Иако може да изгледа безопасно да оставите полначот од мобилниот телефон во приклучокот, постои уште една причина зошто треба да го извадите од штекерот по полнењето.

Без разлика дали станува збор за кујнски апарати или уреди што ги користите за забава, многу предмети се оставаат приклучени во струја 24/7. Иако одредени производи може да се остават приклучени цело време без никаква штета, тоа не е случај за секој уред во вашиот дом.

Напојувањето во режим на подготвеност, познато и како фантомска потрошувачка, е електричната енергија што ја користи уредот додека е исклучен. Дури и ако го исклучите апаратот за кафе по утринското кафе, тој сепак може да троши енергија во текот на денот и да ја зголеми сметката за комунални услуги.

За да избегнете непотребно трошење на електрична енергија и да ја намалите потрошувачката, не заборавајте да ги исклучите овие домашни предмети од струја откако ќе завршите со нивна употреба:

1. Мали кујнски апарати

Парите потрошени за работа на кујнски апарати, дури и мали, брзо се акумулираат. Апаратите што ги користите еднаш или двапати на ден, како што се апаратите за кафе, тостерите и микробрановите печки, се главните виновници бидејќи користат енергија во режим на подготвеност кога се исклучени.

На пример, дури и ако не загревате ништо во микробрановата печка, дигиталниот часовник останува вклучен цел ден. Затоа, микробрановата печка „црпи“ електрична енергија (и пари). Исклучете ги малите кујнски апарати со дигитални дисплеи по употреба за да заштедите енергија и пари.

2. Полначи за телефони и други уреди

Ако вообичаено го оставате полначот за телефон или компјутер приклучен 24/7, обидете се да ги исклучите кога не ги користите за да заштедите енергија и пари. Плус, бидејќи полначите често се прегреваат, предизвикувајќи оштетување на каблите, кога се оставени приклучени предолго, можете да заштедите време и пари купувајќи нов полнач. И што е уште полошо, тие можат да запалат пожар и да предизвикаат огромна материјална штета.

3. Медиумски конзоли

Играчките конзоли често се оставаат приклучени кога не се во употреба. Иако може да изгледа безопасно да го оставите интернет модемот приклучен додека спиете или да заборавите да ја исклучите вашата играчка конзола откако ќе завршите со играње, тоа всушност троши многу електрична енергија. Исклучувањето на телевизорите, кабелските приемници, компјутерите и конзолите од струја не само што ќе ви заштеди пари, туку и ќе го заштити вашиот уред од потенцијално оштетување од пренапон на струја за време на бура.

4. Пумпа за циркулација на топла вода

Ако барате позначаен начин да заштедите пари на сметката за електрична енергија, можете да одлучите да ја исклучите пумпата за циркулација на топла вода во текот на летото. Иако водата ќе ви биде постудена, ќе заштедите многу повеќе пари и енергија додека се туширате и перете алишта. Или, ако сакате да користите топла вода во одредено време, како што е туширање или миење садови, инсталирајте паметен систем за контрола на рециркулација или тајмер за да ја вклучите пумпата за топла вода во одредено време секој ден.

5. Греалки

Греалките се корисни во текот на студените зимски месеци, но тие исто така трошат многу енергија, што со текот на времето ве чини пари. Бидејќи греалките користат електрична енергија во режим на подготвеност, задолжително исклучете ги од струја по секоја употреба. Не само што ќе избегнете потенцијална опасност од пожар, туку ќе заштедите и пари на вашата следна сметка за струја.

 Дополнителни совети за намалување на фантомската потрошувачка:

• Користете паметни приклучници или тајмери: Овие уреди автоматски ги исклучуваат уредите кога не се во употреба.

• Изберете уреди со Energy Star ознака: Овие уреди се дизајнирани да имаат пониска потрошувачка на енергија во режим на подготвеност.

• Редовно проверувајте ги уредите: Уверете се дека уредите не се прегреваат и дека каблите се во добра состојба.

Со следење на овие совети, не само што ќе заштедите пари на вашата сметка за електрична енергија, туку и ќе придонесете за заштита на животната средина.

Извор: espreso

Први мај е меѓународен празник кој се слави на секаде во светот. Во многу земји се поистоветува со денот на трудот кој произлезе од традициите на работничкото движење, иако славењето на први мај има длабоки корени во древните пагански празници посветени на природата. Празникот на трудот кој се празнува на првиот ден од мај и е посветен на борбата за зачувување и унапредување на работничките права,  всушност е ден на кој се оддава почит кон жртвите на штрајкот што се одржал од 1 до 4 мај 1886 година во Чикаго.

Во Македонија Први мај е државен празник, како и во повеќе земји во светот. Се до 2006 година Први мај се празнуваше два дена, на 1 и 2 мај, а од 2007 година се празнува само еден ден. Вообичаено кај нас, овој ден се користи за излети во природа. Скоро секој град има свои традиционални излетнички места, а тоа се најчесто зелени прекрасни ливади покрај вода каде населението ја пали традиционалната скара и со песна и игра го поминува денот на трудот.

Слично како и кај нас така и во други европски држави овој ден се прославува во природа покрај логорски оган на кој се спрема скара или некое друго јадење. Во некои земји во Северна и Централна Европа, во природа се излегува ноќта спроти Први мај (Валпургина ноќ) и се прославува плодноста, при што се пие и пее долго во ноќта покрај запалените огнови.

За разлика од ваквото празнување, кое има корени во паганското чествување на природата, во некои држави работничките синдикати организираат масовни протести на кои се истакнуваат нови барања за подобрување на работничките права при што често пати има и судири со полицијата.

Кај нас тоа е само симболично, што е одраз на традициите и културата на славање на овој празник како и на нивото на зрелоста на синдикалната организација.

Технолошкиот гигант „Google“ на голем број вработени им издаде соопштение во кое се бара истите да се вратат во канцеларија или ќе се соочат со отпуштање. Иако вредноста на работењето од дома беше јасно изразена за време на кризата со „Ковид-19“, големите американски компании, како што е „Google“, продолжуваат да инсистираат на враќање во канцеларија.

Американскиот „CNBC“ објави дека „Google“ ги известил своите вработени во САД, кои претходно имаа дозвола да работат целосно од далечина, дека мора да преминат на хибриден режим на работа.

– Според новите правила, вработените во одредени тимови ќе мора да доаѓаат во канцеларија три дена во неделата, според интерните документи.

Оваа одлука доаѓа откако ко-основачот на „Google“, Сергеј Брин, ги повика вработените почесто да доаѓаат во канцеларијата во февруари, во обид да ја натера компанијата да преземе водечка улога во револуцијата на вештачката интелигенција, пренесува српски benchmark.