Кога ќе те прашаат: „Од кај си?“, ти им викаш: „Од Кичево“. Е, често пати потоа те гледаат коцкесто бидејќи врска немаат каде е тоа Кичево. А, богами, треба да имаат. Можеби те фрустрира што тоа се случува, ама не треба. Не си паднат од Марс, од Кичево си. ЕЕЕЕЈЈЈ, ОД КИЧЕВО! Општественици кои дале значаен придонес за Македонија, револуционери, политичари, уметници, пејачи, спортисти, бизнисмени, професори, знајни и незнајни градители, преродбеници, просветители, светители… место на големи битки и големи подвизи… од сево ова има токму во Кичево. Ретко кое место ги има. Затоа ич не се фрустрирај, потруди се да си го заслужиш своето место во списоков, p.s. секогаш ќе има некое име изоставено, неможеш па и сè да знаеш, не се нервирајте, ќе надополнујме плус/минус..:

• Свети Александар (IV век) христијански маченик и светец има храм само во Кичево (Белица). Веројатно и самиот потекнува оттука.
• Кита, сестрата на Крале Марко е кичевчанка.
• Предците на Мустафа Кемал Ататурк, (светски државник и татко на современа Турција) имаат потекло од Кичево, пред да се преселат во дебарски Коџаџик.
• Кичево е едно од најстарите христијанизирани места во Македонија (III-IV век). Помеѓу првите христијани биле и кичевчани
  
• Во Кичево има над 200 цркви од кои половина опстојуваат до денес. Најстарата (Свети Ѓорѓи Кнежински) е стара повеќе од 1600 години.
• Во Кичево, (село Речани Челопечко) се произведувала свила пред 500-600 години.
  
• Просветителот Јоаким Крчоски е од Кичево
• Преродбеникот Кирил Пејчиновиќ творел долго време во манастирот Пречиста
• Маја Цветановска-Трајкоска успешен гинеколог акушер, актуелен директор на кичевската Болница, нејзиното познавање во докторската фела е прочуено на секаде!
• Онлајн медиумот „Порта.мк“ е од Кичево, 7 години единствен портал на македонски јазик во градот.
• Дедо Козма Пречистански (село Орланци) владика и борец за народно ослободуваење на Македонија е од Кичево
• Јероѓакон Јосиф Пречистански, духовник и револуционер од манастирот Пречиста
• ФЛЕРТ Клуб од Кичево на Влатко Перо и Влатко Пунч траеше 2 години – но се прочу на секаде во Македонија и Балканот.
• Александар Трајкоски, македонски репрезентативец во фудбал, играч на хрватски Хајдук, претходно бил истакнат член во Белгиското првенство, влечи корени од Кичево.
• Манастирот Света Богородица Пречиста крај Кичево бил еден од главните центри на писменоста во Македонија. Поседувал голема библиотека. Делови од неа се наоѓаат по архивите во Македонија и странство. Изгорена од грчкиот дебарски владија Мелетиј (1849).
  
• Манастирот Свети Ѓорѓија (село Кнежино, Кичево) бил фрескоживописан од познатите мајстори Михајло и Ефтихиј, едни од најпознатите во средновековието. Овој духовен центар сеуште не е доистражен.
  
• Мартина Димоска прочуената инфлуенсерка која има големи достигнувања во НАСА е од Кичево.
• Поп Тома Николов (село Вранештица), свештеник и македонски револуционер, претставник од Кичево на Смилевскиот конгрес.
• Дамјан Груев, еден од основачите на ВМРО има потекло од Кичево (Мијак од некогашното село Лопушник)
• Фудбалот во Кичево се игра еден век. Првата фудбалска топка во Кичево (село Велмевци) е донесена во 1909 година.
  
