Lifestyle
Денеска е 8-ми март, меѓународниот ден на жената. Најдете тука порака и покажете го вашето внимание. Честит празник дами!

Денеска е 8-ми март, меѓународниот ден на жените кој се празнува секоја година. Овој празник настанал како резултат на борбата за економска, политичка и социјална рамноправност на мажите и жените. Сакајте ги, почитувајте ги и честитајте им го денешниот ден на вашите најмили со некои од овие пораки со кои ќе им го покажете вашето внимание:
● Многумина ќе ти посакаат брдо убави нешта, но ретко кој ќе се потруди тоа да ти го исполни! Јас ќе ти посакам само онолку колку што ти е потребно за да бидеш среќна… Среќен 8ми март!
● Во твојот мобилен телефон залутала порака каква овие денови сигурно не си видела….. а таа гласи: Среќен 8ми март!
● Да се биде жена е ужасно тешка задача, ако се има во предвид дека истата опфаќа константно соочување со мажите… Но, ти благодарам што си моја жена! Среќен ти 8ми март!
● Нека овој ден биде само твој, нека сонцето само за тебе сјае, не затоа што си жена, туку затоа што си единствена, поинаква од сите… Среќен 8ми март!
● Ти испраќам ѕвезда со најубав сјај, ти испраќам среќа без крај, ти испраќам сон исполнет со љубов и најубавите желби за денешниот ден! Среќен 8ми март!
● Твојата љубов е како искра која што го осветлува мојот свет! Најсакана, сакам да ме водиш низ целиот мој живот! Среќен 8ми март!
● Оваа порака ја пренесува сета мојата среќа и доброто расположение! Барем на момент уживај во чувството дека некој постојано мисли на тебе! Среќен 8ми март!
● Те сакам што си најубава бајка и што си родена да бидеш токму моја мајка… Среќен 8ми март!
● Нека среќата ти стане стварност, а здравјето нека биде трајност, нека љубовта твоето срце го грее и секоја исполнета желба нека ти се насмее! Среќен 8ми март!
● Те сакам затоа што си мојот живот и токму тебе ти го должам целиот мој успех, не само на овој ден, туку и на секој друг, за нас посебен! Среќен 8ми март!
● Ова е убава порака, пишувана со убави букви во еден убав ден и истата е испратена во најубавата минута, а може да ја добие само најубавата личност на овој свет! Среќен ти 8ми март убавино!
● Чувствувај се посебно, единствено, најпрекрасно… Ова е твојот ден! Среќен ти 8ми март!
● Ти благодарам што нашиот дом го правиш најпрекрасното место за живеење во светот! Среќен 8ми март моја најсакана!
● Мојот свет е прекрасен поради тебе и посакувам секој ден од остатокот од животот да го поминам сакајќи те! Среќен 8ми март!
● Да бидеш полна како брод, да ги фрлаш сите мажи на под! Ти си риба, тие се шкарт – Среќен ти 8ми март!
● И на крајот онаа наједноставната, а за многумина и најдрага: Среќен 8ми март!
● Што и да се случува, една жена никогаш нема да биде заборавена и вечно ќе живее во моите срце и душа. Среќен празник, мамо!
● Нека овој ден ти биде посебен, сонцето постојано да те грее, не затоа што си жена, туку затоа што си единствена и поразлична од другите! Среќен 8-ми март!
● Нека секој следен ден ти биде подобар, сите желби остварени, и не заборавај на сонцето дури и тогаш кога истура дожд. Среќен празник!
● Те сакам затоа што си најдобра, полна со разбирање и издржливост. Горда сум што си ми мајка. Среќен 8-ми март, мамо!
● Ти испраќам ѕвезда со најубав сјај, многу среќа и бакнежи исполнети со љубов. Најубави желби за овој ден, среќен празник!
● Секоја добрина која ја даруваш нека ти се врати во поголема мера, нека љубовта биде твоја водилка низ животот и уживај не само денес, туку и секој нареден ден. Среќен 8-ми март!
