Спорт
ФФМ сеќавање: Десет години од смртта на Илија Атанасовски – Ико, човекот за кој фудбалот беше образование, животна школа и надеж..
Денеска се навршуваат 10 години од смртта на поранешниот генерален секретар на Фудбалската федерација на Македонија и еден од основоположниците на самостојна ФСМ, Илија Атанасовски – Ико.
Атанасовски почина на 2 мај 2014 година во Скопје на 65-годишна возраст.
Наш долгогодишен фудбалски работник. Беше фудбалер, тренер, членуваше во комисиите на УЕФА и на ФИФА, беше фудбалски историчар. Ќе остане запаметен и како автор на енциклопедијата на македонскиот фудбал со наслов „Ние сме едно големо фудбалско семејство“. Неговото дело даде само потврда дека фудбалот беше опсесивна тема за Ико.
Великан на фудбалот. Голем и како човек и како играч и како функционер. Во ФФМ работеше цели 26 години, а во тој период заедно со тогашниот претседател на Федерацијата, Љубисав Иванов – Ѕинго, Фудбалскиот сојуз на Македонија беше примен во УЕФА и во ФИФА.
Исклучително ценет од колегите и од спортските работници. Ќе биде запаметен како еден од големите спортски работници кој знаеше да ги препознае, застапува и брани интересите на македонскиот фудбал.
ИЛИЈА АТАНАСОВСКИ – ИКО, човекот за кој фудбалот беше образование, животна школа и надеж.
Извор: ФФМ
Спорт
Фудбалските судии во првата, односно втората македонска фудбалска лига супериорни во 32-то коло од првенството
Судиска комисија ги разгледа спорните моменти од 32 коло на ПРВА МФЛ, и ги донесе следните заклучоци:
На натпреварот Фк.Тиквеш-Фк.Воска одигран на 12.05.2024 година, анализирана е ситуацијата од 14 минута.
„Главен судија: Димтар Пилешков. Помошни судии: Даниел Василевски и Слаѓан Марковски.
14 минута: ИСПРАВНА ПРОЦЕНКА НА ГЛАВНИОТ СУДИЈА (За недосуден пенал за гостинската екипа, при резултат 0:0)
Играч на гостинската екипа додаде топка до свој соиграч во 16-сетникот на домашната екипа и пред да ја прими топката минимално беше повлечен за рака од противнички играч, по што падна.
Исправна одлука на главниот судија што дозволи играта да продолжи бидејки влечењето беше минимално, без интензитет и недоволно за пенал.
На натпреварот Фк.Шкупи-Фк.Брера одигран на 12.05.2024 година, анализирана е ситуацијата од 29 минута.
„Главен судија: Крумислав Ѓорѓиев. Помошни судии: Кристијан Џонов и Ристе Ѓорѓиев.
29 минута: ИСПРАВНА ПРОЦЕНКА НА ВТОРИОТ ПОМОШЕН СУДИЈА ( За сигнализирано офсајд позиција на домашен играч и поништен гол на домашната екипа, при резултат 0:0)
Играч на домашната екипа центрираше во 16-сетникот на гостиснаката екипа, топката дојде до друг ирач на домашната екипа и постигна гол.
Исправна одлука на вториот помошен судија што сигнализираше офсајд и што го поништи голот бидејки во момент на центаршутот од својот соиграч, играчот на домакините се наоѓаше во недозволена позиција (позади предпоследниот играч на екипата на гостите).
Помошниот судија во оваа ситуација беше добро поставен, во линија со предпоследниот играч на гостинската екипа и имаше исправна проценка на оваа тешка ситуација.
На останатите натпревари од ПРВА МФЛ немаше спорни ситуации за судиска анализа, додека на натпреварите од ВТОРA МФЛ немаше спорни ситуации за судиска анализа.
Спорт
ЖФК Љуботен втора година по ред освојувач на Купот на Македонија во фудбал
Женскиот фудбалски клуб Љуботен втора година по ред е освојувач на Купот на Македонија, откако денеска на градскиот стадион во Велес, во реприза на минатогодишното финале успеа да издвојува минимална победа со 1:0 над екипата на Каменица Саса.
Aлександра Марковска е стрелецот на единствениот погодок и тоа директно од корнер на денешната финална средба во 90. минута.
ЖФК Каменица Саса: Фереира Да Силва, Гонзалс Руеда, Делгадо Бенедито, Иригучи Наноска, Ана Димитровска, Радица Велкова, Стефанија Маринковска, Драгана Костова, Фрагосо Туане, Елена Панеска, Стефанија Ристова
Тренер: Зоран Златковски
ЖФК Љуботен: Магдалена Лекоска, Ива Јованоска, Павлинка Николовска, Александра Марковска, Елена Симјанова, Наталиа Луана, Кармо Мартинс, Елена Петровска, Бојана Петкова, Христина Јошевска, Алваренга Диас
Тренер: Елена Петровска
Спорт
Пол беше подобар од Медведев, победи на Зверев, Хуркач и Циципас во Рим
Американскиот тенисер Томи Пол се пласираше во четвртфиналето на Мастерсот во Рим, откако го совлада Русинот Данило Медведев со 6:1, 6:4. Моментално 16. тенисер во светот победи против четвртиот на АТП листата по час и 14 минути игра.
Противник на Пол во четвртфиналето ќе му биде Полјакот Хуберт Хуркач, кој беше подобар од Аргентинецот Себастијан Баес со 5:7, 7:6, 6:4. Местото во четвртфиналето го обезбеди петтиот тенисер во светот, Германецот Александар Зверев. Победи против Португалската калуѓерка Борхес со 6:2, 7:5.
Зверев годинава ќе го игра третото четвртфинале на Мастерсот, по Индијан Велс и Мајами, а противник ќе му биде Американецот Тејлор Фриц. И грчкиот тенисер Стефанос Циципас се пласираше во четвртфиналето откако со убедливи 6:1, 6:2 го совлада Австралиецот Алекс де Минор.
Цисипас за пласман во полуфиналето ќе се бори со Чилеанецот Николас Џари, кој беше подобар од Французинот Александар Милер (7:5, 6:3).
Во четвртфиналето се пласираше и кинескиот тенисер Жижен Жанг кој го совлада Бразилецот Тиаго Монтеиро со 7:6, 6:3. Негов следен ривал ќе биде Чилеанецот Алехандро Табило, пренесува Danas.rs
-
Хороскоп2 дена
Хороскоп за среда (15 мај)
-
Хороскоп21 час
Хороскоп за четврток (16 мај)
-
Кичево1 ден
Вчера во Кичево автомобил удрил во пешаци-малолетнички, по што возачот избегал во непознат правец
-
Македонија2 дена
Авто-плинот од денес конечно со намалена цена за литар, после подолго време
-
Магазин1 ден
Ако телефонот ви бил украден – не грижете се! Google има решение за да го пронајдете веднаш
-
Магазин1 ден
Продадени 12 милиони за 12 недели: Оваа видео игра го сруши рекордот!
-
Спорт22 часа
ЖФК Љуботен втора година по ред освојувач на Купот на Македонија во фудбал
-
Автомобили1 час
VW Golf оваа година го слави својот 50-ти роденден, а по тој повод ќе биде претставена специјална серија