• Мис Екранова Убавица се одржуваше каде ако не во Брждани кичевско, на тој настан се собирале над 5000 гости
• Јордан Пиперката (Козица), Арсо Мицков (Подвис), Ванчо Србаков (Вранештица), Наќе Јанев (Лавчани), Дуко Тасев (Јудово), Симеон Савев (Јагол), Димитар Спространов,  Васил Попов, Анѓеле Бунгуров, Стојко Богданоски (Пополжани), Лазор Груески (Белица), Стојко Богданоски (Пополжани), Александар Радески (комита во четата на Александар Турунџе), Костантин војводата (село Рабетино), Синадин Бомбашот (Брждани/Другово, го минирал турскиот затвор во Кичево, осуден на 101 година, живеел повеќе од 100 години)… се од Кичево и уште стотици повеќе или помалку познати но не и понезначајни револуционери од Илинденската епопеја.
• Филип Михајлоски, маестро, музичар на Канон, еден од најретките и најтешки инструменти е од Кичево.
• Револуционерот Лука Ѓеров голем дел од своето комитаиџство го поминал во Кичево
• Кичево де факто е првиот ослободен (накратко) град во Илинденското востание. Неколку часа пред ослободувањето на Крушево, во 1 по полноќ четите на МРО ја принудиле турската војска на бегство по што и самите се повлекле.
• Во Кичево (месност Ѓурѓејца) се има одиграно една од најславните битки во Илинденското востание каде гради во гради се судриле четите на МРО со турската војска и башибозук. И однеле победа која го кренала моралот на населението низ цел востанат Битолски Округ. Покрај ова, се воделе жестоки борби во село Извор, Подуач кај Речани, низ Копачијата, кај бродското Теќе…
  
• Бранко Наумовски претседател на уставен суд, Александар Наумовски екс градоначалникот на Ѓорче Петров и тие се од Кичево (Букојчани)
• Кичево е првиот ослободен град (11 септември 1943) во Македонија за време на НОБ. Ослободувано е вкупно шест пати.
  
• Владо Личоски – Личо, своевремен боди билдер, учесник, тренер неговата теретана во Кичево важела за една од најспремните во тоа време
• Проф Д-р Ѓорѓија Сајкоски, историчар, поранешен заменик министер е од Кичево
• Дејан Богданоски, тапанар, член на групата „Престиж“ познат оркестар на пејачот Спасен Сиљаноски, претходно 16 години бил првиот тапан на културнно уметничко друштво, важи за еден од најдобрите млади тапанари кои ќе остават траен белег во книгите на музичарите кои се од Кичево, а биле тапанари.
• Првото училиште на народен македонски јазик е отворено Кичево (село Подвис). Предавал учителот Василко Лазарески
  
• Марјан Тренески, над 20 години со најразлични резби, три самостојни изложби, работилница на отворено и други заеднички настани е од Кичево
• Народниот херој Мирко Милески, Олга Мицеска, Нико Пусоски, Јанко, Миха и Флора Михајлоски, Драге Карбуничанец, Томе Букле, Санде Штерјоски, Борис Алексоски Карче, Иван Трпески, Исеин Акиоски, Мемедалија Велиоски, Амит Челопечанец, Душан Јовески, Цветко Јаковлески, Стојмир Пантилески, Живко Туфекџиоски, Иван Трпески, Љубица Богеска, Драге Богески, Левче Стефаноски – Тарзан (Карбуница)… и стотици други се од Кичево.
• Д-р. Владимир Полежиноски, творецот на асномските документи за слободна Македонија е кичевчанец
• Брендот АТВА / АТВА Маркети / АТВА Резиденс многу години лидери во Кичево
• Др. Борис Спиров, лекар, револуционер, професор и втор претседател на македонското Собрание е од Кичево (Брждани).
• Кристијан Данилоски (FX 3X) вработен во Холивуд (филмски анимации), баткава живееше и растеше во куќана напуштена до Пошта/Фото Стојан.
• АвтоСервис Боби, ја донесе првата Хонда цбр во Кичево, дур имавме уште партизанки
• Матко, легендарен лик, претседател на мото друштво.
• Мите Пункер од Кичево, легенда беше и легенда ќе остане.
• Зоран Циго, големо име.
• Трене Миладинов (од Атишта), адвокат, ученик во Солунската гимназија, пријател на Гоце Делчев, Петар Поп Арсов, Јане Сандански. Стрелан за идеалот за самостојна Македонија.
  
• Кочо Рацин работел во кичевско каде е убиен и почива на Лопушник, кичевско
• Томе Момировски, македонски раскажувач, романсиер, есеист, критичар и преведувач е од Кичево
• Горан Стојаноски, македонски писател е од Кичево
• Кочо Зердески еден од најистакнатите фудбалери во свое време, играч на ФК Напредок, неговиот син Никола беше успешен голман
• Актерот Гоце Тодоровски е роден во Кичево
• Мето Петроски, македонски снимател, филмски и телевизиски режисер е од Кичево (Иванчишта)
• Косара Гочкова, македонски писател за деца е од Кичево
• Во Кичевско се зборува најчистиот македонски говор. Потврдено со истражување од пред 30-тина години.
• Во Кичево од 1945 до 1991 постоеле групи кои активно се залагале за самостојна Македонија
• Во Истанбул во луксузниот кварт Бајрампаша гордо се кажуваат дека се од Кичево.
• „Распеани кичевчани“, другарството од деца сега се преточи во непрофитен фолк ансамбл
• Нико Букле, македонски филмски работник – снимател, е од Кичево
• Спасен Сиљаноски, пејач, композитор, омилен на македонската публика, посебно стана познат по неговите големи вирални хитови „Ќе ти дојдам“ и „Мајка“
• Љупче Угрин, градоначалник на Кичево од седумдесеттите, човек пред своето време. Мозок.
  
