Временска прогноза
Добри метео вести, од среда целосна стабилизација и летни температури, топлотен бран кон крајот на јули – ова се деталите..

Нестабилното време ќе се задржи до самиот крај на денешниот ден а локална нестабилност ќе имаме уште утре кога ќе има пороен дожд, грмежи и засилен ветер.
Локално сеуште ќе има услови за појава на НЕВРЕМЕ проследено со обилен пороен дожд, силен ветер, силни електрични празнења и појава на град. Температурите ќе се искачуваат во интервалот од 25 до 33 степени.
Веќе од среда под влијание на стабилна и сува воздушна маса, времето ќе биде стабилно, суво и сончево со мала локална облачност.
Ќе дува слаб до умерен, а утре кон крајот на денот и навечер и во среда и тоа особено Долж Повардарието ЗАСИЛЕН ветер од северен правец.
Сепак температурите ќе бидат релативно пријатни, што значи не се очекуваат екстремно високи температури. Минималните ќе се спуштаат во интервалот од 14 до 22 степени, додека нешто посвежо утро ќе имаме во четврток кога минималните температури ќе се спуштаат во интервалот од 9 до 19 степени во најтоплите предели.
Максималните температури ќе се искачуваат во интервалот од 25 до 34 степени.
И во скопскиот регион од среда ќе имаме целосно стабилизирање на времето и многу повеќе сонце. Утре кон крајот на денот и навечер, како и во среда ќе дува умерен до засилен северен ветер. Температурата ќе се искачува во интервалот помеѓу 28 и 29 степени.
Овие денови УВ ИНДЕКСОТ ќе има МНОГУ ВИСОКА вредност (коефициент околу 10).
Одсега гледано, нов изразен топлотен бран со потекло од Африка, нашата територија треба да ја зафати некаде од околу 25, 26 јули. – Состојбата ќе се следи.
Временска прогноза
Алармот е вклучен, денес ќе имаме најтопол ден од почеток на 2025-та година!

Денес (недела 8 јуни) во Македонија топлотниот бран од Африка ќе го достигне својот максимум и температурите ќе се искачуваат во интервалот од 29 до 37 степени. Во Скопје максималната дневна температура ќе се искачи до околу 37 степени.
Времето ќе биде претежно сончево со мала локална облачност. Ќе дува слаб до умерен ветер од променлив правец.
УВ ИНДЕКСОТ ќе има многу висока вреднот и ќе изнесува коефициент 8.
Денешниот ден ќе биде и најтоплиот ден досега оваа 2025 година, доцна вечерва истакна метеорологот Славчо Попоски од Метеоаларм.
Временска прогноза
Попоски апелира за локална дестабилизација со пороен дожд, ова се информациите

Под влијание на фронтална долина со поладен воздух во висина која се наоѓа над нашиот дел од Европа, во Македонија следува локално дестабилизирање на атмосферата.
Во ваква ситуација, деновиве во попладневните и во вечерните часови ќе има локален развој на грмотевични конвективни облаци од кои очекувам појава на поројни врнежи од дожд, грмежи и силен ветер во зоната на нестабилност.
Поради загреаната атмосфера исполнета со енергија, локално процесите ќе бидат интензивни и во форма на невреме, проследено со поројни врнежи од дожд, силен ветер, силни електрични празнења и со услови за појава на крупен град.
И во делови од Скопскиот регион следува развој на грмотевични облаци со поројни врнежи од дожд, силен ветер, електрични празнења (во форма на невреме), особено од утре (четврток 5 јуни).
Што се однесува до температурите, до крајот на оваа недела ќе бидат без промени во однос на оние кои ги имаме сега.
– Апелирам, во случај на појава на невреме граѓаните да обратат поголема внимателност, односно, во случај на појава на електрични празнења, да не се претстојува на отворен простор и под осамени дрвја.
Исто така, во случај на појава на силен ветер, граѓаните своите автомобили да ги заштитат, однсоно, да не ги ставаат во близина на дрвјата, особено оние дрвја кои се осамени, вели Славчо Попоски
Временска прогноза
Најави за дожд речиси и да нема, следува период на летни температури и покачен УВ индекс

Пред нас е период на значително потопло време со значителен пораст на температурите на воздухот. Нашата Република Македонија во следните денови ќе биде под влијание на топол воздушен бран со потекло од Африка. Сепак, екстремно високи температури на воздухот нема да има, односно, што значи дека се работи за умерен топол Африкански бран.
Времето во следните денови ќе биде претежно стабилно, суво и сончево со појава на мала до умерена локална облачност. Можни се сосема мали исклучоци, односно повремено и локално можно е да дојде до сосема мала дестабилизација на атмосферата, со што само накратко ќе има услови за краткотраен локален пороен дожд.
И во Скопје и околината следува период на многу потопло и стабилно и суво време, а ќе има и многу повеќе сонце.
Што се однесува до температурите, тие ќе бидат во значителен пораст, како утринските така и максималните дневни температури на воздухот. Преку ден тие на повеќе места ќе се искачат до околу 30 степени, а тие повремено на повеќе места ќе надминуваат и 30 степени, a во Повардарието тие ќе се искачат и до 35 степени.
Не се исклучува можноста повремено температурите во Повардарието да се искачат и за само некој степен над 35 степени.
УВ ИНДЕКСОТ ќе има умерено до многу висока вредност, и ќе изнесува вредност помеѓу 7 и 8, информира Славчо Попоски
-
Хороскоп1 ден
Хороскоп за сабота (7 јуни)
-
Кичево2 дена
Кичевското архиерејско намесништво истакна соопштение по повод „Духовденска задушница“
-
Култура1 ден
(ВИДЕО) Краток фрагмент на отец Партениј за „Македонија и Патриотизмот“ од новиот филм посветен на неговиот триесет годишен монашки пат
-
Македонија2 дена
СВР Охрид: Армијата на Република Македонија ќе реализира тактичко-технички активности
-
Хороскоп2 часа
Хороскоп за недела (8 јуни)
-
Македонија8 часа
Попладнево почувствуван земјотрес во Македонија
-
Спорт1 ден
Македонија има потенцијал кој претходно го докажала. Милевски верува дека вечер играчите ќе го дадат својот максимум!
-
Спорт8 часа
(ВИДЕО) „Капа доле“ за прикажаната игра упати Милевски, додека Омерагиќ во соблекувалната укажа поддршка и честитки до играчите на македонската репрезентација!