Снегот кој од утрово паѓаше во делови од централните, источните и од североисточните предели од Македонија, ќе продолжи до крајот на денот, а ќе го има и во текот на ноќта кон утрешниот ден (вторник), истакна Славчо Попоски.

Врнежите ќе бидат претежно со слаб до умерен, локално и со умерен интензитет. Снег ќе врне понекаде и во градовиоте во овие делови од Македонија.

Се очекува формирање на нова снежна покривка со висина од 1 до 5 cм, локално и до 10 cм снег. На повисоките места снежната покривка би можела да биде и поголема.

И во деновите кои се пред нас ќе имаме уште постудено време, исто така ќе има нови повремени врнежи од дожд, додека на повисоките места и на планините ќе врне снег. Повторно можна е појава на повремен снег понекаде и на местата со помала надморска височина (во населените места), заврши Попоски

НАПОМЕНА: Доколку патувате во овие предели од државава, препорачуваме крајно внимателно да управувате со своите возила, и тоа поради очекуваните нови врнежи од снег.

Под влијание на уште постуден воздушен бран од север и од североисток, од денес, па и во почетокот на следната седмица температурите ќе опаднат за 4 до 8 степени во однос  на сегашните, а облачноста ќе се зголемува и ќе има појава на повремен локален дожд, додека на планините повремено ќе врне снег, со што е можна појава  и на првата снежна покривка за оваа сезона таму, иако истата ќе биде тенка.

Повремено ќе дува слаб до умерен ветер од источен и од југоисточен правец.

И во Скопскиот регион следува значително постудено време во следниот период, а облачноста ќе се зголеми, и ќе има услови за повремен локален дожд со слаб до умерен интензитет. Ќе дува слаб до умерен ветер претежно од југоисточен правец.

Наутро, особено денес, како и во понеделник температурите повторно ќе бидат особено ниски и на повеќе места низ Македонија ќе се спуштаат под нулата, додека особено во Беровскиот регион температурата се очекува да се спушти до околу -7, -8 степени.

Што се однесува до максимални дневни температури, денес (недела), како и во почетокот на следната седмица ќе се искачуваат во интервалот од 7 до 14 степени. Во Скопје наутро температурата ќе се спушта во интервалот помеѓу -2  и 1 степен, додека максималната дневна ќе се искачува до околу 14 степени, истакна Славчо Попоски

Студениот период кој не зафати деновиве ќе се задржи и во следниот период, па и во текот на речиси цела наредна седмица. Покрај ова, следната седмица ќе биде уште постудена од оваа со максималните дневни температури кој на многу места нема да надминуваат 10 степени, па и ќе се задржат под 10 степени. Само во југоисточните предели тие ќе се искачат до околу 14 степени.

Мора да напоменеме дека особено наутро и тоа во почетокот на следната седмица ќе биде особено студено со минимални температури кои во поголем дел од државава и понатаму ќе се спуштаат под нулата. Понекаде, особено на високите места, како и во Беровскиот регион наутро температурата се очекува да се спушти дури до близу -10 степени.

Исто така, во почетокот на следната седмица ќе има и повремени локални врнежи од дожд, додека на повисоките места  и на планините ќе има повремен снег, со што можно е да се формира помала снежна покривка. Не се исклучува можноста за прв пат оваа сезона по некоја снегулка да провее и  на местата со помала надморска височина.

Се на се, зимата  и тоа како ја чувствуваме деновиве, особено во ноќните и во утринските часови, а со уште поголем интензитет ќе ја чувствуваме следната седмица, вели Славчо Попоски