• Раде Момироски (бизнисмен) од Белица, човек кој зрачи со позитивна енергија, промотор на селската убавина. Ретко кој може да даде толку многу како него.
• Миле Грозданоски, режисер на дел од серијалот „Тврдокорни“ и на многу други дела, е од Кичево (Бигор Доленци)
• Дарко Ѓорѓијоски програмер, врвен професионалец во ИТ индустријата е од Кичево
• Професор Гордана Сиљаноска, Осман Кадриу, Мито Спасевски, Крсте Дејаноски, Ленче Петреска, Саша Дукоски, Иво Дукоски… и низа други општественици се од Кичево.
• Академик Владо Матески е од Кичево
• Академик Петар Христаќиев Илиевски е од Кичево (село Бигор Доленци)
• Горан Ѓорески (Тато) – над 30 години професионален шофер во кичевска Болница, ценет и почитуван господин, кој секогаш е прв да пружи помош
• Стојмир Симјаноски – Марсовецот, учител, писател и општественик, човек со младешка енергија на стари години, кичевчанец родум од Иванчишта.
  
• Омер Калеши, сликар со светско реноме
• Драган Белион го отвори првиот модерен кафиќ за тоа време во Кичево (Кај Белион)
• Дарко Цветаноски, видеограф, за него времето допрва доаѓа.
• Синиша Павлески, филателист и колекционер од Кичево
• Калиопи Букле, македонската поп-дива е кичевчанка
• Владо Јаневски, пејач со потекло од Кичево (Бигор Доленци)
  
• Своевремени легенди од кичевската Брза помош Чоме & Љубе Кундакот
• Виктор Стефаноски „Шевињон“, успешен бизнисмен, од Кичево
• Газдата од „Солета“ е роден кичевчанец!
• Мирослав Мирчески, млад пејач и композитор, омилен кај помладата публика.
• Фирмата Горсај, над 30 години успешно претпријатие на пазарот
  
• Популарниот поп изведувач Драган Мијалковски е од Кичево.
• Лука Лазарески, млад пијанист, апсолутен талент, за него допрва времето доаѓа на домашна но и на светска сцена.
• Владимир Талески Двојче, битолскиот екс градоначалник, е роден во Кичево
• Диме Трпески – Мајката, врвен актер и професор од с.Осој, Кичево, ќе се памети по (Презиме Име, Трпески Диме)
• Христијан Трајаноски, македонски пејач, потекнува од Кичево, за него допрва времето доаѓа.
• Мето Колоски, претседател на Македонската Обединета Дијаспора има кичевски корени (село Белица)
• Ракометарките и репрезентативки Наташа Коцеска, Даниела Новеска, голманката Дијана Наумоска… се кичевчанки.
  
• ФК Напредок е клуб кој има скоро 100 години традиција. Ретко кој друг клуб во Македонија има толку зад себе.
• Кичевските пекари го прават најубавиот бурек во светот
• Перо Трајкоски, своевремено фудбалер на ФК Напредок, особено опасен на теренот, сега во пензија, познат по сите ЈУ простори. Тука се и Зоран Ѓорѓијоски, Санде Божиноски, Мики Лазарески, Лазе Ангелески, Марјан Ристески и Милаим Демири. Синиша Петрески, Љупче Вренцоски, Благоја Никодиноски и Фрањо Павичиќ.
• Фудбалерот Бесарт Ибраими од Грешница (Кичевско) со старт од ФК Напредок успеа до ФК Шалке Бундес Лига па натака..
• Игор Николаевски, успешна фудбалска кариера, ценет и почитуван, своевремено оформува фудбалски клуб „ФК Кичево“, тренер кој неговиот тим руши рекорди во домашната лига
• Драган Силјаноски (екс Напредок) е еден од многуте успешни фудбалери од Кичево кои се пробиле во странските лиги. На добар пат тоа да го направи во Белгија е и Влатко Стефаноски.
  
