Спорт
ФФМ и УЕФА: Фудбалот е спорт број 1 во Македонија, работата на ФФМ оценета како исклучително успешна

Фудбалот е спорт број 1 во Македонија. Угелдот и перцепцијата за работата на Фудбалската федерација на Македонија е исклучително позитивен, додека нивото на интерес за натпреварите на Националните тимови постојано бележи раст.
Ова се само дел од резултатите кои произлегуваат од научното истражување за ставовите кон македонскиот фудбал. Истражувањето е направено и спроведено од Kantar Media, водечка меѓународна компанија специјализирана за истражување, податоци и увиди, во име на Фудбалската федерација на Македонија со поддршка на УЕФА.
Фудбалот е спорт број 1 во Македонија (58%)
– Најдобрата македонска репрезентација се пласираше на ЕУРО 2020 и еден од најголемите моменти во нашата фудбалска историја дава можност за зголемување на целокупниот интерес.
– Помладата популација од 18 – 24 години има најголем интерес за фудбал и веројатно е клучна во одржувањето и зголемувањето на интересот за фудбалот во Македонија преку развој на стратегии фокусирани на младите.
ФФМ углед и комуникација (71% сметаат дека ФФМ има позитивна целокупна слика – зголемување од 50% во однос на 2016)
– Улогата на Фудбалската федерација на Македонија во подобрувањето на целокупната слика за македонскиот фудбал (од инфраструктура до резултатите на Националните тимови) доведе до значително подобрена перцепција за ФФМ.
– Во следниот период ФФМ треба да се насочи кон кампањи кои прикажуваат вистински иницијативи за постигнување на претходно дефинирани и мерливи цели поврзани со обука на висококвалитетни тренери и судии и развој на младински програми.
– ФФМ треба да развие стратегија за комуникација за да ја зголеми свеста за организациската активност
Учество во фудбалот
– Учеството во фудбалот бележи значителен раст. Фудбалот во Македонија е најпопуларен спорт и поради бројот на деца кои започнуваат да тренираат и играат фудбал (27%).
– Учеството на момчињата кои почнуваат да играат фудбал е силно. ФФМ треба да продолжи да инвестира во „Детска лига“ и во проектите за развој на „Училишен фудбал“. На тој начин, се зголемува бројот на учесници во фудбалот и се поттикнува бројот на регистрирани фудбалери во клубовите.
Домашен фудбал
– Прва македонска лига: Интересот за Националното првенство е зголемен за 6%. Возрасните групи 18-24 и 25-34 години имаат најголем интерес.
– Високиот интерес на популацијата од 18-24 години за најдобрата македонска репрезентација треба да биде дополнителен импулс за зголемување на интересот за македонската лига која треба да биде место каде што следната генерација на македонски репрезентативци ја започнуваат својата кариера.
Меѓународен фудбал (од 2016 интересот е значително зголемен од 43 на 50%)
– Интересот за македонските национални тимови дополнително е зголемен со кампањата за ЕУРО 2020. Промотивната кампања треба да биде фокусирана на успехот, возбудата и гордоста.
– По завршувањето на Европското првенство, ФФМ треба да стави акцент на иницијативи и поддршка на другите национални репрезентации со шанса за пласман на големи турнири во иднина.
– Специфични области на фокус треба да бидат обука на висококвалитетни тренери и судии, подобрување на фудбалската инфраструктура и развој на младинските категории.
– Многу значајно е да се зголемува интересот за младинските репрезентации покажувајќи им го патот на играчите од македонските репрезентации кои беа дел од младинските национални тимови и стигнаа до учество на УЕФА ЕУРО 2020.
Фудбалската Федерација на Македонија како лидер помеѓу спортските организации во Македононија редовно врши истражувања на јавното мислење за фудбалот и спортот воопшто. За потребите на последното истражување направено во 2020 година земени се податоците од истражувањето извршено во 2016 година со цел да се направи споредба со промените во перцепцијата и достигнувањата на федерацијата.
Истражувањата во целост може да се погледнат на линковите во продолжение на овие два линкови –
Спорт
Легендарниот кичевски „ФК Напредок“ пред згаснување, се апелира за било каква помош

Еден од легендарните фудбалски клубови во Македонија, име кое често пати ги полнеше стадионите, своевремено прволигаш и финалист во купот од 2004 година денес се соочува со црна судбина, без спонзори, без никаква поткрепа.
Дел од луѓето кои му останаа верни на клубот преку официјалната фејсбук страна апелираат за било каква помош, во спротивно, клувот ќе згасне за секогаш.
Спорт
(ВИДЕО) Се чини најголемото промашување на Кристијано Роналдо во неговата кариера е тоа денес против Џенова

Како што се очекуваше, Јувентус ја победи Џенова, на крајот резултатот беше 3: 1, но натпреварот ќе остане запаметен по неверојатното промашување на Кристијано Роналдо!
Португалецот не даде ниту еден од трите гола на Јуве, но во 22-та минута лесно можеше да се запише во листата на стрелците. Наместо тоа, го бележиме можеби најголемиот неуспех во неговата кариера!
Акцијата започна во центарот, Федерико Киеза ја украде топката од противникот и се упати кон голот, а потоа шутираше од околу 11 метри. Голманот бранеше, а Роналдо, кој ја следеше целата акција, налета на тоа одземање.
Роналдо беше во трка, но промаши празна мрежа од два метри и ја погоди стативата!
His biggest miss? pic.twitter.com/C45edu5rX3
— Marlin (@yogabatshard) April 11, 2021
За среќа на Јувентус, Алваро Мората беше таму и го постигна голот од третиот обид во таа акција.
ФОТО: TANJUG/MARCO ALPOZZI/LAPRESSE VIA AP
Спорт
Сејдини: Не очекувам фалби, бидејќи јас ниту асистирам, ниту постигнувам голови, целта е успехот – ништо друго!

