Спорт
Битка за историја, дојде денот за одлука. За Аргентина шестото, додека за Франција четвртото финале на СП

Дојде денот на одлуката! Аргентина ќе го игра шестото, а Франција четвртото финале на Светското првенство. Една од овие две фудбалски велесили по трет пат ќе стане шампион на планетата. Во Доха ќе се игра 22. финале на Светското првенство, а титулата светски првак ја освоија само осум репрезентации.
Денеска за нова страница во историјата ќе се борат селекциите кои покажаа најмногу на Светското првенство во Катар. Сепак, ова ќе биде првпат откако Шпанија го направи тоа во 2010 година, репрезентацијата што загуби натпревар во групната фаза да стане шампион. Аргентина претрпе пораз во првиот натпревар од Саудиска Арабија со 2:1, но и покрај тоа, тимот што го предвиде Лионел Меси ги победи Мексико и Полска во групната фаза, потоа Австралија, Холандија и Хрватска на патот до финалето.
Од друга страна, Франција во полуфиналето го исфрли најголемото изненадување на шампионатот Мароко, а претходно Англија и Полска, додека во групата победи против Данска и Австралија, а загуби од Тунис.
Она што е сигурно, сите погледи ќе бидат вперени кон најдобрите играчи на Франција и Аргентина, Килијан Мбапе и Лионел Меси, за кои според многу стручњаци се двајцата најдобри играчи на целиот турнир. Досега и двајцата имаат постигнато по пет гола, па ова ќе биде и дуел за најдобриот стрелец на првенството, а интересно е што веднаш зад нив се нивните соиграчи од репрезентацијата Жиру и Алварез со по четири гола.
Најмногу светски шампионски титули досега имаат Бразилците, дури пет, а се уште се сами на врвот. Италија и Германија имаат по четири титули, а Аргентина, Франција и Уругвај се на линија со по две. Која од првите две наведени селекции ќе се издвои од оваа група ќе дознаеме околу 18 часот… Инаку, по еднаш шампиони беа Англија и Шпанија.
Германците имаат најмногу финалиња, дури осум, Бразил има седум, Аргентина и Италија имаат по шест …
„Триколорите“, за разлика од „гаучосите“, го консолидираа статусот на фудбалска сила во последните 24 години. Точно толку време помина од Мундијалот во Франција до првенството во Катар, односно првото и последно финале за „сините“. Во тој период „галските петли“ ги освоија двете претходни титули (1998 и 2018 година) и уште еднаш играа во финалето во 2006 година, кога беа запрени од Италија на последната пречка до тронот и тоа дури по подобро изведување на пенали. .
Така Франција в недела ќе го игра четвртото финале за неполни две и пол децении, а со таков успех можат да се пофалат само Бразилците и Германците.
Спорт
Денвер поразен од Филаделфија, во спектакуларен меч на МВП центрите Ембид и Јокиќ

Кошаркарите на Денвер се поразени на гостувањето кај Филаделфија со 126:119 во спектакуларен меч кој го одбележа МВП дуелот меѓу најдобрите НБА центри Џоел Ембид и Никола Јокиќ.
Блескаше Ембиид и мечот го заврши со 47 поени, 18 скока и пет асистенции, за 38 минути, додека Јокиќ имаше учинок од „само“ 24 поени, седум скока и девет асистенции, исто така за 38 минути.
Денвер на полувремето имаше „плус 15“ (73:58), но во останатото Ембид беше незапирлив и му донесе победа на домашните.
Спорт
Девет македонски фудбалски клубови се влезени во процесот на лиценцирање, додека во женска конкуренција вкупно четири клубови учестуваат во процесот за клупско лиценцирање.

