Кичево
(ФОТО+ВИДЕО) Вчера вечер на плоштадот во Кичево светлиот дух на Божик го озари Епископот Партениј со неговата посета
Во магичниот амбиент на плоштадот во Кичево, под светлечките украси и ѕвездено небо, една вечер се претвори во вистинска волшебна атмосфера, богата со духовност и радост. Светлиот дух на Божик, во чест на Христовото Раѓање, нашето спасение, ги оживеа срцата на Кичевчани преку благословената посета на епископот Антаниски Партениј.
И покрај врнежливото и ладно време, плоштадот беше исполнет со голем број на верници и граѓани кои, одржувајќи го духот на заедницата, дојдоа да се сретнат со Епископот, покажувајќи дека верата и заедништвото се посилни од било какви временски услови.
Во рамките на веќе традиционалниот новогодишен и божикен „Базар“ на плоштадот во Кичево, граѓаните, а посебно најмладите, имаа незаборавна прилика да ја споделат празничната радост со високопочитуваниот епископ.
Владиката Партениј, заедно со сестринството од Манастирот Пречиста, го започна денот со празнична богослужба во чест на вториот ден од Божик и Соборот на Пресвета Богородица. Оваа света церемонија беше повеќе од прослава; таа беше потсетник за вечната порака на радосната вест за раѓањето на нашиот Спасител, Исус Христос, која останува сржта и светлината зад секој божикен празник.
Како што се спушташе вечерта, празничниот „Базар“ на плоштадот во Кичево се претвори во еден светлински феномен, којшто се расцвета под радосните ноти на византискиот хор „Козма Пречистански“ исполнувајќи Божикни Каланди и мелодиите на бендот „Addicted“. Овие моменти на заедничко славење не беше само забава, туку и поклонение кон длабоката симболика на Христовото Раѓање, која нè спојува и нè подига како луѓе.
Со пречекот на епископот Партениј, граѓаните на Кичево и посетителите на „Базарот“ заедно го споделија овој светол момент на празнична радост и заедништво. Најзначајниот дел на вечерта беше незаборавниот момент кога владиката им подели новогодишни пакетчиња на децата, симбол на духовната радост и заедничката празнична ведрина која оваа вечер ја донесе. Радоста беше особено видлива во очите на најмладите, кои со воодушевување ги примаа подароците исполнети со љубов и надеж. Овие подароци, донирани од самите граѓани на Кичево, беа не само израз на љубовта и почитта кон епископот, туку и одраз на духот на заедништвото и добротата, кои се темелите на нашата вера и на празникот кој заедно го чествуваме.
Секој агол од празничниот „Базар“, од блескавите божикни пештери до украсите и мирисите на традиционалните јадења, го одразуваа вечниот дух на Божик – чудото на раѓањето на Исус Христос и неговата порака на љубов и спасение.
Оваа незаборавна вечер во Кичево, осветлена од светлината на нашиот Спасител, Исус Христос, не беше само празник за очите и срцата на присутните, туку исто така длабоко духовно искуство кое го потсетува секој Кичевчанец на важноста на заедништвото, верата и добрината што секој ја носи во себе. Владиката Партениј, со своето благословено присуство и благословот што го донесе, не само што ги наполни срцата со радост, туку и го зацврсти духот на заедницата, потврдувајќи дека секоја заедница е толку силна колку што е нејзината вера и посветеност кон традицијата и посветеноста едни на други.
Со ветувањето дека ќе се врати на концертот за Василица, владиката не само што ја подкрепи нашата вера, туку исто така ја поттикна вербата дека светлината на заедништвото и добротата ќе продолжат да ги водат Кичевчани напред, осветлувајќи го патот кон подобра иднина.
– Што се однесува до агендата на настани на празничниот „Базар“ на градскиот плоштад, вечерва вторник (9-ти јануари) на паното пред поставената Божикна пештера ќе настапи маестро Лука Лазарески со своето пијано, утре среда (10-ти јануари) на барање на публиката гостува повторно Владимир Баланс заедно со неговото огнено шоу, четврток (11-ти јануари) детски песни и забава за најмладите со маскоти, (12-ти јануари) петок ќе настапи КУД „Бисер“ и КУД „Нико Пусоски“, додека на (14-ти јануари) недела ќе се реализира Божикен концерт во НЦУК „Кочо Рацин“
Во прилог ви доставуваме фотогалерија преку нашиот објектив од вчерашниот настан:
Кичево
„Македонски Завет“ организира хуманитарен концерт во НУЦК „Кочо Рацин“ со културно уметнички друштва и естрадни уметници од Кичево
Патриотско Здружение „Македонски Завет“ од Кичево, организира хуманитарен концерт наречен „Чување на традицијата и негување на Културното наследство“, во соработка со „Црвен Крст“, Кичево. Во НУЦК „Кочо Рацин“ – Кичево на 29.11.2025 година (сабота) со почеток од 19:00 часот.
Картите за концертот чинат симболични 200 денари, пуштени се во пред продажба и може да си резервирате карта на броевите: 071/327-117 или 078/322-028, а истите ќе се продаваат и на билетарата на НУЦК „Кочо Рацин“ – Кичево на денот на одржување на хуманитарниот концерт.
