Спорт
ФФМ и УЕФА: Фудбалот е спорт број 1 во Македонија, работата на ФФМ оценета како исклучително успешна
Фудбалот е спорт број 1 во Македонија. Угелдот и перцепцијата за работата на Фудбалската федерација на Македонија е исклучително позитивен, додека нивото на интерес за натпреварите на Националните тимови постојано бележи раст.
Ова се само дел од резултатите кои произлегуваат од научното истражување за ставовите кон македонскиот фудбал. Истражувањето е направено и спроведено од Kantar Media, водечка меѓународна компанија специјализирана за истражување, податоци и увиди, во име на Фудбалската федерација на Македонија со поддршка на УЕФА.
Фудбалот е спорт број 1 во Македонија (58%)
– Најдобрата македонска репрезентација се пласираше на ЕУРО 2020 и еден од најголемите моменти во нашата фудбалска историја дава можност за зголемување на целокупниот интерес.
– Помладата популација од 18 – 24 години има најголем интерес за фудбал и веројатно е клучна во одржувањето и зголемувањето на интересот за фудбалот во Македонија преку развој на стратегии фокусирани на младите.
ФФМ углед и комуникација (71% сметаат дека ФФМ има позитивна целокупна слика – зголемување од 50% во однос на 2016)
– Улогата на Фудбалската федерација на Македонија во подобрувањето на целокупната слика за македонскиот фудбал (од инфраструктура до резултатите на Националните тимови) доведе до значително подобрена перцепција за ФФМ.
– Во следниот период ФФМ треба да се насочи кон кампањи кои прикажуваат вистински иницијативи за постигнување на претходно дефинирани и мерливи цели поврзани со обука на висококвалитетни тренери и судии и развој на младински програми.
– ФФМ треба да развие стратегија за комуникација за да ја зголеми свеста за организациската активност
Учество во фудбалот
– Учеството во фудбалот бележи значителен раст. Фудбалот во Македонија е најпопуларен спорт и поради бројот на деца кои започнуваат да тренираат и играат фудбал (27%).
– Учеството на момчињата кои почнуваат да играат фудбал е силно. ФФМ треба да продолжи да инвестира во „Детска лига“ и во проектите за развој на „Училишен фудбал“. На тој начин, се зголемува бројот на учесници во фудбалот и се поттикнува бројот на регистрирани фудбалери во клубовите.
Домашен фудбал
– Прва македонска лига: Интересот за Националното првенство е зголемен за 6%. Возрасните групи 18-24 и 25-34 години имаат најголем интерес.
– Високиот интерес на популацијата од 18-24 години за најдобрата македонска репрезентација треба да биде дополнителен импулс за зголемување на интересот за македонската лига која треба да биде место каде што следната генерација на македонски репрезентативци ја започнуваат својата кариера.
Меѓународен фудбал (од 2016 интересот е значително зголемен од 43 на 50%)
– Интересот за македонските национални тимови дополнително е зголемен со кампањата за ЕУРО 2020. Промотивната кампања треба да биде фокусирана на успехот, возбудата и гордоста.
– По завршувањето на Европското првенство, ФФМ треба да стави акцент на иницијативи и поддршка на другите национални репрезентации со шанса за пласман на големи турнири во иднина.
– Специфични области на фокус треба да бидат обука на висококвалитетни тренери и судии, подобрување на фудбалската инфраструктура и развој на младинските категории.
– Многу значајно е да се зголемува интересот за младинските репрезентации покажувајќи им го патот на играчите од македонските репрезентации кои беа дел од младинските национални тимови и стигнаа до учество на УЕФА ЕУРО 2020.
Фудбалската Федерација на Македонија како лидер помеѓу спортските организации во Македононија редовно врши истражувања на јавното мислење за фудбалот и спортот воопшто. За потребите на последното истражување направено во 2020 година земени се податоците од истражувањето извршено во 2016 година со цел да се направи споредба со промените во перцепцијата и достигнувањата на федерацијата.
