Македонија Случувања

Денеска е голем празник: Жените кои сакаат да родат да му се помолат на светецот

Денеска е Свети Архангел Гаврил, во народот познат и како летен Архангел, а за него се врзуваат и многубројни обичаи. На оние кои ја почитуваат верата на тој ден им е забранета скоро секаква работа.

Свети Архангел Гаврил се празнува веднаш по празникот Благовештение како учесник во настанот, односно како гласник на зачнувањето на Спасителот. Црквата се сеќава и ги слави сите негови јавувања на човечкиот род од почетокот на времето се до денес. Инаку, овој празник е најверојатно за прв пат востановен во деветтиот век на Света Гора Атонска.

Именден празнуваат: Гаврил, Габриела и др.

Архангел Гаврил, заедно со Архангел Михаил го имаат чинот на серафимите, а серафимите имаат највисок ангелски чин поради што стоеле најблиску до Бога.

За овој светец врзани се многубројни обичаи. Девојките не треба да земаат рачна работа во раце, да шијат или плетат. Но, во народот останало верувањето дека ова е најдобар ден за нов почеток.

На Свети Архангел Гаврил добро е да му се молат жените кои сакаат да родат, бидејќи се верува дека тој носи благи и убави вести.

Ссе верува дека на денот на Свети Архангел Гаврил треба да се одмори и дека не треба да се работи за себе или за пари, но и дека треба да се отпочне каква било доброволна работа.

Св. Архангел е посветен на доброто и давањето, па така и луѓето треба да се сетат на своите блиски како и на оние кои имаат помалку од нив.

Close