Граѓаните на Хрватска се најзадолжени во регионот со износот на вкупниот долг кон банките по основ на заеми од 18 милијарди евра

Жителите на Црна Гора должат најмалку, приближно 1,39 милијарди евра, според јануарските податоци на шест централни банки во поранешна СФРЈ за состојбата на малопродажните заеми.

На второ место според вкупниот долг се Словенците со износ од 11 милијарди евра, додека граѓаните на Србија се на трето место со износ од 10 милијарди евра.

Меѓутоа, кога се гледаат вкупните износи на заемот во однос на бројот на жители, излегува дека граѓаните на Србија се најмалку задолжени во споредба со другите земји кои потекнуваат од поранешната заедничка држава.

Според висината на личните долгови по основ на заеми, најзадолжени се Словенците со износ од 5.286 евра, потоа следуваат Хрватите со 4.208 евра, Црногорците со 2.239, граѓаните на БиХ со 1.536 евра, Македонците со 1.452 евра и на крајот Србите со просечно 1.443 евра долг.

Интересно е да се забележи колку порасна задолженоста на граѓаните во овие земји во пандемијата 2020 година. Општо, тој порасна на ниво на неколку проценки – најмалку во Хрватска (1,8 %), а најмногу во Србија, со 11,2 %

Инаку за нашата држава според Управата за јавни приходи и нивната најнова листа на должници бр.03/2021 за долгови доспеани до 30.11.2020 и неплатени до 28.02.2020 година по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини.

На Листата на должници бр.03/2021 објавени се 2.790 должници – правни лица (помалку за 28 од претходната листа) и 1.825 физички лица (помалку за 28 од претходната листа).

Вкупно објавениот нето долг во Листата бр.03/2021 изнесува 10.087.488.923 денари, помалку за 193.775.645 денари од претходната листа.

Нето-долгот за даноци и придонеси изнесува 10.035.439.846 денари (помалку за 187.957.192 денари од претходната листа), додека долгот за царински давачки е 52.049.077 денари (помалку за 5.818.453 денари од претходната листа).