Временска прогноза
Доаѓа нова бура на дождови, и тоа денес во попладневните часови под влијание на циклон
Под влијание на циклон кој е со центар западно и северозападно од нас, овој викенд, како и во почетокот на следната седмица во Македонија во попладневните часови повторно ќе има локален развој на нестабилна облачност, проследена со пороен дожд, грмежи и засилен ветер, истакна Славчо Попоски
Сепак, поради големата енергија во атмосферата токму поради топлиот бран од Африка, ќе се создадат услови за локално, но силно невреме, проследено со обилен пороен дожд за кратко време кој би можел да предизвика локални поројни поплавувања, силен ветер, силни и чести електрични празнења како и со појава на град кој би можел да биде крупен во ваква ситуација.
И во делови од Скопскиот регион постои услови за попладневна нестабилност, но и услови за појава на невреме.
Попоски исто така апелира, граѓаните и тоа во случај на појава на невреме и на силни електрични празнења да бидат крајно внимателни, односно да не се претстојува на отворен простор и под осамени дрвја. Секако во случај на појава на крупен град и на силен ветер автомобилите да се заштитат.
Што се однесува до температурите, тие овој викенд, како и во почетокот на следната седмица ќе бидат натпросечно високи и ќе се искачуваат во интервалот од 27 до 35 степени, а во најтоплите централни и југоисточни предели тие локално би можеле да надминат и 35 степени. Во Скопје за време на овој топол бран температурата ќе се искачи до околу 31-32 степени.
Временска прогноза
Во следните часови како и вечерва дожд во форма на невреме ќе ја освежи атмосферата во Македонија
Под влијание на ладен атмосферски фронт од север, кој ќе се судри со топлиот воздух од југ кој се наоѓа над Македонија, во следните часови, како и вечерва во најголем дел од државава времето ќе биде многу нестабилно и со честа појава на пороен дожд, грмежи и засилен ветер.
На повеќе места повторно ќе има појава на силно невреме проследено со обилен пороен дожд за кратко време и истиот би можел да предизвика локални поројни поплавувања, силен ветер (над 70 км/час) силни и чести електрични празнења и со појава на град кој би можел да биде и крупен, за Порта.мк и Метеоаларм истакна Славчо Попоски
Временска прогноза
Попоски истакна дека од утре ќе имаме по свежо време
Под влијание на ладен атмосферски фронт поврзан со циклонска активност со центар некаде над Италија утре (вторник) 2.7.2024 во попладневните и во вечерните часови повторно атмосферата во Македонија позначително ќе се дестабилизира, а со тоа од север ќе започне да пристигнува значително посвеж воздух.
Во ваква ситуација, кога топлиот воздух под чие влијание сме сега ќе се судри со значително посвежиот воздух од север утре попладне и навечер на повеќе места во Македонија ќе дојде до развој на конвективна облачност проследена со пороен дожд, грмежи и засилен ветер. Локално повторно ќе има појава на посилно невреме проследено со обилен пороен дожд за кратко време и истиот би можел да предизвика локални поројни поплавувања, исто така невремето ќе биде проследено и со силен ветер, силни грмежи и електрични празнења и со појава на град кој би можел повторно да биде крупен.
И во делови од Скопската котлина утре попладне и навечер можна е појава на невреме, проследено со обилен пороен дожд, силен ветер, силни и чести електрични празнења и со појава на град.
Што се однесува до температурите, тие утре во текот на денот ќе се искачуваат во интервалот од 28 до 36 степени, меѓутоа кон крајот на денот и во текот на ноќта кон среда тие ќе бележат тенденција на позначително опаѓање, па така во среда и во четврток ќе биде значително посвежо и променливо со повремен локален пороен дожд, грмежи и повремено умерен до засилен северен ветер.
Поради очекуваната нова поголема дестабилизација на времето и очекуваното невреме утре попладне и навечер, апелираме граѓаните да бидат крајно претпазливи, односно во случај на појава на невреме и на електрични празнења да не се претстојува на отворен простор и под осамени дрвја. Исто така во случај на појава на силен ветер и на крупен град автомобилите навремено да се заштитат, за Порта.мк утрово истакна Славчо Попоски
Временска прогноза
Почетокот на следната седмица, нова најава за Сахарска прашина и песок
Почитувани мои, анализата за тоа какво време не очекува овој викенд веќе ја знаете. Но најновата метео вест која сега ќе ви ја споделам е тоа дека во понеделник и во вторник накратко ни доаѓа нов облак од прашина и песок од Сахара, по што ни следува позначително освежување и дестабилизирање на времето, но за освежувањето и за дестабилизирањето на атмосферата ќе ве информирам во следните мои метео објави.
Во понеделник и во вторник заедно со прашината и песокот од Сахара, ни доаѓа и мачното и спарно време, па така температурите ќе ги чувствуваме како да се повисоки од реално измерените.
Во понеделник ќе биде уште малку потопло, па така во најтоплите централни и југоисточни предели температурата локално ќе се искачи до близу 40 степени.
Оваа Сахарска прашина и песок која често ја имаме оваа сезона е поради честото јужно и југозападно воздушно струење. Истата од Сахара, преку Италија, па потоа преку централна европа, Велика Британија, се спушта преку северен и централен балкан и доаѓа до нашата Македонија.
Како што претходно најавив, во следните мои метео објави ќе имам детална анализа околу поголемото освежување на времето во првата седмица од јули, но и околу поголемата нова дестабилизација на атмосферата, истакна Славчо Попоски
-
Македонија1 ден
(ФОТО) Предмалку се случила тешка сообраќајка кај с.Мешеишта на патниот правец Кичево-Охрид
-
Хороскоп2 дена
Месечен Хороскоп (јули)
-
Хороскоп23 часа
Хороскоп за вторник (2 јули)
-
Временска прогноза14 часа
Во следните часови како и вечерва дожд во форма на невреме ќе ја освежи атмосферата во Македонија
-
Кичево8 часа
Во Кичево затекнат битолчанец баран по потерница за идржување казна затвор од седум години за сторени повеќе кривични дела
-
Временска прогноза2 дена
Попоски истакна дека од утре ќе имаме по свежо време
-
Автомобили1 ден
Колку гориво троши клима уредот во автомобилот и како да се намали потрошувачката на минимум
-
Lifestyle10 часа
Дали знаете која е идеалната температура за клима во лето?