Спорт
Без забелешки за судиите од првата македонска фудбалска лига, додека во ВМФЛ има погрешна проценка на главниот судија на мечот „ФК Детонит“ против „ФК Осогово“
Судиска комисија ги разгледа спорните моменти од 11. коло на ПРВА МФЛ и ги донесе следните заклучоци:
На натпреварот ФК Работнички – ФК Вардар одигран на 22.10.2023 година, анализирана е ситуацијата од 76 минута.
Главен судија: Игор Стојчевски. Помошни судии: Дејан Димитријевиќ и Дарко Јовчевски.
76. минута: ИСПРАВНА ПРОЦЕНКА НА ГЛАВНИОТ СУДИЈА (досуден пенал за гостинската екипа при резултат 0:0)
После центрирана топка во шеснаесетникот на домашната екипа, играч на гостинската екипа со глава биеше кон голот на домаќините, по ударот кон голот топката удри во раката, па во глава на противнички играч, главниот судија со кратка задршка досуди пенал за гостинската екипа.
Исправна одлука на главниот судија што досуди пенал за гостинската екипа, бидејќи топката го удри играчот на домашните во раката па главата (иако беше тешка за проценка, раката на играчот од одбраната во опишаната акција беше апсолутно во неприродна положба, високо подигната над главата и близу до главата)
Главниот судија беше одлично поставен и имаше јасна прегледност на ситуацијата, затоа судиската комисија по разгледување на ситуацијата (која е многу тешка за проценка, дали топката прво удира во рака па глава или обратно) останува со одлуката на главниот судија пресудена во тој момент, бидејќи главниот судија имаше најдобар видик и беше одлично поставен.
На натпреварот ФК Шкендија – ФК Брера А.П одигран на 22.10.2023 година, анализирана е ситуацијата од 26. минута.
Главен судија: Димитар Пилешков. Помошни судии: Христијан Џонов и Мартин Петковски .
26. минута: ИСПРАВНА ПРОЦЕНКА НА ГЛАВНИОТ СУДИЈА (недосуден пенал за гостинската екипа при резултат 0:0)
Играч на гостинската екипа во шеснаесетникот на домаќините ја имаше топката во посед, потоа си даде долг фор (топката излезе надвор од теренот), но во моментот кога си ја додаде топката во фор, голманот на домашната екипа направи минимален контакт над ногата на противникот, а тој контакт играчот на гостите сакаше да го искористи да изнуди пенал.
Исправна одлука на главниот судија, досуден индиректен слободен удар за домашната екипа и доделен жолт картон за гостинскиот играч (симулација за пенал).
На натпреварот ФК Силекс – ФК Тиквеш одигран на 22.10.2023 година, анализирана е ситуацијата од 61. минута.
Главен судија: Марјан Младеновски. Помошни судии: Дејан Костадинов и Бранко Путилин.
61. минута: ИСПРАВНА ПРОЦЕНКА НА ГЛАВНИОТ СУДИЈА (недосуден пенал за гостинската екипа екипа при резултат 0:0)
Играч на гостинската екипа упати долга топка кон соиграч во шеснаесетникот на домашната екипа и странично од голот, на топката тргнаа голманот на домаќините и противнички играч, играчот на гостите прв стигна до топката, ја удри и потоа почна да паѓа (сакајки да изнуди пенал) и потоа при падот дојде до минимален коткат со рацете на голманот.
Исправна одлука на главниот судија, досуди индиректен слободен удар за екипата на домаќините и додели жолт картон за играчот на гостите поради симулација за да изнуди пенал.
На натпреварот ФК Шкупи – ФК Брегалница одигран на 22.10.2023 година, анализирана е ситуацијата од 31. минута.
Главен судија:Влатко Илиоски. Помошни судии: Зоран Јанкулоски и Мартин Дејаноски.
31. минута: ИСПРАВНА ПРОЦЕНКА НА ГЛАВНИОТ СУДИЈА (досуден пенал за гостинската екипа при резултат 1:0 )
Играч на гостите прими топка странично во шеснаесетникот на домашната екипа, во моментот кога сакаше да помине противнички играч, противничкиот играч направи недозволен старт (газење) на ногата на гостинскиот играч.
Исправна одлука на главниот судија што досуди пенал за гостинската екипа за недозволен старт (газење).
Главниот судија беше идеално поставен, близу ситуацијата и имаше јасен преглед.
На натпреварот ФК Македонија Ѓ.П – ФК Струга Трим Лум одигран на 22.10.2023, анализирана е ситуацијата од 42. минута.