● Сѐ додека Земјата се врти, јас ќе те сакам. Сѐ додека сјаат ѕвездите, јас ќе внимавам на тебе, а секое наредно утро ќе ти покажувам колку повеќе ми значиш! Среќен празник!
● Среќен празник на најубавата, најуспешната и најинтелигентната жена. Секогаш стреми се кон иднината и нека те пратат само убави моменти!
● Уживај во сознанието дека ги имаш најблиските до себе и чувството дека некому си му целиот свет. Секогаш имај на ум дека некој те сака и внимава на тебе. Среќен 8-ми март!
● Исполни ги годините со живот, а не животот со години. Запамети дека ти си достојна за внимание секој ден, а не само еден ден во годината. Уживај во својот живот, среќен празник!
Lifestyle
Палачинки со тиквички – брз, евтин и идеален летен оброк

Сезоната на тиквички секоја година нè радува бидејќи нуди безброј решенија за брзи и лесни летни оброци. Палачинките со тиквички се еден од највкусните и наједноставни избори – одлични за појадок, лесен ручек или вечера.
Состојки:
-
1–2 тиквички, рендани
-
2 јајца
-
250 мл млеко (може и кисело млеко или јогурт)
-
100–150 г брашно
-
Сол, бибер, зачини по вкус (на пример мелен бибер, магдонос)
-
Масло за готвење
Подготовка:
Излупете ги тиквичките доколку е потребно и изрендајте ги. Посолете ги и оставете ги да стојат околу 15–20 минути за да пуштат вода, потоа добро исцедете ги.
Во посебен сад изматете ги јајцата, додадете млеко, сол, бибер и постепено додавајте брашно, мешајќи додека не добиете малку погуста смеса од обичната за палачинки. Додајте ги исцедените тиквички и избраните зачини, па нежно измешајте.
Пржете ги палачинките на загреан тав со малку масло додека не поруменат од двете страни.
Совет плус:
За побогат вкус, во смесата можете да додадете фета сирење, рендано тврдо сирење или ситно сечкан лук. Послужете ги топли со кисело млеко, павлака или некој освежителен сос по ваша желба.
Овој рецепт е идеален кога сакате нешто брзо, лесно и вкусно, а притоа да уживате во свежите летни вкусови.
Извор: B92
Lifestyle
Како да го разладите домот без клима: Три едноставни трикови

Температурите се зголемуваат, а престојот во затворен простор сè повеќе наликува на престој на директно сонце. Ако немате клима уред, не грижете се – постојат неколку едноставни начини да го разладите просторот дома и да ја подобрите удобноста.
Во продолжение ви ги претставуваме трите најделотворни трикови:
1. Создадете страничен ветер
Експертите од Good Housekeeping Institute препорачуваат создавање на таканаречен страничен ветер – ефективен начин за извлекување на жешкиот воздух надвор и внесување свеж воздух внатре.
-
Во текот на денот: држете ги прозорците, вратите и ролетните затворени за да спречите влез на топлина.
-
Навечер: отворете ги прозорците, поставете еден вентилатор свртен надвор (за да ја исфрлува топлината) и втор вентилатор свртен внатре (за да внесува свеж воздух).
2. Замрзнете шишиња со солена вода
Овој метод е едноставен и ефективен:
-
Замрзнете едно големо или три мали пластични шишиња со вода, на која ќе додадете три мали лажички сол.
-
Поставете ги пред вентилатор – солта помага водата побрзо да се замрзне и подолго да остане ладна.
-
Вентилаторот ќе го разнесува студениот воздух низ просторијата.
3. Сад со мраз пред вентилатор
Слично како со шишињата, поставете сад со мраз пред вентилатор. Додека воздухот поминува над мразот, ќе се излади и ќе создаде пријатна циркулација на свежина низ собата.
Овие трикови не само што се лесни и ефтини, туку и навистина функционираат. Ако немате клима уред, ова се вашите најдобри сојузници во борбата против летната жега.
