Македонија
Денеска 672 нови случаи на Ковид-19, додека 37 од нив се жители на град Кичево, вкупно до денес активни се 227 пациенти
Денешниот Коронавирус биланс е со 672 нови случаи, од вкупно 6.770 тестирања во изминатите 24 часа. Починати се пет пациенти на возраст од 48 до 85 години, а регистрирани се и 35 оздравени. Бројот на активни случаи се искачи на 4.369.
Како што информира Министерството за здравство, од новозаразените со COVID-19, во Скопје се 230, Тетово – 115, Гостивар – 101, Куманово – 43, Кичево – 37, Струмица – 36, Охрид – 20, Струга – 13, Битола и Дебар имаат по девет нови случаи, Штип – осум, Кавадарци и Кочани по седум, Велес и Ресен по шест, Прилеп – пет, Македонски Брод – четири, Радовиш, Виница и Валандово по три, Берово и Пехчево бележат по два случаја и по еден во Свети Николе, Крива Паланка и Делчево.
Од пријавените починати лица, по двајца се од Тетово (48г и 66г) и Гостивар (59г и 85г) и еден од Виница (62г). Сите се починати во болнички услови.
Од 35-те оздравени пациенти, од Скопје се 12, Гостивар – девет, Битола и Кичево имаат по тројца, Прилеп и Струмица по двајца, а по еден оздравен пациент има во Куманово, Штип, Кочани и Свети Николе.
Епидемиолошки анализи на заболени и на активни случаи по градови:
Скопје 70 316, Активни 1468
Куманово 9190, Активни 263
Прилеп 8370, Активни 37
Тетово 8356, Активни 976
Битола 6421, Активни 96
Велес 5512, Активни 35
Гостивар 5785, Активни 558
Кавадарци 5202, Активни 44
Охрид 5116, Активни 95
Штип 4996, Активни 30
Струмица 4294, Активни 159
Струга 3079, Активни 96
Кочани 2833, Активни 35
Кичево 2840, Активни 227
Гевгелија 2199, Активни 2
Неготино 2185, Активни 1
Свети Николе 1537, Активни 9
Ресен 1253, Активни 19
Крива Паланка 1231, Активни 4
Радовиш 1187, Активни 23
Берово 1061, Активни 26
Делчево 980, Активни 6
Дебар 1043, Активни 89
Виница 902, Активни 15
Пробиштип 791, Активни 2
Валандово 688, Активни 18
Богданци 494, Активни 0
Крушево 490, Активни 0
Демир Хисар 400, Активни 0
Демир Капија 399, Активни 3
Кратово 377, Активни 0
Македонски Брод 381, Активни 22
Пехчево 281, Активни 10
Македонска Каменица 250, Активни 1
Дојран 132, Активни 0
Од почетокот на епидемијата во земјава, бројот на КОВИД-дијагностицирани лица достигна 160.571 од направени 1,046.042 тестирања, oздравеле 150.670 пациенти, бројот на починати е 5.532, а активни случаи има 4.369.
Македонија
Високи претставници на МВР денес беа во работна посета на ГП Блато и ОВР Дебар
Заменик министерот Исени во работна посета на ОВР Дебар и Граничниот премин Блато
Како дел од работните активности на Министерството за внатрешни работи, заменик министерот за внатрешни работи, Астрит Исени, денес оствари работна посета на ОВР Дебар и Граничниот премин Блато.
Во рамки на посетата, заменик министерот Исени се запозна со тековните активности, со предизвиците со кои се соочуваат службите, како и со начинот на нивно надминување.
На средбата се разговараше и за актуелната безбедносна состојба во регионот, при што беа презентирани најновите трендови на криминалитетот и мерките што се преземаат за негово спречување и навремено откривање.
„Безбедноста и владеењето на правото остануваат врвен приоритет на Министерството за внатрешни работи на целата територија на државата,“ истакна заменик министерот Исени.
Со оваа посета, МВР уште еднаш ја потврдува својата посветеност кон унапредување на безбедносните стандарди, поддршка на локалните полициски структури и континуирана работа на терен за поголема заштита на граѓаните и јавниот ред и мир, истакна МВР на социјалните мрежи.
Македонија
АМСМ: Поради излетано тешко товарно возило, патот Скопје-Куманово кај Хиподром (обиколница) е во прекин
На 24.10.2025 година од 09.00 часот на патниот правец Скопје – Куманово, на клучка Хиподром (обиколница Скопје) кон Куманово, поради излетано тешко моторно возило на патот, сообраќајот е во прекин, известува АМСМ.
Македонија
Во недела наутро започнува зимското сметање на време, со тоа што стрелките се враќаат еден час поназад
Министерството за енергетика, рударство и минерални суровини ги информира граѓаните дека, согласно Одлуката на Владата на Република Македонија од 28 март 2025 година, објавена во „Службен весник на Република Македонија“ бр. 68, летното сметање на времето за оваа година ќе заврши во недела, на 26 октомври 2025 година.
Со прекинот на летното сметање, во недела наутро, точно во 03:00 часот, часовниците ќе треба да се вратат еден час наназад, така што времето 03:00 ќе се смета како 02:00 часот.
Оваа одлука е донесена во согласност со редовната годишна процедура за прилагодување на сметањето на времето и е во насока на усогласување со стандардите и регулативите што важат во земјите од Европската Унија.
-
Хороскоп1 денХороскоп за вторник (28 октомври)
-
Магазин2 денаInstagram конечно ја добива опцијата што сите ја сакаа
-
Хороскоп5 часаХороскоп за среда (29 октомври)
-
Магазин2 денаOne UI 8.5: Нов начин за управување со известувања на Samsung уредите
-
Магазин2 денаMeta ги забранува ChatGPT и другите AI четботови на WhatsApp
-
Магазин2 денаКако да го смените фонтот на вашиот Android телефон
-
На денешен ден18 часаСветот на денешен ден (28 октомври)
-
Lifestyle18 часаКако да ја исчистите решетката од рерната без триење и хемикалии