Главен судија:Стојан Трпчевски. Помошни судии: Драган Трпчевски и Душко Панов.
42. минута: ИСПРАВНА ПРОЦЕНКА НА ПРВИОТ ПОМОШЕН СУДИЈА (несигнализирано офсајд позиција на гостински играч, постигнат регуларен гол при резултат 0:1)
Играч на гостинската екипа додаде топка до свој соиграч во шеснаесетникот на домашната екипа, соиграчот ја прими топката и постигна гол.
Исправна одлука на првиот помошен судија што дозволи играта да продолжи и да се постигне гол, бидејки играчот на гостите што постигна гол во моментот на додавање на топката од својот соиграч се наоѓаше во дозволена позиција (во линија со претпоследниот играч од одбраната на домаќините).
На натпреварот ФК Гостивар – ФК Воска одигран на 22.10.2023 година, иако немаше спорни ситуации за судиска анализа, судиската комисија не е задоволна од менаџирањето на главниот судија со крајот на натпреварот.
Судиска анализа за 9. коло од ВТОРА МФЛ за сезона 23/24
Судиска комисија ги разгледа спорните моменти од 9. коло на ВТОРА МФЛ и ги донесе следните заклучоци:
На натпреварот ФК Саса – ФК Беласица одигран на 21.10.2023 година, анализирана е ситуацијата од 45+2 минута.
Главен судија: Бењамин Керими. Помошни судии: Дарко Видиниќ и Александар Ѓурковски.
45+2 минута: ИСПРАВНА ПРОЦЕНКА НА ГЛАВНИОТ СУДИЈА (досуден пенал за гостинската екипа и доделен ЦРВЕН картон за домашен играч)
Играч од екипата на гостите прими топка од свој соиграч во шеснаесетникот на домашната екипа, во моментот кога ја прими топката се наоѓаше сам пред голманот на домашната екипа и во очигледна шанса за гол, пред да шутне кон голот на домашната екипа беше влечен за тело од претпоследниот играч од одбраната на домашните и спречен во акцијата.
Исправна одлука на главниот судија, досуден пенал за екипата на гостите и доделен ЦРВЕН картон за играчот на домашната екипа поради недозволен старт (влечење) и спречување очигледна шанса за гол.
На натпреварот ФК Арсими – ФК Пелистер одигран на 21.10.2023 година, анализирана е ситуацијата од 90+2 минута.
Главен судија: Крумислав Ѓорѓиев. Помошни судии: Александар Гигов и Роберт Црвенов.
90+2 минута: ИСПРАВНА ПРОЦЕНКА НА ПРВИОТ ПОМОШЕН СУДИЈА (сигнализирано офсајд позиција и поништен гол за домашната екипа при резултат 1:1)
Играч на домашната екипа прими топка од свој соиграч надвор од шеснаесетникотна гостинската екипа, од кога ја прими топката, шутна кон голот на гостинската екипа и постигна гол.
Исправна одлука на првиот помошен судија, сигнализираше недозволена офсајд позиција за домашниот играч и голот беше поништен, бидејќи играчот во моментот кога му беше додадена топката од својот соиграч се наоѓаше позади претпоследниот играч од гостинската екипа.
На натпреварот ФК Вардар Неготино – ФК Тетекс одигран на 21.10.2023 година, анализирани се ситуациите од 26. и 59. минута.
Главен судија: Владимир Ѓорѓиевски. Помошни судии: Владимир Митревски и Дарко Василевски.
26. минута: ИСПРАВНА ПРОЦЕНКА НА ГЛАВНИОТ СУДИЈА (недосуден пенал за гостинската екипа при резултат 0:0)
Играч на гостинската екипа прими топка од свој соиграч во шеснаесетникот на домашната екипа, до него имаше два противнички играчи и едниот од нив минимално го турна играчот на гостите, по што истиот од тој контакт падна, сакајќи да изнуди пенал.
Исправна одлука на главниот судија што дозволи играта да продолжи, бидејќи контактот беше минимален и недоволен за да се досуди пенал.
59. минута: ИСПРАВНА ПРОЦЕНКА НА ГЛАВНИОТ СУДИЈА (недосуден пенал за домашната екипа при резултат 0:0)
Играч на домашната екипа беше во посед на топката странично во шеснаесетникот на гостинската екипа, гостинскиот играч кој трчаше паралелно со него и минимално со тело направи контакт со играчот на домашните, при што играчот на домашните падна.
