АМСМ пред два часа објави дека поради интензивни врнежи од снег од 02:15 часот од превентивни причини се воведува забрана за Тешки Товарни Возила на планинскиот премин Стража, додека пак од 03:15 часот е воведена забрана за ТТВ на патниот правец Дебар-Маврово.

ПРЕКИН НА СООБРАЌАЈ: Сообраќај во близина на с.Башино Село, кај мостот, од 14:40 часот е во целосен прекин и истиот ќе биде во прекин подолг временски период.

На 01.01.2025 во 01.40 часот, пред ноќен клуб лоциран на улицата „Стив Наумов“ во Охрид, приведени се српските државјани Д.Ќ.(20) од Панчево и А.К.(26), Л.С.(22), А.С.(21) и Л.М.(21), сите од Врање, кои претходно, пред објектот го нарушиле јавниот ред и мир со меѓусебна физичка пресметка.

Против нив ќе биде поднесен соодветен поднесок, за Порта.мк извести портпаролот на СВР Охрид, г-дин Стефан Димоски.

Имајќи ги предвид влијанијата на овие елементи во формирањето на цените на нафтените деривати според Методологијата, малопродажните цени на нафтените деривати согласно Методологијата за формирање на цените, се зголемуваат во просек за 0,11%. Малопродажната цена бензинот ЕУРОСУПЕР БС-95 се зголемува за 0,50 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 23.12.2024 година и со тоа малопродажната цена на ЕУРОСУПЕР БС-95 изнесува 77,00 ден/лит.

Малопродажните цени на бензинот ЕУРОСУПЕР БС-98, на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1), не се менуваат, односно остануваат на исто ниво како што биле утврдени со одлуката за утврдување на највисоки малопродажни цени на нафтените деривати и горива за транспорт од 23.12.2024 година и со тоа малопродажната цена на ЕУРОСУПЕР БС-98 изнесува 79,00 ден/лит, малопродажната цена на ЕУРОДИЗЕЛ (Д-Е V) изнесува 71,00 ден/лит, додека малопродажната цена на Екстра лесното масло за домаќинство на (ЕЛ-1) изнесува 70,50 ден/лит.

Малопродажната цена на Мазутот М-1 НС, се намалува за 0,039 ден/кг, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 23.12.2024 година и со тоа малопродажната цена на Мазутот М-1 НС изнесува 45,784 ден/кг, извести Регулаторната комисија за енергетика.