Извор: BizPortal
Lifestyle
Дали навистина треба да се плашиме од семките од лубеница? Еве што се случува кога ќе ги проголтате

Со генерации наназад кружи митот: „Ако проголташ семка од лубеница, ќе ти порасне лубеница во стомакот!“ Иако ова е само шега од детството, многумина и денес ги избегнуваат семките кога уживаат во ова популарно летно овошје.
Но, што навистина се случува ако ги голтнеме? Дали се штетни или, спротивно на очекувањата, дури и здрави?
Семките од лубеница се безбедни – и хранливи
За разлика од семките на цреши или кајсии, кои може да содржат опасни супстанции, семките од лубеница се потполно безбедни за јадење. Според нутриционистите Саманта Касети и Селин Бејхман од Институтот за кулинарско образование во Њујорк, овие мали семки кријат вистинско богатство од хранливи материи.
Во само 28 грама семки има:
-
7–8 грама протеини – приближно колку едно јајце
-
4 грама јаглехидрати
-
Повеќе од 25% од препорачаниот дневен внес на растителни влакна
Минерална моќ во секоја семка
Семките од лубеница се посебно вредни поради високата содржина на железо и магнезиум:
-
28 грама семки обезбедуваат околу 2 мг железо – што е 25% од дневните потреби за мажи и 10% за жени
-
Магнезиумот, од друга страна, е клучен за над 300 телесни функции – од регулирање на срцевиот ритам до поддршка на имунолошкиот и нервниот систем
Одличен избор за растителна исхрана и бременост
Семките од лубеница се особено корисни за оние што практикуваат вегетаријанска или веганска исхрана, поради железото од растително потекло. Исто така, нутриционистите ги препорачуваат и за бремени жени, бидејќи содржат минерали што се клучни за здравиот развој на бебето.
Како да ги јадете семките?
Најлесниот начин е едноставно да не ги плукате кога јадете лубеница. Но, ако сакате дополнително да уживате, можете да ги изпечете и зачините – исто како семки од тиква или сончоглед. Во некои земји веќе се продаваат како здрава ужина, но многу лесно можете да ги подготвите и дома.
Печени, тие можат да се јадат самостојно или да се додаваат во салати и смути.
Умереноста е клучна
Иако се здрави, треба да се внимава со количината. Во 28 грама има околу 13 грама масти (главно здрави), но прекумерниот внес – особено кај луѓе со чувствителен желудник – може да предизвика дигестивни тегоби. Затоа, ако првпат ги воведувате во исхраната, направете го тоа постепено.
Заклучок: Митот е разрушен, семките се сојузник на здравјето
Не, лубеница нема да ви порасне во стомакот ако проголтате семка. Напротив, семките се нутритивно вредни и можат да бидат вкусен и здрав додаток во вашата секојдневна исхрана. Следниот пат кога ќе јадете лубеница – можеби вреди да размислите пред да ги фрлите семките.
Извор: Espreso
-
Хороскоп2 дена
Хороскоп за четврток (26 јуни)
-
Хороскоп13 часа
Хороскоп за петок (27 јуни)
-
Кичево2 дена
(ФОТО) Гори ниска шума и дива депонија во атарот на с.Туин кичевско, ТППЕ Кичево уште на терен
-
Македонија54 минути
Од ноќеска цената на дизелот драстично паѓа, еве колку ќе биде литар дизел гориво од полноќ
-
Македонија22 часа
Нов случај на измама: Старица дала огромна сума пари на таканаречен лекар кој и кажал лоша вест за ќерката
-
Македонија3 часа
Од 1 јули до крај на месец август на државните патишта во Македонија се воведува летен времен режим на сообраќај со кој се забранува движење на тешки товарни возила
-
Lifestyle2 дена
Како да го разладите домот без клима: Три едноставни трикови
-
На денешен ден2 дена
Времеплов: На денешен ден – 26 јуни