Исправна проценка на главниот судија што дозволи играта да продолжи, бидејки контактот беше минимален и недоволен за пенал.
На натпреварот ФК Детонит – ФК Осогово одигран на 21.10.2023 година, анализирана е ситуацијата од 44. минута.
Главен судија: Јордан Јовановски. Помошни судии: Иван Танев и Кирил Манчев.
44. минута: ПОГРЕШНА ПРОЦЕНКА НА ГЛАВНИОТ СУДИЈА (досуден пенал за домашната екипа при резултат 0:0)
Играч на домашните центрираше топка во шеснаесетникот на гостинската екипа, играч на гостинската екипа ја одби топката до играч на домашните, истиот шутна кон голот на гостите и противнички играч ја блокираше топката со рацете прилепени до телото, главниот судија ја прекина играта и досуди пенал за домашната екипа.
Погрешна одлука на главниот судија што досуди пенал за домашната екипа, бидејки играчот на гостинската екипа коректно го блокираше шутот, односно рацете му беа прилепени до телото и немаше неприродна положба на рацете, ниту зголемен волумен.
Иако главниот судија е добро поставен и има јасна прегледност, донесе погрешна одлука.
На натпреварот ФК Новаци – ФК Охрид одигран на 21.10.2023 година, анализирана е ситуацијата од 23. минута.
Главен судија: Христијан Божиновски. Помошни судии:Борис Трајков и Марјан Смилкоски.
23. минута: ИСПРАВНА ПРОЦЕНКА НА ГЛАВНИОТ СУДИЈА (недосуден пенал за домашната екипа при резултат 1:1)
Играч на домашните додаде топка до свој соиграч во шеснаесетникот на гостинската екипа, играчот ја прими топката и во тој момент играч од екипата на гостите му ја изби топката и потоа дојде до минимален контакт со ногата на играчот на домаќините.
Исправна одлука на главниот судија што дозволи играта да продолжи, бидејќи играчот на гостите прв ја удри топката и отпосле дојде до минимален контакт.
Главниот судија беше близу ситуацијата и имаше одлична прегледност.
На останатите натпревари од ВТОРА МФЛ немаше спорни ситуации за судиска анализа, за медиумите истакна ФФМ.
Спорт
Утре во Кичево, „ФК Напредок“ го дочекува „ФК Џепчиште“ во третата македонска фудбалска лига запад во претпоследното коло од есенскиот дел
Утре сабота (22.11) со почеток од 13:00ч на градскиот стадион во Кичево, домашната екипа на „ФК Напредок“ го дочекува „ФК Џепчиште“. За домаќините овој ќе биде исклучително важен натпревар во претпоследното коло од есенскиот во третата македонска фудбалска лига запад.
– Очекувам одличен натпревар, екипата на „ФК Џепчиште“ има одличен тим, но се надевам дека ова нашите момчиња ќе прикажат една квалитетна игра со тоа што мислам дека ќе извојуваме победа, важна за нас пред крајот на есенскиот дел. Оваа прилика ја користам, да ги повикам сите љубители на фудбалот да дојдат и да уживаат на градскиот стадион, за Порта.мк истакна првиот човек на тимот Бобан Дујковиќ
Спорт
Данска првиот предизвик за „рисовите“ во март, за пласман на големиот мундијал во САД, Мексико и Канада
Во централата на ФИФА во Цирих денес беше одржана ждрепката за европскиот плејоф за пласман на Светското првенство 2026. Македонската фудбалска селекција во полуфиналната фаза ќе се соочи со Данска. Доколку успее да победи, во финалето ќе игра против подобриот од дуелот меѓу Чешка и Република Ирска, и тоа повторно на гостински терен.
Полуфиналните натпревари се предвидени за 26 март 2026 година, а финалните средби ќе се одиграат пет дена подоцна, на 31 март. Четирите победници ќе изборaт место на Мундијалот во 2026 година.
Светското првенство следното лето ќе биде организирано во САД, Мексико и Канада.
Преостанатите полуфинални парови од европскиот бараж се:
-
Италија – Северна Ирска
-
Украина – Шведска
-
Турција – Романија
-
Велс – Босна и Херцеговина
-
Полска – Албанија
-
Словачка – Косово
-
Чешка – Република Ирска
Спорт
Македонија во четврток го дознава новиот ривал, по катастрофалниот пораз тргнуваме по потешкиот пат за мундијалот! Глава горе момци!
