Временска прогноза
Денес ќе имаме сончево време со мала до умерена облачност, викендов најава за нов бран на врнежи од дожд

Денес времето во Македонија ќе се задржи претежно стабилно и суво. Односно сончево со мала до умерена локална облачност. Особено долж Повардарието ќе дува слаб до умерен ветер од северозападен правец и истиот повремено ќе засилува на интензитет. Минималните температури речиси насекаде ќе се спуштаат под нулата, односно истите ќе се спуштаат во интервалот од -9 до 1 степен, на планинските места истите се очекува да се спуштат дури и под -10 степени, додека максималните дневни ќе се искачуваат во интервалот од 2 до 10 степени.
Во Скопје и околината денес времето ќе се задржи претежно стабилно и суво со подолги сончеви периоди. Ќе дува слаб до умерен ветер од северен правец. Минималната температура ќе се спушти до околу -3 степени, додека максималната ќе се искачи до околу 9 степени.
Според Попоски од утре попладне и навечер следува период на променливо облачно време, на повеќе места со повремени врнежи од дожд и снег на ниските, и снег на повисоките места и на планините. Повремено врнежи само од снег ќе има и на некои пониски места.
Поинтензивни врнежи ќе има во сабота особено во попладневните и во вечерните часови, како и во текот на ноќта кон недела. Температурите ќе се искачуваат во интервалот од 2 до 10 степени, додека пад на истите се очекува за време на викендот, кога ќе се искачуваат во интервалот од 1 до 6 степени. Минималните температури пак и понатаму на повеќе места ќе се спуштаат под нулата.
НАПОМЕНА: Температурите на воздухот кој се очекуваат во следниот период ќе бидат под повеќе годишниот просек, односно ќе биде постудено од вообичаеното.
Пишува: Славчо Попоски
Временска прогноза
Дожд на секаде во Македонија, локално ќе наврнат над 20 л/м²

Под влијание на влажен воздушен бран од Медитеранот до крајот на денов и утре (сабота 18 октомври) во Македонија времето ќе биде облачно со повремени врнежи од дожд кои особено во западните и во југозападните предели ќе бидат пообилни и локално ќе наврнат над 20 литри дожд на метар квадратен. И во Скопје и околината времето ќе биде облачно со повремени врнежи од дожд со слаб до умерен, повремено и со умерен интензитет.
Ќе дува слаб до умерен ветер и тоа долж Повардарието од југоисточен а во западните предели од источен и од североисточен правец. Поради продорот на поладен воздух од североисток денес на највисоките планински места во нашата Македонија (над 2000 метри надморска височина) ќе има услови и за повремен снег.
Што се однесува до температурите тие денес ќе бидат под просекот за овој период од годината и максималните дневни температури ќе се искачуваат во интервалот од 9 до 15 степени а утре (сабота 18 октомври) тие ќе бидат малку повисоки и ќе се искачуваат во интервалот од 12 до 20 степени.
Во Скопје и околината денес температурата ќе се искачи до околу 12 степени а утре таа ќе биде малку повисока и ќе се искачи до околу 16 степени, за јавноста истакна Славчо Попоски од Метеоаларм.мк
Временска прогноза
Доаѓа нов бран на дождови на планините снег, и тоа над 2000 нмв – ова се најновите метео вести

Под влијание на поголем влажен воздушен бран од Медитеранот, во текот на ноќта среда кон четврток (15/16 октомври) во четврток во текот на денот и во петок (16/17 октомври) во Македонија времето ќе биде облачно со повремени врнежи од дожд кои локално и повремено ќе бидат пообилни па така за време на овој период локално ќе наврне позначително количество на воден талог (над 20 литри на метар квадратен дожд). Ќе дува слаб до умерен ветер од северен и од североисточен правец.
Температурите во погоре споменатиот период повторно ќе бидат во опаѓање, особено максималните дневни температури на воздухот и тие повторно ќе бидат под просекот за овој период од годината и ќе се искачуваат во интервалот од 8 до 16 степени а во Скопје максимумот на температурата ќе се искачува до околу 13 степени.
Во Скопје и околината исто така во погоре споменатиот период ќе има повремени врнежи од дожд со умерен интензитет. Ќе дува слаб до умерен ветер од северен правец.
Да напоменам дека поради продорот на поладен воздух од североисток и од исток, на највисоките планински врвови (над 2000 метри) во Македонија ќе има услови за повремен снег, истакна Славчо Попоски
Временска прогноза
Пред нас динамична Есен, снегот може да подрани оваа година

Ни започнува есента, според она што можам да го кажам за пртстојната есен 2025, според Европскиот модел за Среднорочна прогноза (ECMWF) не очекува динамична атмосфера над нашиот дел од Европскиот Континент. Тоа значи дека ни следува многу променлива есен, ќе има и почести врнежи од дожд и пониски температури на воздухот за разлика од изминатите години, сепак и порај ова не значи дека нема да имаме топли есенски денови со многу сонце.
Особено повеќе врнежи може да очекуваме во почетокот, како и во втората половина од есента.
Со оглед на тоа дека на Пацификот значително зајакна Ла Ниња (Ладниот Климатолошки феномен) и токму ова ќе трае во текот на оваа есен како и во зимските месеци, треба да очекуваме почести ладни продори од север, особено во втората половина од есента, а повремени ладни продори ќе имаме по се изгледа и во првата половина од есента. Со ова треба да очекуваме дека снегот оваа година може да ни присатигне порано, и тоа уште во ноември месец и во пониските предели, додека на планините снегот треба да го очекуваме уште во октомври месец.
НАПОМЕНА: Долгорочните анализи на времето се со помала веројатност за остварување во целост, тоа значи дека промени во анализата се можни, токму поради ова граѓаните да ги следат моите краткорочни метео анализи кои се со 90% па и повеќе од 90% со можност за остварување, за Порта.мк истакна Славчо Попоски
-
Спорт2 дена
За прв пат, во ист ден тројца кичевски судии ќе судат меѓународни натпревари во Австрија и Фарски Острови
-
Хороскоп1 ден
Хороскоп за сабота (18 октомври)
-
Македонија1 ден
Нов случај со измама за наводно случена сообраќајка, каде побарана била изнуда од висока сума на пари за итна операција
-
Временска прогноза2 дена
Дожд на секаде во Македонија, локално ќе наврнат над 20 л/м²
-
Хороскоп2 часа
Хороскоп за недела (19 октомври)
-
Македонија2 дена
МВР: Во целост ја гарантираме безбедноста на граѓаните во насока на спроведување на фер и демократски „Локални избори 2025“
-
Без категорија6 часа
Неколку родителски работи, кои вашето дете ќе го направат посреќно
-
Социјални мрежи4 часа
„Мeta“ ја гаси оваа верзија на „Messenger“