Истражувањата во целост може да се погледнат на линковите во продолжение на овие два линкови –
Спорт
(ФОТО) У17: Русија поуспешна од Македонија во вториот контролен меч, одигран денес во Струмица
Македонската фудбалска репрезентација до 17 години загуби на домашен терен во Струмица од своите врсници со резултат 0:2. Резултатот гостите го отворија уште во 6-тата минута, додека вториот погодот беше реализиран во второто полувреме во финишот на мечот, односно во 80-тата минута од натпреварот.
– Селекторот Влатко Колев може да биде задоволен од прикажаната игра, иако пријателскиот меч беше со негативен резултат, затоа што од она што го видовме на терен момците покажаа карактер и верба, се разбира и мотив, додека пријателските контролни мечеви се токму еден тест за големите очекувања.
Претходниот контролен меч кој се играше пред 2 дена во Турново, заврши со резултат 1:1, каде стрелец на единствениот гол од слободен удар беше охриѓанецот Давид Лиотоски
Да потсетиме, нашето момче од Кичево, Стефан Војчески кој ги брани боите на „АП Брера“ од Струмица одигра одлични 45 минути, исто така беше дел и од претходниот меч.
Спорт
(ЖИВО) У17: Македонија – Русија во вториот контролен меч, кичевчанецот Војчески во стартниот состав
Фудбалската репрезентација на Македонија до 17 години од 12ч го игра својот втор контролен меч против Русија.
Првиот меч заврши без победник, односно 1:1. Стрелец на голот за нашата селекција беше одличниот Давид Лиотоски, додека нашиот кичевчанец Стефан Војчески одлично се покажа. Поради тој факт, денес сме присутни и очекуваме уште подобра подготвеност.
Натпреварот во живо проследете го во продолжение:
Спорт
Дриблинг атракции, фудбалски надигрувања и фер плеј. Фудбалски викенд во Кичево, дечињата на „ФК Кичево“ активни во сите генерации
Во рамки на денешниот ден нашите момчиња од „ФК Кичево“ одиграа првенствени натпревари во детската лига. Најголемо внимание предизвика натпреварот помеѓу двете талентирани генерации од 2014 година против екипата на „ФК Влазрими“. Стрелец на единствениот гол на натпреварот беше Дамјан Спасеноски од слободен удар, после низа пропуштени шанси.
Свој натпревар одигра и генерацијата 2016/2017 која што за прв пат со големи амбиции се натпреварува оваа година. Во овој натпревар им подадовме рака на противниците за подобрата игра, стрелец на голот за нашата екипа беше Тадеј Станковски.
* Нашите најмали надежи од 5 и 6 години исто така одиграа фудбалски натпревар за пофалба. Таму стрелецот на голот беше Јован Дојчиноски
Во прилог погоре, се поставени фотографии од генерација 2014, на „ФК Кичево“ преку нашиот објектив. Додека останатите фотографии од другите генерации ќе бидат објавувани на официјалната фан страница од ФК Кичево и нивниот инстаграм профил во текот на денешниот и утрешниот ден.
-
Хороскоп1 денХороскоп за недела (16 ноември)
-
Скопје1 денЦУК: Двете жени се пронајдени во црн пат помеѓу Долно Количани и Батинци и се во добра здравствена состојба, истите биле државјанки на Македонија
-
Спорт1 денДриблинг атракции, фудбалски надигрувања и фер плеј. Фудбалски викенд во Кичево, дечињата на „ФК Кичево“ активни во сите генерации
-
Спорт12 часа(ЖИВО) У17: Македонија – Русија во вториот контролен меч, кичевчанецот Војчески во стартниот состав
-
Временска прогноза1 денОд вторник следува промена на времето во Македонија
-
Хороскоп29 минутиХороскоп за понеделник (17 ноември)
-
Спорт5 часа(ФОТО) У17: Русија поуспешна од Македонија во вториот контролен меч, одигран денес во Струмица
-
Македонија5 часаПоради сообраќајка прекин во сообраќај кај Валандово