Фудбалската федерација на Македонија го започна процесот и постапката за лиценцирање на клубовите во машка и женска конкуренција за добивање право на настап во рамки на европските натпреварувања во организација на УЕФА.
Одделот за лиценцирање во Фудбалската федерација на Македонија веќе одржува работни состаноци со клубовите со цел детално претставуваење на новите правилници за клупско лиценцирање и условите кои клубовите треба да ги исполнат за да добијат можност да учествуваат во европските клупски натпреварувања.
Девет фудбалски тимови од Прва МФЛ (Струга Трим Љум, Работнички, Силекс, Скопје, Брегалница, Шкендија, Шкупи, Тиквеш и Македонија Ѓ.П.) се влезени во процесот на лиценцирање, додека во женска конкуренција вкупно четири клубови (Тиверија, Саса, Љуботен и Скопје) учестуваат во процесот за клупско лиценцирање.
– Генерално, клубовите кои се пријавени за клупско лиценцирање се запознаени со целокупната постапка, односно исполнувањето на критериумите предвидени во правилниците на УЕФА. Условите кои се пропишани, сметаме дека релативно лесно можат да се исполнат од страна на клубовите. Одделот за лиценцирање во рамки на Фудбалската федерација на Македонија на сите пријавени клубови им стои на располагање во однос на консултативни и стручни прашања, но многу поважно и поддршка во исполнувањето на критериумите за условите на стадионите, еден од најважните критериуми за лиценцирање, вели Горанчо Костовски, лиценцен менаџер во ФФМ.
Во продолжение, може да се преземе целокупната потребна документација за постапката за лиценцирање, преку линкот ТУКА, и вториот ТУКА.
Сите потребни документи согласно правилниците на УЕФА, одделот за лиценцирање веќе ги има доставено до пријавените клубови, велат од Федерацијата во јавното соопштение истакнато на нивниот веб простор.
Спорт
ФФМ: Стартува проектот „Фудбал за сите способности“ во Државното средно училиште Св. Наум Охридски

Фудбалската Федерација на Македонија како социјално одговорна организација секоја година работи на различни проекти од полето на социјалната одговорност. Средстава за овие проекти се добиваат од Хет-Трик 5 (2020-2024) фондовите на УЕФА и тоа од средствата коишто се наменети за социјална одговорност.
Проектите кои се одобруваат од страна на УЕФА мора да исполнуваат одредени критериуми, меѓу кои одржливост, долгорочност и поврзаност со некоја од полисите за социјална одговорност на УЕФА.
Проектот Фудбал за сите способности – Државно средно училиште Св. Наум Охридски е одобрен од страна на УЕФА.
Целта на проектот е:
- Да се подобрат физичките условите во коишто учениците со попреченостт во интелектуалниот развој од Државно средно училиште Св. Наум Охридски тренираат
- Да се создадат услови за тренирање фудбал
- Да се поттикнува самостојност и инклузија на децата со интелектуална попреченост.
За да се реализира проектот предвидени се следните активности кои треба партнерски да се изведат во текот на една година.
Подобрување на инфраструктура и физички услови:
- Обложување на игралиштето во школото со вештачка трева
- Донирање на топки и фудбалски реквизити за тренинзите кои ќе се одржуваат
- Донирање на фудбалска опрема за децата кои ќе се вклучени во тренинзите во тек на цела година, за тренерите и воспитувачите
Организирање на трениг активности и Фудбалски настани за потикнување на самостојност и инклузија.
Во прилог, официјални фотографии од настанот:
-
Хороскоп1 ден
Хороскоп за сабота (28 јануари)
-
Скопје19 часа
Кичевчанка во Скопје пријавила дека таксист недолично се однесувал и ја допирал по телото
-
Хороскоп12 часа
Хороскоп за недела (29 јануари)
-
Временска прогноза18 часа
Попоски: Рана најава за снежни врнежи, дали февруари ќе биде снежен месец?
-
Временска прогноза2 дена
Засилен северен ветер, наутро ниски температури под нулата, ова е најновата метео анализа
-
Магазин2 дена
Netflix го завршува споделувањето на сметките до март 2023 година
-
Здравје и убавина23 часа
Истражување покажало дека трчањето го продолжува животот
-
Магазин2 дена
Големи отпуштања во Amazon: Одделот за испорака на беспилотни летала на Prime Air е на пат