Македонската фудбалска репрезентација го запиша својот прв и единствен пораз во квалификациите за Светското првенство. Националниот тим беше целосно надвор од ритам и убедливо беше совладан на „Кардиф Сити стадиум“ со 7-1 (3-1). И покрај високата загуба, Македонија и натаму остануваат во игра и во март 2026 година ќе настапат во баражот за пласман на Мундијалот.
Играч на мечот беше дефинитивно капитенот на Велс, 28-годишниот Хари Вилсон, играчот на Фулам кој запиша 3 погодоци на овој меч.
Нема очај, од овој меч треба само да се извлече поука. Одиме напред до остварување на сонот, но овој пат по потешкиот пат. Токму поради тоа, веќе во четврток го дознаваме ривалот во првиот бараж, кој ќе се игра во март и за кој се знае дека нашиот национален тим ќе гостува или не.
Стадион во Кардиф. Гледачи: 33.000. Судија: Дани Макели. Стрелци: Вилсон 18′ пен., 75′, 81′ пен., Брукс 21′, Џонсон 37′, Џејмс 57′, Бродхед 88′ (Велс), Миовски 23′ (Македонија). Ж. картони: Ашковски, Димитриевски (Македонија).
Велс: Дарлоу, Вилијамс (82′ Кпакио), Лоуер, Родон (82′ Мефам), Дасилва, Шихан, Вилсон, Џејмс (64′ Томас), Кулен (85′ Дејвис), Брукс (64′ Броудхед), Џонсон.
Македонија: Димитриевски, Илиевски, Стојчевски (55′ Ќамили), Велковски, Зајков, Ашковски, Барди, Костадинов (55′ Чурлинов), Алими (64′ Атанасов), Елмас, Миовски (64′ Растодер).
Напред „рисови“, напред Македонија!
Ноќеска во кичевски објект едно лице извршило напад врз малолетник, потоа и на неговиот татко
На 23.11.2025 година во 01:30 часот, во ОВР Кичево е пријавено дека, во угостителски објект лоциран на булеварот „Ослободување“ во...
Хороскоп за недела (23 ноември)
ОВЕН Повеќето денови ќе бидете многу емотивни и склони кон промени во расположението. Исклучително е важно да се држите до...
Хороскоп за сабота (22 ноември)
ОВЕН Иако вашите очекувања не се преголеми, денес е неповолен ден за вас, па тешко дека ќе успеете да остварите...
Утре во Кичево, „ФК Напредок“ го дочекува „ФК Џепчиште“ во третата македонска фудбалска лига запад во претпоследното коло од есенскиот дел
Утре сабота (22.11) со почеток од 13:00ч на градскиот стадион во Кичево, домашната екипа на „ФК Напредок“ го дочекува „ФК...
Поради обилен дожд, на подрачјето од Општина Ресен се поплавени над 50 куќи и магацински простории
Поради обилните врнежи, на подрачјето на Општина Ресен дошло до излевање на Болнска и Источка река во селата Царев Двор...
Microsoft ја враќа една од најбараните функции
Microsoft конечно ја враќа една од најбараните функции на лентата со задачи во Windows 11. Иако Windows 11 веќе не...
YouTube повторно воведува директни пораки: Моментално се тестира!
YouTube го тестира враќањето на директните пораки, дозволувајќи им на корисниците да споделуваат видеа и да разговараат во рамките на...
За прв пат Android телефони поддржуваат AirDrop: овие четири модели можат директно да споделуваат фотографии со iPhone
Серијата Pixel 10 ја воведува првата вистинска директна размена на датотеки помеѓу Android Quick Share и Apple AirDrop, без потреба...
Gemini го претвора текстот во видео
Gemini сега може да креира клип од 8 секунди директно од текстуално барање. Google официјално ја претстави новата функција за...
Roblox ќе ги спречи децата да разговараат со непознати возрасни
По зголемениот притисок од родители и институции, Roblox конечно воведува проширени безбедносни мерки со цел подобра заштита на малолетниците. Новите...
-
Кичево4 часа
Ноќеска во кичевски објект едно лице извршило напад врз малолетник, потоа и на неговиот татко
-
Хороскоп2 дена
Хороскоп за сабота (22 ноември)
-
Хороскоп18 часа
Хороскоп за недела (23 ноември)
-
Спорт2 дена
Утре во Кичево, „ФК Напредок“ го дочекува „ФК Џепчиште“ во третата македонска фудбалска лига запад во претпоследното коло од есенскиот дел