов случај на КОВИД-19 од: • Кичево –...

СпортПред 15 часа

(ВИДЕО) Издржи Ериксен, целиот светски фудбал е со тебе!

Натпреварот помеѓу Данска и Финска е прекинат во 43. минута поради драматична сцена на теренот, откако фудбалерот на Интер, Кристијан...

АвтомобилиПред 20 часа

Што да направите доколку го изгубите сигурносниот клуч за бандажи

Многу возачи користат сигурносни завртки против кражба на тркало. Омилена цел на крадецот се тркалата со алуминиумски тркала од поскапи...

МагазинПред 20 часа

Одлична видео-ризница кај домаќинот Влатко Миладиноски и градот Кичево со екипата на „Мастраф Муабет“

Екипата на „Мастраф Муабет“ гости во Кичево, кај нашиот естраден уметник Влатко Миладиноски кој се покажа како одличен домаќин и...

КичевоПред 22 часа

Од денес започнува со работа „Check Burger“, место каде ги има највкусните бургери во Кичево и пошироко

Ново во градот! Официјално ви го претставуваме „Check Burger“, место каде од денес ќе можете да ги вкусите неодоливите и...

НАЈЧИТАНИ