• Вулканизер & Автоперална ВИКТОР над 30 години лидери во Кичево
• Антонио Милошоски, поранешен Министер за Надворешни работи на Република Македонија и актуелен пратеник е кичевчанец
• Борис Костадиноски, еден од најдобрите столари во свое време во фабриката „Копачка“ – неговите продукти и ден денес служат.
• Лидерот на ВМРО-ДПМНЕ г-дин Христијан Мицкоски, актуелен премиер на Република Македонија влечи корени од Кичевско
• Претседателката на Република Македонија, Гордана Сиљаноска-Давкова влече кичевски корени, односно од с.Лавчани по еден родител.
• Илија Китаноски, поранешен градоначалник на Кичево, долгогодишен политичар, екс пратеник во Македонското Собрание. Кичевчанец.
  
• Имаме и успешни новинарски имиња по актуелни телевизии, Бојан, Јана Јосифоска, Бојана Димитријевска и Ивана Настеска од ИРЛ кои ги заслужуваат сите почести.
• Екс Министерката за внатрешни работи Гордана Јанкулоска е од Кичево
• Деспотоски Игор од Кичево, програмер, креатор со многу ИТ сертификати признати во странство.
• Македонскиот Амбасадор во Украина, Аце Спасеноски, (поранешен министер за Земјоделие) е кичевчанец
  
• Војо Стојаноски, Биљан Стојаноски, Дарко Стојаноски, Дамјан Стојаноски, Златко Миладиноски итн, сите од фамилијата на големиот пејач на македонската народна музика се кичевчани (од село Букојчани)
  
• Кичевското легендарно Такси „Краљо“ и шофер и поранешен газда Зоран Георгиевски држи рекорд во најдолга релација за возење од Кичево до Шведска од неверојатни 2300 km правец, а вкупно 5300 до дома.
• Влатко Лозаноски, македонската поп ѕвезда е кичевчанец. Неговата сестра Марија е писател чие време допрва доаѓа.
  
• Небојша Толески, македонски моден креатор е кичевчанец
• Владо Толески, ретко успешен стопанственик од Кичево
• Даниел Божиноски, дипломиран професор по музика, успешен саксофонист, познат на македонската музичка сцена.
• Кичевската ликовна колонија, настан од светско реноме кој во Кичево го донесе врвот на светската уметност, а со тоа и го промовира Кичево во светот
• Познатиот македонски рапер Тони Зен има кичевско потекло (Брждани)
• Раит Ќорото, кларинетист кој се раѓа еднаш на векот
• Просечен кичевчанец е од Кичево 😁
• Адријан Гаџа влече кичевски корен по мајчина страна
  
• Кичевските програмери Теодос Пејоски и Никола Миноски беа дел од тимот кој освои прво место на натпреварот за Самсунг Апликации. Нивната апликација Crack Your Screen е симната повеќе од 7 милиони пати на Google Play Market.
• Митре Богданоски прекар (Вујче Мице) – 3 пати првак на Македонија во биљарто (кегли) – држи рекорд уште од една штека!
• Перица Костоски – Џибит (своевремено свирел со Бело Дугме), Дарко Са Миладиноски (поп пејач)
  
• Кичево своевремено имаше најголем број на кафиќи, кафани, клубови… по глава на жител во Македонија. „Еснафот кафе дома не пиет!“ :).
• „Овдевака, онденака“ кој друг има толку точен збор во својот дијалект освен Кичевчани? Нормално, никој 🙂
• Првиот кафемат во Македонија е донесен (нормално) во Кичево. Во Кичево еспресо, капучино (и сите други „чина“) се пиеле пред другите да дознаат за нив. Го донел газда Бедо Канзоски.
• „ФОТО Зоран“, над 30 години продукциска куќа за видео и фотографија, нивниот внук Јове сигурно успешно ќе ја продолжи таа богата традиција
• Познатиот македонски DJ Бабура (Љупче Петрески) беше од Кичево (село Иванчишта), неговиот внук продолжи по стапките и сега е успешен DJ.
  