– Средствата од концертот, ќе бидат донирани на социјални и ранливи семејства во соработка со „Црвен Крст“ Кичево, во предновогодишниот период. Мотото и целта на овој проект во реализација на Патриотско Здружение „Македонски Завет“ – Кичево е да помогне на тие на кои сме им најпотребни и да им ги удостоиме новогодишните и Божикни празници, со хумана донација. Патриотски е да бидеме хумани.
Концертот ќе биде збогатен со оро и родољубиви песни, а ќе настапуваат културно-уметничките друштва од Кичево и естрадните уменици, кои ќе бидат гости на овој концерт, а во музичка придружба на група ЕТНУМ:
КУД Бисер Кичево
КУД Нико Пусоски Кичево
КУД Младост Кичево
КУД Кочо Рацин Кичево
Христијан Трајаноски
Дарко Стојаноски
Методија Столески
Софија Пуровска
Анастасиа Митровска
Мирослав Мирчески
Михајло Данилоски
Лука Лазарески
Христијан Тришоски
Од патриотското здружение повикуваат: Дојдете и заедно да им ги посреќиме новогодишните и Божикни празници, на оние, на кои сме им најпотребни. Хуманоста е највисокиот степен на родољубие.
Исто така преку нашиот медиум, истакнуваат особена благодарност до градоначалникот на општина Кичево Д-р Александар Јованоски, како и до директорот на НУЦК „Кочо Рацин“ г-дин Мазлам Османи за поддршката на овој значаен проект за здружението и кичевчани.
Кичево
(ФОТО) Кичево: Се работи во населба „Иванидол“, чекор по чекор до реализација на сите ветувања за подобар по квалитетен живот за сите граѓани
Веднаш по доаѓањето на новата локална самоуправа во Општина Кичево се отпочна со значителни чекори напред со нова енергија, нова визија и со цврста решеност да се работи заеднички без поделби, без разлики, со една единствена цел, подобар и подостоинствен живот за секој сограѓанин. Се исполнуваат дадените ветувања, а првиот доказ за тоа е започнатата реконструкција на должина од околу 800 метри на ул. „Тренко Тасески“ што би рекле во длабоко заборавената населба „Иванидол“. Инаку да потсетиме оваа населба беше застапена и во предизборните проекти на градоначалникот кој ја доби најголемата доверба од кичевчани.
Со нови тротоари, современи дренажни канали и целосно асфалтирање, оваа улица ќе добие модерен и функционален лик што одговара на стандардите на модерното урбано живеење. Подобрената безбедност, поквалитетната проодност и полесното секојдневно функционирање ќе бидат директен бенефит за сите жители од овој дел на градот.
– Со заедничка сила, со взаемна доверба и со постојана мотивација можеме многу. И ќе успееме. Кичево ќе биде пример за развој, за единство и за искрено работење во интерес на народот, ова е само почеток, стоиме зад проектите што ги ветивме и истите ќе се реализираат, чекор по чекор, со транспарентност и посветеност. Заедно ќе го градиме Кичево, Кичево кое обединува, Кичево во кое секој граѓанин има место и перспектива – за Порта.мк истакнаа од кабинетот на новиот градоначалник Д-р Александар Јовановски во текот на вчерашниот ден.
За сите новости и проекти кои следуваат, може да се најдат на официјалниот веб сајт од Општина Кичево – ТУКА
Кичево
„ЕВН КЕЦ Кичево“ најави прекин на електрична енергија на овие локации, работите на терен се планирани за вторник и четврток
Како што информираат од ЕВН, поради зафати на електродистрибутивната мрежа 18.11 и 20.11 – вторник и четврток, „ЕВН КЕЦ Кичево“ ќе работи на терен, така што прекини во снабдување на електрична енергија ќе имаат домаќинствата и објектите на следните места и села од град Кичево:
-
Кичево2 дена(ФОТО) Кичево: Се работи во населба „Иванидол“, чекор по чекор до реализација на сите ветувања за подобар по квалитетен живот за сите граѓани
-
Хороскоп24 часаХороскоп за среда (19 ноември)
-
Хороскоп2 денаХороскоп за вторник (18 ноември)
-
Магазин1 часПорака од возач на Брза Помош, почит за сите возачи, наши спасители!
-
Временска прогноза2 денаВо овој момент се формира влажен бран кој носи обилен дожд и невреме!
-
Кичево5 часа„Македонски Завет“ организира хуманитарен концерт во НУЦК „Кочо Рацин“ со културно уметнички друштва и естрадни уметници од Кичево
-
Lifestyle1 денКако да го спречите замаглувањето на прозорците со средство што веќе го имате дома
-
Македонија2 денаЦУК: Апелираме за на зголемена внимателност при движење низ улиците каде има проблеми со апсорпцијата на атмосферските и фекалните канализации во урбаните делови на градот


















































