Денес времето во Македонија ќе биде сончево и СТУДЕНО со умерена локална облачност. Особено долж Повардарието ќе дува умерен, повремено засилен ветер од северен и од северозападен правец. Максималните температури ќе се искачуваат во интервалот од -2 до 6 степени

Според Попоски, утре и во петок во текот на денот времето ќе се задржи стабилно, суво и сончево, повремено со умерена облачност, додека во петок навечер, како и за време на викендот ќе има повеќе облачност и ќе има повремени локални послаби врнежи претежно од снег.

Температурите наутро сеуште ќе бидат МНОГУ НИСКИ и понекаде ќе се спуштаат до околу -10 степени, додека максималните дневни во текот на следните денови ќе бидат повисоки и ќе се искачуваат во интервалот од 2 до 10 степени во најтоплите предели.

Текст: Славчо Попоски за портал еспресо.мк

Во текот на вечерните и ноќните часови од запад ќе започнуваат врнежи од СНЕГ. Инаку, како што најавивме, утре врнежите од снег ќе се прошират и во останатите предели, а ПОИНТЕНЗИВНИ ќе бидат во западните предели каде насекаде ќе се формира снежна покривка, а истата на планините ќе се зголемува. Мала снежна покривка ќе се формира и во останатите места, освен во централните и во југоисточните предели. Ќе започне да дува умерен, а Долж Повардарието засилен ветер од северен правец. Утре температурите ќе бидат значително пониски и максималните ќе се искачуваат во интервалот од -3 до 4 степени.

Потоа за време на викендот, како и во почетокот од следната недела времето ќе се задржи променливо облачно и МНОГУ СТУДЕНО со сончеви периоди. Ќе има услови за слабо и локално провејување на снег, а ќе дува и умерен до засилен ветер од северен правец. Наутро температурите ќе бидат МНОГУ НИСКИ и понекаде ќе се спуштат до околу -15 степени, додека максималните ќе се искачуваат во интервалот од -5 до 3 степени.

Автор: Славчо Попоски
Фото: Pixabay