• Ангела Ставреска, дизајнерката на парфемот за Британската кралица Елизабета Втора е кичевчанка по мајчина страна (фамилија Новески)
• Дејан Мицкоски – Бушман,  Dj Dee NYC Music producer, Dj & Manager во Њујорк. Пример за момче кое го следеше сонот… и успеа. Кичевчанец!
• Веле Стојкоски, поранешен директор на Македонската Радио Телевизија. Кичевчанец.
• Влатко Стојкоски, директор на Државна пазарна инспекција, успешен кичевчанец.
• Душан Ристоски од село Иванчишта Кичево професор, публицист и долгогодишен директор на Музеи на западна Македонија во НОВ Кичево, автор на многу историски трудови посветени на овој регион
  
• Мирослав Спироски, долгогодишн новинар, аналитичар и општественик. Кичевчанец (село Србјани).
• Зоран Антоски, долгогодишен новинар, општественик, старограѓанин од Кичево.
• Милован Стефановски,  македонски писател. Кичевчанец.
• Дедо Велко Богданоски главен машиновоѓа на вовчето Ќиро, своевремено го барале по Југославија, но решил да остане тука се до крајот на животот, верно служел за потребите на кичевчани.
• Живко Новески, македонски поет и писател од Кичево
• Живко Врапчарот легенда од старите времиња, за него книга може да се напише.
• Енвер смртон, легендарниот газда на елитна кафана во 70-тите во Кичево.
• Муамед Сејдини (Мети), екс претседстел на Фудбалската федерација на Македонија, долгогодишен бизнисмен е од Кичево.
• Автолакер Дуле Софески, убедливо најдобар во автолакерската индустрија има низа сертификати добиени во други држави е кичевчанец.
• Зоран Стојаноски, поет и кичевчанец кој напиша цела книга посветена со носталгични песни за родното Кичево.
• Бошко и Игор Трпески, татко и син, познати спортски водители од ТВ Сител. Кичевчани (село Бигор Доленци)
• Љупчо Цветкоски, долгогодишен водител во Македонската Радио Телевизија.
• Борче – Борис Лескароски – големиот карате мајстор кој повеќе од 30 години живее и работи во Швајцарија
• Дејан Милошевски – Чобачо – Повеќекратен државен Шампион во карате во Македонија и САД. Воедно и прв Европски и Светски карате судија од Кичево. Сега живее во Чикаго, САД и работи во болницата Нортвестерн Мемориал. Своевремено оформи школа „Милошевски маршал артс“ (ММА), каде вежба карате со деца од 3+ години. Во 2024 година беше прогласен за македонски карате амбасадор, амбасадор на мирот, а подоцна и за Македонија 2025 амбасадор и Ислаа амбасадор за лидерство.
• „Аааааееее?“ „-ееееее!“ „иииијјаааааеееее“ – Дали во некој друг град со муабет од 4 букви некој може да се разбере подетално? Only in Кичево!
• КУД „Нико Пусоски“ (77 години традиција), КУД „Бисер“, КУД „Младост“, КУД Рацин, Културно уметничките друштва од Кичево кои со децении на врвен начин ја негуваат и презентираат пред светот богатата народна култура на Кичево и Македонија.
• Бошко Тренески – Паганини, професор, музичар, уметник и долгогодишен директор на националниот ансамбл „Танец“, човек кој има освоено безброј награди и долго време го водеше хорот при гимназијата „Мирко Милески“. Кичевчанец
• Христина Ристеска игра во женската постава на Танец, како и тамбурашот Златко Димитриоски – и двајцата се од Кичево.
• Музичката рок-група „Медузи“ кои во седумдесеттите и осумдесеттите години растураа низ Кичево и Македонија. „На кале растени“, кичевчани
• Музичките групи од Кичево: Гвидони, Метална Крв, Аргус, Рејвен, Армагедон, Мегатон, Мелиса, Line Out, Рација, Зодијак, Слеп Хоризонт, Black Velvet, Dooble Trouble, Final Gate, Wendigo, Текран, 4 Free… (сигурно пропуштив, надополнете ме), млади деца од ученичките клупи кои растураа за време на викендите.
• DJ-ите од DBR група (Dimitry Mk, N-kola Ilievski ), Арди Флекс, Панишер, Боше, Даџе, Лабе, па DJ DaDi & JovaN (за поновите генерации), ех, ..колку „лета господови“ сме поминале со невните музики во Стефано…), Бушман (споменат погоре), Бранчез… (сигурно пропуштив, надополнете ме) кичевските DJ-и, едни од најдобрите во Македонија…
• Тане Стефаноски, музичката енциклопедија, DJ, човекот кој многу придонесе за развојот на квалитетната музика во Кичево со децении наназад. На прсти се бројат луѓето во Македонија кои го имаат неговото музичко познавање. Ние го имаме тука, кај нас, во Кичево
• Слободан Милошески, вајар од Кичево, автор на спомен обележјето посветено на Првото заседание на АСНОМ
• Лилјана Седлар, глумица играше во Популарната серија од осумдесеттите „Бољи живот“. По потекло е од село Кнежино од фамилија Миноски
• Проф. д-р Лазе Јаќимоски актуелен професор на правниот факултет во Кичево, заменик министер за јавна администрација 2024г.
• Илина Арсова, првата македонка која се искачи на Монт Еверест е по потекло од Кичево, внука на акедемикот Петар Хр. Илиевски од село Горно Бигор Доленци – преселени во село Староец

