Кичево
Денес е 11-ти септември – Ден на ослободувањето на град Кичево, далечната 1943, пред 82 години станува првоослободениот град во Македонија

На денешен ден, 11 септември 1943, пред точно 82 години по капитулацијата на Италија во Втората светска Војна, партизанските единици по жестоки борби го ослободуваат градот Кичево. Со тоа Кичево стана првоослободениот град во Македонија. Ова е првото ослободување на Кичево кое во наредните месеци уште неколку пати ќе биде окупирано и ослободувано. Во градот била формирана народна власт во која учество зеле претставници од сите националности кои живееле во градот.
За прв пат на дело се почувствувала заедничката слобода. На 26 септември е одржан голем народен митинг. Куриозитет е тоа што на балистичките водачи им била простена соработката со италијанските и германските фашисти и дури им било доверено чување на границата кон тогашна фашистичка Бугарија во околината на Бигор Доленци. Лојалноста на овие единици била многу кратка…
За помалку од еден месец од правец на Гостивар започнува масовен германски напад кон слободната територија која е бранета на планината Буковиќ од малубројната силномотивирана чета на чело со Мирко Милески која во таа прилика е збришана. Предадени и изневерени од страна на балистите и со поддршка на бугарската авијација, партизаните се повлекуваат кон Копачка, а Кичево е повторно окупиран.
Тука, во Кичево, беше родена слободна Македонија, земја на рамноправните и слободољубиви луѓе. Вечна слава на хероите кои беспоштедно влегоа во борба и го направија големиот подвиг со кој се навести конечното ослободување на Македонија.
Кичево
ЕВН на терен: Непланиран прекин на електрична енергија на превој „Стража“ и кичевските села Вранештица, Цер и Црско, Кладник, Велмевци и Прострање.

„ЕВН Дистрибуција“ известува дека непланиран прекин на електрична енергија има на превој „Стража“, с.Вранештица, Цер и Црско, Кладник, Велмевци и Прострање. Како што дознаваме од извори на терен, екипите на ЕВН Македонија се на терен и вложуваат напори за што побрзо стабилизирање на електрична енергија во овие краеви.
Кичево
Граѓаните на Кичево денес ја покажаа својата хуманост на дело и доброволно даруваа крв, во организација на „РЦУК Кичево“ во соработка со „ОО Црвен Крст“ и „Институтот за трансфузиона медицина“ Кичево

Во рамките на активностите за одбележување на 5 Октомври, денот на отпочнување со работа на ЦУК, РЦУК Кичево успешно организира уште една традиционална крводарителна акција.
Оваа акција се спроведува во соработка со ОО Црвен Крст – Кичево и Институтот за трансфузиона медицина Кичево. Ацијата се реализираше во просториите на Институтот за трансфузиона медицина Кичево.
На акцијата од 50 доброволни дарители беа собрани 38 единици крв, со што се покажа хуманоста и солидарноста на вработените од РЦУК Кичево, но и на вработени од други инстиуции и голем број хумани граѓани. Дел од доброволните дарители беа вратени поради здравствени причини.
Галерија:
Кичево
(ФОТО) Со скромна свеченост денес се одбележа патрониот празник на кичевската гимназија „Мирко Милески“

Денеска со скромна свеченост се одбележа патрониот празник на кичевската гимназија – ОСУ „Мирко Милески“. Настанот започна со говор на директорот г-дин Бранислав Стојаноски, кој ја истакна важноста на традицијата, посветеноста и заедништвото во образованието.
Свечената програма беше збогатена со настапи од:
Рецитали на нашите ученици
Училишниот хор
Училишниот бенд – под раководство на Проф. Горан Делевски.
Ликовна изложба – под раководство на Проф. Мирослав Крстески’
Со посебна почит беа одбележани и заслужните пензионери – поранешни вработени кои со својот труд и посветеност оставиле траен белег во развојот на училиштето. Ним им беше оддадена благодарност и признание за долгогодишниот придонес.
Со гордост ја продолжуваме традицијата и ги негуваме вредностите што ги оставиле генерациите пред нас!
-
Кичево1 ден
(ФОТО) Со скромна свеченост денес се одбележа патрониот празник на кичевската гимназија „Мирко Милески“
-
Временска прогноза17 часа
(ФОТО) „Стража“ почна да белее, апел за поголемо внимание, еве какво време нè очекува овие денови
-
Хороскоп1 ден
Хороскоп за четврток (2 октомври)
-
Кичево2 дена
За утре закажана „Крводарителна акција“ во Медицински центар – Кичево, „Даруваме денес, затоа што еден ден можеби и нам ќе ни треба!“
-
Кичево4 часа
ЕВН на терен: Непланиран прекин на електрична енергија на превој „Стража“ и кичевските села Вранештица, Цер и Црско, Кладник, Велмевци и Прострање.
-
Кичево7 часа
Граѓаните на Кичево денес ја покажаа својата хуманост на дело и доброволно даруваа крв, во организација на „РЦУК Кичево“ во соработка со „ОО Црвен Крст“ и „Институтот за трансфузиона медицина“ Кичево
-
Македонија1 ден
Исполнети се условите, од утре започнува грејната сезона 2025/2026
-
Македонија15 часа
(ФОТО) СВР Охрид успешно реализира обука за работа со „фонометар“, инструмент за мерење јачина на звук