Обично практикувам да комуницирам со Вас секогаш кога најавуваме нови проекти, успеси и информации што значат промоција на македонскиот фудбал, особено во периодот кога ја живееме нашата долгоочекувана фудбалска бајка што е и единствено очекувано да се прави.
Во една прилика јавно кажав: „Ако државата функционира како фудбалската репрезентација на Македонија, тоа ќе биде добро за сите”
Тоа го мислам и денес, но принуден сум овој пат да се обратам до сите Вас по повод пишувањата на одредени медиуми за мојот однос со селекторот на репрезентацијата.
Се обидувам, но никако не можам да ја разберам потребата за новинарски сензации и наслови кои никому не му одат во прилог, а кои се целосно невистинити и најостро ги демантирам.
Јас, Муамед Сејдини, потполно сум убеден дека во моментот ја имаме најдобрата генерација македонски фудбалери, генерација која го постигна најдобриот резултат во историјата на нашиот фудбал и верувајте, ќе продолжат уште повеќе да не радуваат сите нас.
Ваквото мислење го имав и во текот на квалификациите за Европското првенство во јуни – септември 2019, кога голем број спортски работници и јавноста бараа смена на селекторот во периодот кога игравме со Израел, Полска, Австрија, а немавме добри резултати.
Но, јас верувам во континуитет и верувам дека брзите одлуки не се добри решенија. Цврсто стојам на ставот дека за секој успех треба и време и многу работа. Се потврди дека тоа е исправно. На радост на сите нас, резултатите дојдоа после две години.
Тогаш бев цел на критики од јавноста, критиките ги трпам и сега, но сето тоа вреди кога имате искрена цел пред себе и единствено за што размислувате е успехот.
Оваа Македонија е моќна и наша цел е континуиран настап на големите натпреварувања. На добар пат сме тоа да го постигнеме.
Апсолутно не очекувам никој мене лично да ме пофали за истото, бидејќи јас ниту асистирам, ниту постигнувам голови, ниту правам тактика за натпреварите. Тоа го прават нашите златни момци и стручниот штаб.
Колку малку е потребно за сите во Македонија да доживеат моменти на среќа и радост, покажаа 90-те минути на натпреварот со Германија, а посебно после последниот свиреж на судијата.
Моја најголема одговорност е оваа атмосфера во репрезентацијата, оваа фудбалска бајка да продолжи, да се надградува и никој од страна да не успее да ја расипе.
Во спортот нормално е да има разговори и различни мислења. Тие се решаваат интерно и со договор бидејќи целта на сите нас е Македонија да оди само напред и никако поинаку.
Секогаш практикувам и се обидувам да ги слушам советите на професионалците во својата област, така беше и во случајот со навивачката химна. Го одбравме тоа што беше сугерирано како најдобро решение, а никогаш не би дозволил да се мешам во туѓа работа, а посебно да негирам нечии заслуги.Тоа е една од најлошите особини што човек може да ги има.
Сега е наше време сите да се обединиме зад фудбалската репрезентација на Македонија.
Сега е наше време сите да помогнеме за успех на претстојното Европско првенство.
А, јас во секое време сум на располагање за сите медиуми да одговарам на сите прашања.
Ве уверувам, нема да дозволам никој по било која цена која што е надвор од фудбалот да ја наруши прекрасната атмосфера што владее во репрезентацијата.Тоа е моја должност и обврска. Да го зачуваме тоа што сите нас не прави среќни, горди и радосни.
Сега е навистина наше време!
Напред Македонија!
Пишува г-дин Муамед Сејдини – Претседател на Фудбалската Федерација на Македонија
-
Кичево2 дена
Вчера на ул „Рудничка“ затекнат крадец во полициски час, додека ТППЕ и вработени од „Лопушник“ изгасија пожар на шума во кичевската месност „Јани“
-
Кичево2 дена
(ГАЛЕРИЈА) На прекрасното кичевско „Осломејско езеро“ деновиве се одржуваше „Боила куп Кичево 2021“ – ловење крап каде учество имаа 16 тимови
-
Спорт12 часа
Легендарниот кичевски „ФК Напредок“ пред згаснување, се апелира за било каква помош
-
Магазин15 часа
Убава вест, пејачот Влатко Миладиноски стана татко по втор пат, Илинче доби сестричка
-
Хороскоп2 дена
Викенд Хороскоп (11 април) недела
-
Македонија2 дена
Денеска потврдени 687 нови случаи на Ковид-19, починале 46 лица, најмладиот имал 34 години
-
Временска прогноза3 дена
Сепак ќе имаме дестабилизација на времето, ова се најновите детали
-
Македонија3 дена
Денеска од Ковид-19 1.092 нови случаи, починале 32 лица