Во срцето на нашиот град пулсира уникатна хармонија на различни култури, јазици и обичаи. Под мотото „Мојот шарен град“, на 9.11.2024 година се одржа настан коj го славеше мултикултурализмот и богатството што го носат различните заедници.

Овај настан беше организиран од страна на здружението “Sunshine kids” (основано од Љубинка Симјаноска- Кацеска, Анета Трпеска и Слаѓана Фиданоска) поддржано од Министерство за култура и општината, со цел да се истакне важноста на меѓусебното почитување и соработка.

Граѓаните, без разлика на нивната етничка, верска или јазична припадност, се обединија во духот на заедништво, испраќајќи порака дека разликите не нè разделуваат, туку нè збогатуваат.

„Градот е како мозаик – секоја култура е посебна плочка која придонесува за целосната слика,“ за јавноста изјави еден од организаторите.

Инаку во рамки на настанот, беа презентирани видеа, слики и презентации изработени од учениците на ОУ “Санде Штерјоски” – Кичево кои ги прикажаа традиците и обичаите, традиционалните танци, и кулинарски специјалитети од различните етнички заедници (македонци, албанци, турци и роми).

Преку вакви активности, нашиот град станува пример за тоа како мултикултурализмот може да биде извор на сила и единство. Граѓаните ја покажаа својата подготвеност за градење заедница заснована на толеранција и взаемна почит, поставувајќи темел за светла иднина во која секој може да биде горд на своите корени, додека воедно припаѓа на заедничкиот дом – нашиот шарен град.

Галерија од настанот:

Христијан Трајаноски од Кичево е ново име на музичката народна сцена во Македонија. Запаметете го неговото име и следете ги неговите новости во музичките води, овој пат со преработката на една прекрасна нумера на доајенот на македонската народна музика Круме Спасовски – „Само за тебе“, ќе ни го најави почетокот на проектот „Народно до Максимум“, во продукција на маестро Златко Миладиноски.

Околу името од Христијан се врзуваат многу млади колеги од музичката сцена, кои му ја даваат безрезервната поддршка и на секој проект, како и на овој учествуваат во неговите новости и креации. Христијан Трајаноски со оваа песна најавува богата кариера пропратена со многу преработки на подзаборавени народни песни, но има и најава за авторска музика во блиска иднина.

Покрај оваа преработка, Христијан ни најави дека на 1.12 оваа 2024 година, не очекува и друг голем проект во негова реализација и видео креаторот Дарко Цветаноски / Cvetanski Footage од Кичево, за кој јавноста уште ќе сознава. Имено тој проект е соработка со најдобриот на канон во Македонија маестро Филип Михајлоски.

За оваа прекрасна мелодија се погрижи народниот оркестар на Миладиноски „Народно до Максимум“ и изворниот оркестар на Христијан Трајаноски

Вокал: Христијан Трајаноски
Продружни вокали: Анастасија Илиевска, Христина Тришеска

Музичари:
Хармоника: Златко Миладиноски
Бас гитара: Михајло Манојловски
Гитара: Томи Димовски
Кларинет: Александар Трајковски
Труба: Стефан Котески
Саксофон: Давид Нелоски
Канон: Филип Михајлоски
Виолини: Сања Здјелар, Иван Трајковски, Ангела Влинтовска
Тапан: Дејан Богданоски
Тамбура: Синиша Карафилоски
Кавали: Александар Ангелов, Матеј Кузевски, Стефан Трајковски
Гајда: Петар Ангелевски
Ударни инструменти: Никола Волкановски

Продуцент: Златко Миладиноски
Микс и мастер: Љупчо Соколовски
Видео продукција: Скендеровски

Уживајте!